今日又響天台執野, 就黎風季喇 , 大夫成日響我面前嘆氣 ......... 所以我要開始整理一下d植物喇, 譬如將2盤縮埋做一盤 , 就黎枯0既瓜菜收拾左佢 ....薄荷修完枝無耐又成撮野咁 ......
今晚就將2盤萍果冬縮做一盤 ,
斑馬冬之前唔識打理 , 又徒長又肥傷 , 剪哂d醜樣葉之後下番觀葉肥 ( 之前用左一支喇 ,當堂生番靚仔哂 ~)
雷公仔枯左一半喇 ~~ 呢個星期日收埋最後0既果果 , 就要收起一個長盤喇 ~
另一邊0既y 牌青瓜 , 都收左成 7-8條瓜, 又係時候收工 .
刺青瓜仲有一條生緊, 收左之後 , 又可以少一盤
陳平記菜盤上仲有一棵羅馬生菜 , 生得好高就黎要開花喇 ~ 想留種所以無食到佢. 唔知可唔可以而家轉落小盤度呢 .........
有2盤百合 , 會將球根拎番出黎收埋入秋再種 , 又可以少2隻盤
記唔記得我地去西貢見過食過0既八角櫻桃呀? 我有d種子入左泥, 有一部份就浸水. 浸左咁耐 , 而家有少少成績喇 , 芽冠開始出黎喇 , 入左泥0既呢, 就暫時未有野睇 .
nuage上次比我0既潮州特種菜 , 手多多又去浸水+珠石 ,又出左根+新葉
聽日早少少再影相 ~~ |