芝士波波 （超軟版 )

芝士波波
  今日工人放假 , 整的時侯又唔記得攞相機影相 , 所以到搓好粉糰時先用一隻 " 污 jo 手" 去揸機影相咋 !  
材料(可做約20個 1.5吋大小之芝士波 )：

鮮奶 130ml                        
無鹽牛油 20g ------------ ( 今日才發現屋企冇哂牛油 , 用了葡萄籽油代替 .  )
木薯粉 100g
糯米粉 40g
芝士碎 90g
蛋 1隻
糖 1茶匙
泡打粉 2/3茶匙

做法：
1. 牛油和奶以小鍋慢火煮沸，關火後一次過倒入木薯粉，用匙快手攪拌至無大粉粒，備用。
2. 蛋、芝士碎、糯米粉、糖及泡打粉混合，加入已放涼至微暖的木薯粉團，放於工作枱上以刮板輔助搓揉成團。
3. 分割搓成每個約1吋大 ( 20g )之球狀，放於已墊牛油紙的焗盆上，放入已預熱200度焗爐先烤10分鐘，再轉180度烤約6-8分鐘至金黃色便成。




備註 :　可用任何一種芝士，混用也可，部份用芝士粉都沒問題，不過不要超過2成以免太鹹 ,  另外不建議用片裝芝士，因為有添加劑，不宜再高溫加熱。

好似山崎麵包果d芝士波波呀~

講下啫



真係整到厲害



好想食呀

3# BanbieChan

趁今日工人放假整咗先 , 因她在家成日阻住我 , 成日趕住時間要比她洗碗 !

你呢種好味過我果種好多,
我明天都要學你整!

5# sifenamok


這個食譜是改良版架 ...是木薯粉多過糯米粉囉 , 注意第一個步驟是 慢火將 牛油及牛奶煮 "沸" .... 唔夠滾 , 落木薯粉會好水 及好 "稀"的   .

好似都幾易下，等我都試下整先。

7# 貓貓


唔難架 ...但是要 "搓"囉 ...但絕對冇搓麵包咁辛苦 , 要搓勻佢就得啦 !

我個人鐘意熱食 , 凍了再用焗爐焗番熱佢就食得 . 我囡囡今日一口氣食了3個 , 攞第4個時比我叫 "stop" , 食咁多今晚唔駛食飯囉 !

木薯粉,我上次買唔到, 荃灣個間無賣ga..

9# maymay靚

我應該星期五晚出來時倒一半比你 .....

木薯粉又名 泰國生粉，超市有一磅裝賣架! 而我就在香料舖買的 !

呢個好似幾好食喎！我咁o岩又o係書度睇到另一種芝士波諗住整
而家見到你呢個就整你呢個先 lu...整唔掂可以問你嘛！hehe..
木薯粉我唔識係咩黎,可唔可以影張相睇下呀？
個樣睇落真係好似山崎果D喎！食落似唔似架？
多謝晒你又分享新食譜比我！^^

早晨呀


.                 我今朝嘅早餐~~~芝士波
               .
    .
  .
幻想中

11# otismavis


木薯粉好似麵粉 / 生粉咁架 .....一包包的 , 我本來上灣仔 "二得惠"買木薯粉 , 點知他們是沒有賣的 , 後來去了在灣仔街市一間香料舖買香料 , 點知原來有木薯粉 , 咁我買了$8 / 1 磅 1包, 其實你在邊區的 , 睇下我可否幫你搵料邊度買 !

我冇食過 山崎果D 包呀 , 所以唔知道呀 !

13# fianfumy


裕記有種泰國生粉就係木薯粉 $5.5一包

14# sifenamok
咁就好方便啦 .... thanks

原來你都係住港島？
我住小西灣,不過灣仔我都成日去,灣仔街市我都識路喎！我之前住過灣仔,
但而家屋左近有間裕記,(從未入過去)等我去睇下搵唔搵到,
如果冇就再問你灣仔街市個檔係邊？thx
仲有,我今日買左日清烏冬粉喇！呢兩日會整,整左影相比你睇丫！^^

原來你都係住港島？
我住小西灣,不過灣仔我都成日去,灣仔街市我都識路喎！我之前住過灣仔,
但而家屋左近有間裕記,(從未入過去)等我去睇下搵唔搵到,
如果冇就再問你灣仔街市個檔係邊？thx
仲有,我今日買左日清烏冬粉 ...
otismavis 發表於 2009-1-5 17:43

你多唔多去筲箕灣買送架？東大街近電車總站有間舊式雜貨鋪/士多好似都有，我行開幫你望一望啦！

買送就唔會,有時會去越華會食下飯.
話時話,我估筲箕灣一定會買到,果度咁多雜貨鋪(筲箕灣我都住過)
唔該晒你呀！我呢兩日去裕記搵唔到再問你丫！thx ^^

馬仔 :  
我住在紅磡架 , 但外家是在西灣河 , 工作是灣仔 !

蛋, 要多少個?