積積媽的花花草草 ( 布袋蓮 )

今日又發現好多"新"野
橙色勒杜鵑 , 有一忽變左紅色 !!!

黃色勒杜鵑0既枝條分別插泥及插水 , 都出左新芽 !!!!
插泥 :

插水 :


另一棵金色小蕃茄又結果了 ~

今日影到0既百香果

洋蔥都快高長大呀

而家真係覺得似冬天呀 ~ 所以尋日就再 "處理" 一下d將c未c 0既植物 ( 苦瓜 ,毛茄) , 將佢地抆出黎 , 丟響地等佢地枯乾 , 過2日連埋d泥一齊再燒 ~3大盤野無左 , 空位就用黎放勒杜鵑 ~ 尋日將2盤勒杜鵑轉盤 ~ 有一盤d枝條好長 , 就屈一屈佢 ,希望佢唔好咁阻訂 ~
另外我仲有一路炒緊泥 , 早前響花墟買0既碧玉 , 因為發現疑似蛋蛋物體 , 所以一不做二不休就將佢轉為水栽 , d泥就笛左響一個自制0既篩泥筲箕度. 尋日就拎黎燒埋佢喇 ~ 疑似蛋蛋0既物體 , 一遇火就會啪啪聲爆左 ! 如果係化肥 (黃色一粒粒) 遇火就會 "飄黎飄去" 只係燒焦而唔會爆的 . 所以 , 炒泥 / 燒泥, 真係對自己d心血 / 花花草草係一個好大0既保障黎 !
收到花友仔 阿 monse 比我0既一d種子及小球, 今晚會播種+入土 ~ 多謝阿 monse ~~~

[ 本帖最後由 JicJicmom 於 2008-12-15 09:42 編輯 ]

各位"靈魂"主人,
你地D靈魂有無咁樣變色法呀 ? 我買0既時候 , 明明成棵都係橙色架 ! 尋日就發現其中一條枝條0既花變左紅色 !

原帖由 JicJicmom 於 2008-12-15 11:08 發表
各位"靈魂"主人,
你地D靈魂有無咁樣變色法呀 ? 我買0既時候 , 明明成棵都係橙色架 ! 尋日就發現其中一條枝條0既花變左紅色 !
81785

積積媽，咁你鐘唔鐘意呀！！

我上次喺深圳買果盆橙色，都係咁ga，我就係因為咁先買^^

積媽, 兩隻色襯埋都幾靚吖

我 ...中意喇梗係  ~~   
不過好似貨不對辦咁嘛 ....... 盤白中透紅 , 又變左成盤紅咁 .... 而家呢盤橙 ,又走d紅0既出黎 .....
我之前將佢放響盤大紅隔離 , 會唔會係 "交叉感染" 呀 ???

積媽, 唔會 "交叉感染" 啩? 不過, Candice有棵都係咁嫁, 買嗰時都見同一棵勒杜鵑橙花多啲, 但係又幾朵紅花, 幾得意

我之前呢 , 係將佢放響大紅勒杜鵑側邊架 , 所以橙色多左忽紅色 , 我根本就唔知 ~ 只知買0既時候 (元朗X苑 )係淨橙色 ~ 尋日響天台度幫佢地搬屋 / 搬位 , 至知道有比變左色 ~
都好呀 ~~ 我又多一盤鴛鴦色 ~ 呵呵呵呵 ~~~

[ 本帖最後由 alextang 於 2008-12-15 19:23 編輯 ]

鴛鴦貴d ga，賣俾你果個唔知咪好囉！唔係咪再收你貴d！
特登入元朗買，好平嗎？

我上次去買洛神葵嘛 ~ 一買就停唔到手 ~~ 佢又平過多色過花墟嘛 ~ 咪順便買埋 .....
話時話 , 我星期六走左入西貢一個花園入面睇野 ..... 有棵 "老頭" 勒杜鵑 , 白 + 粉紫 + 斑葉 , 差唔多六尺高  , 你地估下個老闆開幾錢價比我呀0拿 ~~

好難仲wor，有冇牽屎？

不過以後你都會少d 去咁遠買花喇，你又知唔知點解？

任你估 ~~~ 三次唔中就開估 ~~

因為無哂位喇 ~~

一千蚊？

唔係冇地方wor，你冇位都買ga啦…
只係你會心思思同我地北上，因為所有野好似團購價咁！
所以唔洗再去西貢元朗買啦^^

一千蚊少左喇 ~ 再估呀 ~~ ^^
團購價 .........

用慣左北上價去估添…千四蚊？

咁我估$1800喇!

開估啦好無 ?
唔好嚇親喎 ......