越級挑戰之…………水培實驗

又係時候睇下兩棵水培實驗品情況:
先來小春天:
生長唔錯，新根入水后，根尖發黑左，但又冇爛，又繼續生長左！亦有新根又開始長出！感覺不錯的！
石斛bb:
我覺得佢完全適應左水培了，啲根生左好多，又長！巳經開始圍住成個盤生長！但係啲根向上，已經貼近杯口！莫非想逃走？

有時我發現如果尐氣根被青苔纏住就會變黒，我估應該係缺氧。
石斛尐根生到龍飛鳯舞咁，真係睇根好過睇葉。

sarshk2014 發表於 2018-6-5 09:02
有時我發現如果尐氣根被青苔纏住就會變黒，我估應該係缺氧。
石斛尐根生到龍飛鳯舞咁，真係睇根好過睇葉。 ...

我都覺得，睇住啲根生長好有滿足感！蘭花根有點點花纹，其實都好靚！

小雷子 發表於 2018-6-5 19:44
我都覺得，睇住啲根生長好有滿足感！蘭花根有點點花纹，其實都好靚！

療效非凡

wongin30s 發表於 2018-6-5 20:11
療效非凡

謝謝光臨！

小雷子 發表於 2018-6-5 19:44
我都覺得，睇住啲根生長好有滿足感！蘭花根有點點花纹，其實都好靚！

蘭花有花唔賞，走去賞葉，已經難理解，連根都賞，走火入魔了

B17 發表於 2018-6-5 21:45
蘭花有花唔賞，走去賞葉，已經難理解，連根都賞，走火入魔了

學識欣賞……從根開始！

小雷子 發表於 2018-6-5 22:05
學識欣賞……從根開始！

看著蘭根的生長，可領悟生命力的頑強，頓覺人生充滿了正能量 !

大件事啦！小石斛施肥后第2日開始，慢慢變黃，唔知咩原因，幸好中間的新苗冇咁嚴重！
根部都是健康的，仍然係龍飛鳳舞！
中間新苗比更肥壯！全棵最長！

小春天我覺得生得唔錯！有條根生左出杯口，好似想同我握手咁！好可愛！
佢D根都好健康，又生多左小根！

新葉頂位好似又再生葉片，非常好！唔知幾時有機會長花苞呢！

小雷子 發表於 2018-7-1 17:19
大件事啦！小石斛施肥后第2日開始，慢慢變黃，唔知咩原因，幸好 ...

小春天要好大棵先識開花，慢慢種，有幾年時間

B17 發表於 2018-7-1 18:45
小春天要好大棵先識開花，慢慢種，有幾年時間

唔知佢捱唔捱到咁長時間呢！
盡力而為！

有經歷是好事，可以加深記憶和增進知識，這個水培實驗，我在2015年已經做過，我用石斛，蝴蝶蘭，拖鞋蘭，萬代蘭，嘉多利亞，文心，千代，不夠一年都是死掉，死最後是單莖類蘭花，如果這種法是可行，已經是流行的方式，不過失敗後有一些知識是書沒寫，就是根的類別和特質，這對你用植料的選擇很有益，因你完全知道日後預到這種根時怎樣處理濕度的控制！

好耐冇更新，大家係咪以為兩棵小苗已經C鬼左呢？
哈哈！冇C到，長大左少少啦，但又無咩驚喜出現！唯有放埋一邊唔理住！
小春天又長新芽啦！慢慢長路，繼續向前！

另一盆，小石斛長多了新芽，生得好慢！

雷大，根部缺少某種菌，一定大得慢

rwgplant 發表於 2019-5-21 18:24
雷大，根部缺少某種菌，一定大得慢

木星才子果然博學多才。我完全不知道根部生長需要菌，我以為根只是用來呼吸、吸水、營養、礦物等用。

chestnut007 發表於 2019-5-21 20:13
木星才子果然博學多才。我完全不知道根部生長需要菌，我以為根只是用來呼吸、吸水、營養、礦物等用。 ...

人工培植時，會故意植入菌種形成菌根，人工菌多以編號命名，所以我也不知道是什麼菌。

rwgplant 發表於 2019-5-21 18:24
雷大，根部缺少某種菌，一定大得慢

缺少菌？請才子快快開估，我都有兩盆水培蘭花，半年多只長新芽長葉，莫非也缺少咗啲菌？

Ming36 發表於 2019-5-21 20:24
缺少菌？請才子快快開估，我都有兩盆水培蘭花，半年多只長新芽長葉，莫非也缺少咗啲菌？ ...

商業培植又點會話你知佢用咩菌，我也不知道。不過，你憑這思路探索改進，應該會有進步。

rwgplant 發表於 2019-5-21 20:28
商業培植又點會話你知佢用咩菌，我也不知道。不過，你憑這思路探索改進，應該會有進步。 ...

這是加多利亞蘭，我都係學習中，有友人教，水培蘭花啲根唔可以長期浸水，每日噴一噴啲根，將多餘嘅水倒掉，蘭花照曬太陽，因為根唔係浸在水中，就唔會帶來傷害。一個月放一至兩次水肥。
這是水培後第三隻芽

在另一平台有個網友教，水培蘭花不可以長期浸水，一個星期要有幾日，在冇水的狀態，循環操作。
例如：星期一至三浸水（三份一或¼）星期四加水肥，星期五六日在冇水的環境下，刺激根部吸收咗水肥營養後生長，模擬在大乾大濕的生長環境。
我之前嗰半年真係用這個方法水培，已經長咗3根新芽。
近呢一個月改變方法，早上向根部噴水，多餘嘅水倒咗佢，擺番原位俾佢曬太陽，一樣生長得唔錯，仍在觀察中