發泡膠箱

我都好想要呀,
可惜屋企附近d箱有好多呀婆喉住哂,
想要個堆肥都無,
行過旺角有好多,
但男友話d箱烏嘈到死唔淮放上車,
攪到而家仲係用垃圾袋堆肥,
好唔方便呢~~~
翻土又易整爛個袋,
我又唔夠膽打開佢,
次次都要等男友黎幫我打開個袋望過無小強,
我至夠膽行近做野,
如果係箱我都唔驚,
遠遠用棍揭開個箱再亂棍"牛"幾野,
就算用乜識飛既野都比我嚇左出黎嘛.

比我都唔放
烏蹧可以搵野墊住
最勁係腥，血腥+魚腥
攪到成車都係

但男友話d箱烏嘈到死唔淮放上車

帶個大垃圾袋袋住佢，咁咪得囉！

我搵人幫我去街巿攞~ 我有兩個, 用嚟推緊肥~ 係唔錯ga~

成箱大過個垃圾袋好多喎,
睇黎真係要搵日同呀婆爭至得喇,
不過如果比呀婆發現真比佢鬧

現在好多鋪頭都自已 hold 住哂,
好以話可重環再做, 要執真係難上加難呀！

我阿媽幫我用“$2”買左個返黎！

最近我係街市附近垃圾桶執到個,仲好新架~
唔知有無比街坊見到我呢....

我阿媽幫我用“$2”買左個返黎！
貝貝 發表於 2009-1-5 12:26

啱嘞!
俾幾蚊幫婆婆買喇, 樂己助人一舉兩得呀!

我問過菜擋嬸嬸呀,
佢話個個箱而家都唔比人架喇,
因為每日都會有車黎收,
佢地4蚊一個賣比貨車佬,
貨車佬就以6蚊一個賣比欄箱,
所以如果d呀婆係執黎賣既就唔會比佢,
如果你係自己種花用既一個半個都可以比你既.

最後佢比左兩個我喇,
好野,我終於有自己既堆肥箱啦,
行過豆漿鋪我就順便問下佢地既豆渣有無用,
佢好好人呀,佢話你想要黎做乜先?
如果要黎種花就比車仔果d我,
如果要黎整野食或餵動物既就比另一d我,
最後我攞左2大包豆渣,
真係luck day呀,
以後就唔洗再比錢買黃豆喇.

49# 花園仔

我阿媽又係咁講，佢話俾錢買又唔洗欠佢地人情，，又唔洗怕唔好意思開口問，又可以幫下d婆仔喎！

阿婆開價，我阿媽好豪爽無還價，即成交

50# sammyzoe
其實你可以自已煮d豆漿飲，跟住就用埋d豆渣囉！  豆漿好易煮架咋，好飲又有益！

我問過菜擋嬸嬸呀,
佢話個個箱而家都唔比人架喇,
因為每日都會有車黎收,
佢地4蚊一個賣比貨車佬,
貨車佬就以6蚊一個賣比欄箱,
所以如果d呀婆係執黎賣既就唔會比佢,
如果你係自己種花用既一個半個都可以比你既.

最後 ...
sammyzoe 發表於 2009-1-5 02:37 PM

好野, 人間有情呀! 大多數店員都唔想浪費d "有用"的東西, 佢地都好樂意咁做架

我見親都係男人拿住 d 箱, 唔係亞婆,
唔感問怕被人叫過"住"呀！
sammy 乜原來 d 豆漿渣咁有用, 下次試下問人取 d 用至得。

我在紅磡 每日約17:00-18:00 戴亞街 近街市及聖匠對面見到好多 "白泡膠箱"在店外 , 我見過有人執及有人買過 , 但幾錢就唔知囉 !

街市d嬸嬸話如果得一兩個發泡膠箱d人唔肯收喎,
所以佢地唔會比呀婆,

不過而家真係好人真係少左架喇,
好多人唔要既野都唔比你,
豆漿姐姐確實好人,
仲係咁同我講你係種花至好呀,
唔好攞黎做食用材料呀,
如果你話食用既我比d乾淨既你.

貝貝,mei524 ,
花園仔老師曾講過種野前,
加d黃豆入基機度嘛,
咁如果要買好似好浪費食物,
而且我又唔飲豆漿既,
所以咪問豆漿鋪攞囉,
反正佢地都係要掉既唔好浪費啦.

56# sammyzoe

哈~你真係好彩~
我呢邊要自己係街市垃圾站找~
我決定每星期都去碰下運氣!
要執多1-2個先夠用!!

56# sammyzoe

哈~你真係好彩~
我呢邊要自己係街市垃圾站找~
我決定每星期都去碰下運氣!
要執多1-2個先夠用!! 87190
mandm2007 發表於 2009-1-7 11:59

快d去執啦,
有個箱做野真係方便好多呀,
好似你種完菜菜,
就可以即刻倒哂d泥入去堆肥,
如果你個箱早已堆定肥,
仲可以跟手種埋,
始終望住個白雪雪既箱感覺衛生d同企理d,

最好撜個箱個底無穿洞既,(即係菜箱)
返到屋企自己係箱底既側部開洞,駁上膠管,
咁處理流出黎既水都方便好多,
如果箱底有洞咁多餘既水就會由底走,
但個箱又墊住d水咁就唔多衛生喇.

快d去執啦,
有個箱做野真係方便好多呀,
好似你種完菜菜,
就可以即刻倒哂d泥入去堆肥,
如果你個箱早已堆定肥,
仲可以跟手種埋,
始終望住個白雪雪既箱感覺衛生d同企理d,

最好撜個箱個底無穿洞既,(即係菜箱)
返到屋企 ...
sammyzoe 發表於 2009-1-7 14:42

駁膠管!!你既提議又幾好喎~~啱晒我呢D懶人!!

50# sammyzoe

我係新丁一名, 請問堆肥有咩作用, 同埋點樣堆肥???