小小平台水耕瓜菜

我向認識的有多存貨的人買的. 你都諗住試下?

JMabel 發表於 2015-7-23 21:17
我向認識的有多存貨的人買的. 你都諗住試下?

唔係，之前想買來比棵無花果谷下果，見買唔到就浸左海帶水同放左蕉皮，下次返貨先再試。

星期日無意中在平台的帳篷上發現了它，可能樓上跌了小小泥落我帳篷又咁啱種子落在泥土上發芽，抆落來見佢有花又幾靚就唔捨得掉，去左花草樹木版請教左花友話係馬齒莧。





屋企得呢個細盆，住住先啦

開花嘞，報答我收養佢



回點評
JMabel
是不是可食用的?  發表於 前天 21:26
我母親大人話可以，但我唔敢食，哈哈

水耕的植物超怪呀, 出了一條青瓜, 但汪星人竟然唔肯食! 平時佢地最愛飯和瓜菜.
另外又出了二隻青瓜, 一隻哈蜜瓜, 但佢地個樣好似怪怪地, 和平時的瓜不同, 好似受左XRAY或幅射影響咁.
我驚到冇影相就掉左啦!
而家出緊一個新哈蜜瓜, 佢竟然得二吋幾直徑就開始出網紋, 我同一時期用泥種的, 要成五吋以上至出紋, 唔知係咪我用D CHEAP CHEAP水耕液攪到咁!
唉呀, 好氣餒呀, 以為水耕快D, 點知掉多過食

JMabel 發表於 2015-7-30 21:32
水耕的植物超怪呀, 出了一條青瓜, 但汪星人竟然唔肯食! 平時佢地最愛飯和瓜菜.
另外又出了二隻青瓜, 一隻哈 ...

又會咁嘅？會唔會係養分唔夠？我諗緊洗唔洗遲啲淘支EC計來玩下，用來check啲營養水用左一段時間會缺左某種元素，咁就知要換，嚟緊我種番茄，以前我試過用green farm都種到，收成唔錯，而家第一次露天種，其實我又唔覺水耕種野出來有唔同喎，種香草超快，我同期水種同泥種九層塔，水種大幾陪，一係你試下轉營養水，應該都幾重要，棵植物嘅養分都係來自營養水。

siuho331 發表於 2015-8-1 22:00
又會咁嘅？會唔會係養分唔夠？我諗緊洗唔洗遲啲淘支EC計來玩下，用來check啲營養水用左一段時間會缺左某 ...

什麼是GREEN FARM? 你用什麼營養水? 應該係我CHEAP死左佢地......你種的瓜類, 有沒有太快開花? 水耕瓜比我的感覺是, 好像那種食太多激素的小女孩, 本來應該十幾歲至發育, 但佢七八歲就發育了, 不正常

JMabel 發表於 2015-8-2 23:26
什麼是GREEN FARM? 你用什麼營養水? 應該係我CHEAP死左佢地......你種的瓜類, 有沒有太快開花? 水耕瓜比 ...

Green farm是室內水耕溫室，我用來培苗和種沙律菜。

我上次種的羅馬生菜：




我用這款營養液，在日本樂天訂再集運送香港，其實集運唔送液體但我之前唔知照寄又冇事，我上次寄飛機運費超貴，我諗緊下次一係寄船，一係試下花墟隻紐西蘭AB液，始終香港買方便啲，但又担心好唔好用，同埋之前淘寶買機時送左營養液不過未試。



我種果啲發育又冇野喎，除左植物間嘅爭營養問題令到結嘅果數量唔太多，其他都冇事好正常，你啲植物咁早熟會唔會係營養時多時小關係，令佢要盡快開花結果留下代呢？你天台種環境比我更好，不如試下轉營養液睇下。我之前想續漸轉泥種，不過真係好難，因為一施肥真係超多蚊滋仔同烏蠅，雖然格幾日就小啲，但我係平台種，太多蚊蟲真係好滋擾。

我的水耕青瓜個樣好怪咖, 全部都係上窄下闊, 好怪雞
仲有個哈蜜瓜, DD咁大就爆晒紋, 泥土種果個, 好大個先爆紋的
不過有少少好消息, 種左N咁耐的水耕南瓜終於有一粒囡啦！

siuho331 發表於 2015-8-3 13:03
Green farm是室內水耕溫室，我用來培苗和種沙律菜。

我上次種的羅馬生菜：

個GREEN FARM幾錢? 可種幾棵菜?
我諗住再係咁, 我唯有用水耕棚來種花

JMabel 發表於 2015-8-4 19:42
我的水耕青瓜個樣好怪咖, 全部都係上窄下闊, 好怪雞
仲有個哈蜜瓜, DD咁大就爆晒紋, 泥土種果個, 好大個先 ...

恭喜恭喜，希望快啲有南瓜 我之前兩棵抆了，因為太佔地方，出了勁多葉都未見花，我諗等到佢出花女可能爬滿個平台了。啲青瓜又幾攪笑，冇咁靜啫都食得嘅  轉種花好似浪費左啲，轉下營養液先啦，花墟紐西蘭都唔太貴。

JMabel 發表於 2015-8-4 19:45
個GREEN FARM幾錢? 可種幾棵菜?
我諗住再係咁, 我唯有用水耕棚來種花  ...

香港好似賣$2xxx，我好耐之前日本樂天買平啲，唔夠食一餐㗎，煮埋冇一碟，種香草同沙律菜就一流，包冇蟲，種多啲沙律菜感覺上抵啲，超市買一包都幾十蚊

JMabel 發表於 2015-8-4 19:45
個GREEN FARM幾錢? 可種幾棵菜?
我諗住再係咁, 我唯有用水耕棚來種花  ...

JMabel我剛睇到花墟的紐西蘭營養液係100蚊一大桶，買AB各一桶都係200蚊，有排用，試得過，有瓜果版同葉菜版的，試用過嘅人話幾好，你都轉用試下啦，唔好咁快放棄

siuho331 發表於 2015-8-7 11:36
JMabel我剛睇到花墟的紐西蘭營養液係100蚊一大桶，買AB各一桶都係200蚊，有排用，試得過，有瓜果版同葉菜 ...

我今日又換過一缸水耕水啦, 希望有改善啦~
如冇改善, 過兩個禮拜換肥!
最近買左D種植袋和椰子土, 諗住部份用呢個種. 椰子土聽講冇咁多蟲咖.
今日想種D未種過O既野, 於是買左牛奶菠蘿 (未食過) 同一隻叫KUMATO的蕃茄, 見到佢黑黑地幾特別, 諗住試下.
點知KUMATO係 雜交種, 不可留種

JMabel 發表於 2015-8-7 22:16
我今日又換過一缸水耕水啦, 希望有改善啦~
如冇改善, 過兩個禮拜換肥!
最近買左D種植袋和椰子土, 諗住部 ...

一望幅相以為係布冧，哈哈！原來係番茄，唔留得種咪當試味，好味就搵邊到有種子買來種，牛奶菠蘿未聽過 有冇牛奶味，哈哈！用菠蘿頭就種得，你試下，睇帖話好易種。

如果淨用椰子土會唔會太輕，植物根部爪得冇咁穩，同埋表面哂乾左就比風一吹就走，我只用過椰塊來培苗。

其實我都未試過換營養水，因為都索得好快，只係加水咋我。

siuho331 發表於 2015-8-7 22:44
一望幅相以為係布冧，哈哈！原來係番茄，唔留得種咪當試味，好味就搵邊到有種子買來種，牛奶菠蘿未聽過 ...

牛奶菠蘿係冇乜釘, 同肉比較白, 不酸的, 我都未食過, 等我今晚試下先!
椰子土呢, 我都有呢個問題, 我諗住比D黏性的CLAY MIX埋, 有返D重量, 咁應該會好D?
昨晚暴雨, 不單大部份電器燒晒, 連瓜都爆埋! 我硬係覺得, 下雨後D花同果會狂標, 唔知點解
個瓜本來重量未到的, 因為酷熱同暴雨, 瓜都爆埋, 唯有開黎食啦   

JMabel 發表於 2015-8-10 21:19
牛奶菠蘿係冇乜釘, 同肉比較白, 不酸的, 我都未食過, 等我今晚試下先!
椰子土呢, 我都有呢個問題, 我諗住 ...

正呀 自家種哈密瓜一定好味。尋晚大風大雨我都好驚吹跌部菜機，拿拿淋拍埋牆搵個架頂實，啲插頭好彩我老公之前幫我整左密實盒裝住，見咁大雨就再搵垃圾袋包一包，好彩冇事 而家種緊四棵大番茄同一棵翠玉瓜，諗住再加兩棵翠玉瓜，部菜機剛收左轉通菜，仲未諗到種乜好。。。

其實椰子土用得耐都會有蟲，新果時梗係冇，佢咁輕一定要溝泥先好用，不過蟲點會冇丫，頂唔住先用藥囉，我今日見我棵指天椒有條c左的白肥蟲响泥面，我又唔敢執，咁唯有當肥料啦  

siuho331 發表於 2015-7-2 22:48
應該明天會開花，到時試試授粉。

加油! 有D成果喇!

拔蘿蔔～拔蘿蔔～今次第二次種，比上次的大小小，先拔較大的，剩返的種大啲先

siuho331 發表於 2015-8-11 13:18
拔蘿蔔～拔蘿蔔～今次第二次種，比上次的大小小，先拔較大的，剩返的種大啲先

...

係咪 RADISH? 其實唔知RADISH/ CARROT的分別?
我都種緊泥, 但泥不夠深, 我諗都係養唔大咖啦

暴雨, 南瓜BB冇左, 好多BB都冇左