小小平台水耕瓜菜

青瓜花小姐C和D昨天相約一起開花，所以我都馬上幫手授粉，唔知點解我見親蜂蜂飛過都係望下啲花就走

已經唔敢咁大希望，水耕應該唔怕唔夠肥問題令到結唔成果，咁還是我授粉唔成功？ 但已4朵花小姐了，4朵都失敗嗎？

青瓜花小姐C，昨天授粉，今早才包


青瓜花小姐D，昨天授粉，今早才包


節瓜花小姐A今早開了，之前十幾朵花仔枯剩1朵，馬上人工授粉，本想打算明天才包，但轉頭見到疑似果蠅响瓜仔度嬲下嬲下，即刻去趕走佢然後包返先，唉...都唔知係咪果蠅又唔知有冇吉到，對新手來講要分辨害蟲定益蟲實在好困難






節瓜花小姐B應該明天會開了


青瓜花小姐E都就開了

為了保護瓜瓜仔真是咩辦法都要試下，大熱天時要你戴頸巾辛苦你了，冇計忍下啦，唔好開花住呀，等埋格離花仔一齊開呀

節瓜有BB了，仲有兩個昨天及今天分別人工授粉，希望全部都成功！ 有兩朵女花就快開了

兩棵青瓜情況都不太好，同樣是不斷開花但結不到果，已經6、7朵花女都有相同情況，就是人工授粉後就停止生長，既不變瓜亦不變黃掉下，很奇怪，初時懷疑是授粉不成功，但過了一個多星期都仍然大都唔大下又冇黃冇掉，都唔知佢想點  我決定比多一個星期時間佢，如果都打唔到瓜就要同佢再見了  而家有幾朵花女，我決定完全唔包！

兩棵青瓜


兩棵節瓜

收左小小比較大的莧菜，再唔收就老了


節瓜繼續爸爸聲咁大

你係咪一授完粉就包?

JMabel 發表於 2015-7-8 23:45
你係咪一授完粉就包?

無錯，授粉後即包。

兩棵青瓜共廿，三十朵女花，打得成瓜比較大小小只得呢條，想請教係咪已經針左？ 刨帖話條瓜有粗有幼就係針左，咁樣應該算是吧？但我母親大人話唔怕喎

5月嘅時候田種，好多果蠅， 呢3隻都有被釘，不過都食得喎，切咗部份咋

Bulub 發表於 2015-7-9 22:48
5月嘅時候田種，好多果蠅， 呢3隻都有被釘，不過都食得喎，切咗部份咋

你好！我檢查過條瓜唔見有針過，長大左我都會切開睇睇。

早晨，今朝收左我第一條節瓜，見其他瓜仔大得慢，就早啲收囉，費事爭營養嘛

右老大左老二，今朝收老大明天收老二

都唔錯，滿足，鼓勵我要努力種好佢

種得好好呀！ 我啲節瓜咁大棵都結唔到仔 T_T

早晨! 今早又收了小小，已經好滿足了  話說我今早出去望望啲瓜瓜菜菜時，見到隻果蠅拮住我隻青瓜女花隻瓜瓜仔，我梗係即刻趕佢走啦！哈！隻衰野點趕都唔走喎，拮住隻瓜瓜仔實一實，嬲c我，我即刻去拎個蚊拍來拍c佢，一野拍落去，一於成全佢c在瓜瓜仔上

今早收的

Bulub 發表於 2015-7-12 01:02
種得好好呀！ 我啲節瓜咁大棵都結唔到仔 T_T

加油呀！呢幾日咁好太陽，好快有㗎嘞

我棵瓜突然生左好多囡囡, 有超過十個, 但最後活著的我諗得一半
呢個囡已經係最大咖啦 . 好似林師奶果D大個好多.
不過我諗我果位係翠玉瓜小姐, 因為我記得冇買節瓜種子

Bulub 發表於 2015-7-12 01:02
種得好好呀！ 我啲節瓜咁大棵都結唔到仔 T_T

想問下你塊田夠不夠自給自足? 我冇田, 得天台. 但人人話我心頭高, 話一個天台的面積不可能自給自足.

JMabel 發表於 2015-7-12 21:42
我棵瓜突然生左好多囡囡, 有超過十個, 但最後活著的我諗得一半
呢個囡已經係最大咖啦 . 好似林師奶果D大個 ...

其實我棵青瓜同節瓜都係，如果已經打到兩三隻瓜瓜，其他花女就算授到粉就一係大得好慢，一係變黃然後就甩，我母親大人話正常的，搶哂營養嘛。我都想種翠玉瓜，但好似要秋天先啱時候。

大家早晨！今日天氣真係麻麻，好彩一早收左個靚節瓜，即刻開心返哂


仲有部貴夾唔飽嘅小溫室，迷你羅馬生菜都食得了，諗住今晚用來包豬腩肉食


前日諗住專程去黃衫兄度買紅牛鉀，點知都係冇貨，有排都返唔到貨咁話，早知打個電話去問下先啦，咁簡單都醒唔起，真係豬兜，哈哈  好彩都有收穫，買左3個靚盆同肉骨粉，個盆諗住用來幫我兩棵無花果搬大屋




尋日呢隻野响平台唔肯走，我又唔肯定佢係咪臭屁蟲，安全起見，唯有拎支藍威寶吱一吱，唔洗一陣就  對唔住啊，安息吧⋯⋯

黃衫兄在那裏?

thomasfg 發表於 2015-7-17 11:34
黃衫兄在那裏?

元朗，可參考：

http://hkplants.com/thread-76111-1-1.html