薑汁黑糖蛋糕 VS 楓樹糖漿蛋糕

原帖由 freddywongdy 於 2008-8-4 18:03 發表

如果初學你可以睇下o黎間 :
http://www.cake1cake.com.hk/

唔該晒~
不過你呢間好似貴左少少.
我昨日去左二德x, 點知佢逢星期一休息, 好彩當時見到有個哥哥仔同我一樣摸門釘, 佢跟住就帶我去左信和 6/f 有間叫 cake library 的甜品用料店買野. 雖然那間店買的種類比二德x 少, 但有些東西就平d, 上1個蛋糕堂平均$190-220, 好抵. 不過我都係無報課程, 嘻嘻, 因為見到有幾種蛋糕你地都有教, 跟你地學可以 save $$, 真係要多謝你地的無私分享啊~

原帖由 vkzone2002 於 2008-8-4 17:59 發表
我自己玩下無去上過堂學吖. 我每次份量都有少少 "求其". 但唔同蛋糕都有唔同要點, 好似海棉蛋糕就一定要分開蛋白和蛋黃攪, 心太軟就一定要雪過夠才好焗, 藍梅粒最好先放入冰箱雪硬才加入蛋糕糊中, 提子乾最好多少少 ...

""我多數看書學的, 有時cheap一些仲會看完書唔買本書(可能只有1-2款想學咁就多數會用這個方法), 自己記住材料份量行出書店後寫低或即時打返俾自己公司電話留voice mail俾自己一面對住本書講晒成頁做法和材料.""
好精明啊!
等我都學下你先~

原帖由 vkzone2002 於 2008-8-4 17:59 發表
我自己玩下無去上過堂學吖. 我每次份量都有少少 "求其". 但唔同蛋糕都有唔同要點, 好似海棉蛋糕就一定要分開蛋白和蛋黃攪, 心太軟就一定要雪過夠才好焗, 藍梅粒最好先放入冰箱雪硬才加入蛋糕糊中, 提子乾最好多少少 ...

打電話給自己留言的方法，好聰明！值得學習！

原帖由 kim 於 2008-8-5 08:58 發表

唔該晒~
不過你呢間好似貴左少少.
我昨日去左二德x, 點知佢逢星期一休息, 好彩當時見到有個哥哥仔同我一樣摸門釘, 佢跟住就帶我去左信和 6/f 有間叫 cake library 的甜品用料店買野. 雖然那間店買的種類比二德x 少 ...

你講果兩間都唔差, 二德X真係比較平小小, 不過course好快滿, 多數都報唔到.
Cake xxbrary 朋友學過都ok嫁. Cake x Cake crouse分開兩part, 入門同興趣班, 我多數都學入門,
因為學左基本野萬變不離其中. (飲X男女後面有coupon, 攞去報名有9折)
出D易學易整o既野等大家可以整到! 好食又好玩!

[ 本帖最後由 freddywongdy 於 2008-8-5 10:33 編輯 ]

原帖由 freddywongdy 於 2008-8-5 10:29 發表

.
因為學左基本野萬變不離其中. ( ...

無錯無錯, 只要有創意, 花款可以好多變化.

原帖由 kim 於 2008-8-4 17:34 發表
有點迷茫...
請問你地都去過整餅班學過嗎?
我未試過, 其實有無需要呢?

我冇去學過, 也少看烹飪書,
憑想象, 憑經驗, 材料分量也少考究, 隨心所欲才好玩.

我見到cake 1 cake有教益力多 cheese cake，其實係咪就咁用益力多代替水開粉呀？

原帖由 kim 於 2008-8-5 11:44 發表
我見到cake 1 cake有教益力多 cheese cake，其實係咪就咁用益力多代替水開粉呀？

焗蛋糕少用水開粉,
益力多代替奶, 兼有少少酵菌像乳酪的作用, 是可行的.
我也相信你看見的是凍餅, 不是焗餅.

[ 本帖最後由 Agnes 於 2008-8-5 11:54 編輯 ]

原帖由 vkzone2002 於 2008-8-4 17:59 發表
我自己玩下無去上過堂學吖. 我每次份量都有少少 "求其". 但唔同蛋糕都有唔同要點, 好似海棉蛋糕就一定要分開蛋白和蛋黃攪, 心太軟就一定要雪過夠才好焗, 藍梅粒最好先放入冰箱雪硬才加入蛋糕糊中, 提子乾最好多少少 ...

我是阿茂新手，看食譜說用分蛋法比較易做出氣孔小的sponge cake，但當我用分蛋法的時候，做出來的蛋糕內的氣孔是長形的，兼且一點也不小，令我有點莫名奇妙。反而某些食譜教大堆頭的打發方法，做出來的sponge非常軟綿綿，口感比分蛋法做出來的好，所以我懷疑 sponge cake 是否夠綿，材料也是一個很重要的因素。因我兩次做sponge 的材料是不一樣的，較綿的那個下了較多的牛油，並且有1tbsp牛奶，2tsp vanilla extract。請問有沒有高手可以講解一下食材對蛋糕口感的影響呢?

另外，講開楓樹糖漿，我才驚覺自己今晚吃了用楓樹糖漿焗的雞脾!! 我從來沒用過maple syrup 做蛋糕，反而今天第一次用它來焗雞，效果出奇地好!!(<--寫完這一句，我馬上跑去廚房拿出老公的午餐盒，拍了這張照片，效果不太好，希望各位不見怪。)



如果大家有楓樹糖漿，不妨拿來焗雞。(借用樓主的post分享一下，希望你不介意。)
2 tbsp糖漿，2 tbspwholegrain mustard(有粒粒的芥末醬，或者french mustard都可以)，剁兩片蒜蓉，再加1茶匙 olive oil，撈撈撈撈在一起，塗在雞上面入爐就搞掂!! (上述是四隻大雞脾的份量)。成品有糖漿的香甜，又有芥末濃郁，兩種味道平衡得非常好。快靚正! yeah!

原帖由 vkzone2002 於 2008-8-4 17:59 發表
我自己玩下無去上過堂學吖. 我每次份量都有少少 "求其". 但唔同蛋糕都有唔同要點, 好似海棉蛋糕就一定要分開蛋白和蛋黃攪, 心太軟就一定要雪過夠才好焗, 藍梅粒最好先放入冰箱雪硬才加入蛋糕糊中, 提子乾最好多少少 ...

我都覺得你好勁，留VOICE MAIL畀自己!

原帖由 kim 於 2008-8-4 17:34 發表
有點迷茫...
請問你地都去過整餅班學過嗎?
我未試過, 其實有無需要呢?

我也是新手呢，不過我沒上過堂，求其買本BBC good food 的101 cakes & bakes就開始了。
我想，好的老師會教人基本的概念，例如食鹽的作用是甚麼(好多bakes的食譜都叫人下一點點鹽)，單靠讀書，就只知放鹽而不知何解了。另外，我發現可能因為我經驗不夠，或者我沒上過堂，做sandwich cake時spread icing和做 topping就很「論盡」了，例如在蛋糕面塗一層軟朱古力，我會搞到成檯成蛋糕都係! 我估，有些東西要上堂才學得比較好吧。

給你看看我的污糟蛋糕，每層之間的芝士都沾在蛋糕表層了

cuiyao, 你個cake 好有 homemade feel，賣相唔差喎，定係你影相影得好呀？
講開楓樹糖漿，早幾天在信和的樓上材料店買了一大罐（佢叫金獅糖漿，說是跟楓樹糖漿一樣，我吃過也覺得差不多），都只係$21．
昨天在city super見到一小支（150ml)楓樹糖漿要40大元！！！嘩～　真係搶錢．咁看來，大家都要多多幫襯樓上店和 '個體戶'，千萬別讓連鎖店'龍'斷市場呀！

原帖由 cuiyao 於 2008-8-7 04:33 發表


我也是新手呢，不過我沒上過堂，求其買本BBC good food 的101 cakes & bakes就開始了。
我想，好的老師會教人基本的概念，例如食鹽的作用是甚麼(好多bakes的食譜都叫人下一點點鹽)，單靠讀書，就只知放鹽而不知何解了。另外，我 ...

整得好靚呀!
我上堂時都問過o黎個問題, 整蛋糕點解要用無鹽牛油同要加鹽呢!?
Miss 話因為一般牛油都比較咸, 會影響味道.
所以要用無鹽牛油, 另外自己加鹽會控制到, 同埋適量o既鹽反而
可以帶出其他材料o既香咪同食味.

原帖由 cuiyao 於 2008-8-7 04:33 發表


我也是新手呢，不過我沒上過堂，求其買本BBC good food 的101 cakes & bakes就開始了。
我想，好的老師會教人基本的概念，例如食鹽的作用是甚麼(好多bakes的食譜都叫人下一點點鹽)，單靠讀書，就只知放鹽而不知何解了。另外，我 ...

好似又靚又好食.

原帖由 freddywongdy 於 2008-8-7 17:21 發表

整得好靚呀!
我上堂時都問過o黎個問題, 整蛋糕點解要用無鹽牛油同要加鹽呢!?
Miss 話因為一般牛油都比較咸, 會影響味道.
所以要用無鹽牛油, 另外自己加鹽會控制到, 同埋適量o既鹽反而
可以帶出其他材料o ...

我估真係為0左吊吊味，我睇過另一個作用話係增加個餅0既彈性同黏性。
但我都幾求其，有時屋企冇買定unsalted butter，我就用舊搽麵包0既 salted 牛油，咩都唔理，整到食得就算。0的書又明明話鹽要用幼0既好，我屋企冇幼鹽，就一粒粒粗海鹽0甘落 :p
我有次仲大頭蝦，買0左一舊鬼佬用0黎取代油，愛0黎煎蛋0既油膏 (0個舊0野個名叫做 lard，我仲以為 lard 係個牌子名 -_-'')，我一直以為佢係牛油，照整0左0的cup cakes出0黎，發現好油膩，先知自己落錯0野!不過個榚除0左油少少，都幾好味。之後睇多0左食譜，先知有0的餅係用olive oil取代牛油，0甘我先明白點解我落lard都ok。
整蛋糕就係0甘好玩，唔同材料唔同分量，個variation好大，好驚喜! 尤其第一次望住個榚升起，開心到我呢..

個餅真係好好食，如果賣相有五分，味道有八分。



最緊要，佢非常易整，等我打個食譜出0黎公諸同好(又要借用樓主個POST，唔該晒)。

材料(cake)︰
225g 自發粉
1 tsp 發粉
200g 幼沙糖
200g 牛油(要放軟了才好用)
4隻大雞蛋
2 tsp 雲喱嗱油(vanilla extract)
1 tbsp 牛奶

材料 (icing and decoration):
400g 低脂軟芝士 (soft cheese/cream  cheese)
2隻青檸 ( 2隻都要刨皮, 其中1隻柞汁)
100g 糖霜
200g 藍莓

做法︰
1. 預熱焗爐至160度。
2. 餅模舖紙，塗牛油。(建議用7吋高身餅模，註1)
3. 將麵粉，發粉，糖，牛油，蛋及雲喱嗱油放在一隻大碗之中。用電動mixer，以低速打勻。打勻後轉高速，打2分鐘。
4. 加入牛奶，用匙羹攬勻。
5. 麵糊入餅模，掃平面層(註2)，焗50-60分鐘。
6. 將芝士打軟，然後加入檸汁、檸皮(註3)和糖霜。
7. 餅出爐，打橫切開兩或三層，層之間與餅面舖上「6」的材料，再砌靚藍莓(註4)，即成。

註1. 我用了6吋普通模，但沒有減份量，所以焗出來的餅比較高身。
註2. 麵糊會發大一倍，我焗出來的餅，高於餅模的高度，加上我沒有掃平麵糊，最終餅面似座小山仔，不夠平，到了塗芝士和放藍莓時，非常0拿手唔成勢。結果我要切平座山仔，先舖到DECORATION。大家整這個餅時可以留意一下。
註3. 如果做得好的話，白色的芝士上會有一絲絲的青檸皮，好靚的。我就做得唔好，成品見唔到青檸皮。
註4. 藍莓要一圈圈砌，要將不同大小的藍莓分開砌，先會砌得緊密和靚。我懶，所以我個餅面0的藍莓之間漏罅。
註5. 因為餅有芝士，要放雪櫃，但蛋糕雪0左會硬，口感冇出爐0個時0甘好。所以最多放一日，呼朋喚友叫大家幫0下口，快快食晒佢。(我就係畀0左半個夫家0的親戚食，大家都話好好味，我當堂覺得放心晒。)