原來呢度咁多漫畫迷架....我都係其中一份子...
由以前小學果陣'lur'阿媽每星期定隔星期買既'漫畫周刊'(好記得期期中間都係一張大海報,宜家屋企房仲有貼住)開始就愛上左睇囉..仲感染埋細佬睇埋一份到宜家....
早期睇既有...高橋留美子既亂馬1/2,山t女福星,一磅的福音,相聚一刻, 同埋佢d短篇....買唔到就走去書店租黎睇....
仲有桂正和既電影少女...(仲比張堅庭拎左黎拍電影..同葉玉卿 )
安達充既touch(達也,和也同楠楠)...rough...到宜家既cross game都仲追緊....雖然d公仔十年如一日, 但又唔知點解會不期然出新書就去買....
城市獵人, 聖鬥士, 龍珠, 我係小忌廉, 呢d梗唔少得....
仲有一系列日本少女漫畫.....河內由加利(倒數5秒), 上田美和(oh~親愛的...到宜家既蜜桃女孩), 中路有紀( 維納斯是單相思), 成田美名子(雙星奇緣), clamp, 矢澤愛(nana), 柴門文, 神尾葉子(花樣男子)等等....真係數唔晒....
加上一d細佬買既'男仔'漫畫.....池上遼一既'淚眼剎星'到宜家既'霸'都仲追緊.....
大島司既'足球風雲'到宜家既'排球風雲', 井上雄彥既'slam dunk', '浪客行'....
幽遊白書, '道' 中兵團, 金田一, 消防員的故事, 孤島診療所.....
香港既都有架.....好似追追下追到唔想再追既百份百感覺, 仲有狄克('xx戀曲'好似叫)...志文('波動少女到宜家既絕世無雙)...街霸, 洪興仔(都唔明當時為咩會睇 )....
真係講開漫畫講到唔停得'手'.......... |