本帖最後由 花園仔 於 2010-12-23 02:27 編輯
回復 14020# 狄狄
花老師好!
我之前剩係落骨粉同花生麩咋, 剛剛過去的星期日, 我加咗d咸蛋灰同蕉皮落泥到, 因聽說咸蛋灰同蕉皮有很豐富的鉀, 我咁做啱唔啱呢?
花老師, 我還想問一下, 我在一些教種植的書看過要為辣椒修剪側芽的, 我需要為它修剪側芽嗎?
===========================================
狄狄及大家好!
之前落骨粉及花生麩係正確嘅! 但辣椒開花結果時間好快就到嘞!
我係會體基肥時落少少鉀肥打底嘅, 到棵嘢開始出花苞時就落多少少鉀肥谷吓果,
跟住唔會停止落薄肥架! 落肥份量及時間會因應棵嘢大細及開花結果數量去調節嘅!
我唔會做啲自己冇全面認識, 冇把握控制嘅嘢嘅, 所以唔會隨便聽人講而用啲自己唔深切了解嘅肥料替代物架!
因為小量種植, 辣椒修剪側芽或摘頂芽嘅動作我好少做嘅, 所以冇乜可以提供俾你嘞!
既然教種植嘅書係噉講, 自己認為有需要咪照做囉, 亦可請教吓其他壇友架!
自由生長嘅椒椒
|