乜都種吓嘅花園仔

回復 13961# 小寶
老師好!
小寶有一事請教, 小寶在防蟲網室的番茄玩集體死亡,
植株相繼由頂葉開始變軟,好像吸唔到水似的,曾經落過石灰, 翻土, 泥土是田的泥和泥炭土, 您知道是什麼原因嗎?
=================================

小寶及大家好!

蕃茄植株好似圖示噉樣死亡呢個現象多發生體炎熱夏季及連續乾燥嘅冷冬! 都會係單一事件!
原因多係雨水多浸爛根部, 令生長高大及枝葉茂盛嘅植株得唔到充份水源補充, 因而倒地不起,
另一原因好多壇友喜用細盤, 就算用大啲嘅盤啲泥都好少好少, 噉樣邊夠大棵蕃茄濃密根部嘅發展啵,
遇到水源稍欠就供不應求隨時瞓底唔識起身啦!

你嘅情況又唔同嘅, 因為相繼集體死亡最大原因係所用泥土太複雜, 對根部生長唔知有冇影響.
添加嘅石灰及泥炭土份量可能超標令泥土酸鹼度改變, 植株體唔同大細, 氣溫及相對濕度改變時會對泥土嘅養份提供都會有所變改架,
即係話植株細棵時可以接受並唔代表佢大棵仲開花結果時可適應格!

最大問題仲係返回講翻根部生長得好唔好對大型植株嘅影響有幾深遠啦, 既然懷疑啲泥唔合格咪直接影響根部正常生長囉,
啲根生長得唔好體植株細時仲可以供應正常, 但到植株大咗及開花結果時就顯得勉强嘞!
一遇到日間狂曬夜晚冷風, 天氣乾燥水份稍為供應慢啲就會頭耷耷, 初時淋翻水佢就兀翻起身, 整多幾次就隨時起唔翻身架罅!

所以盤要大啲, 如植株太大要整個補水器佢嘆吓架! 泥土唔好咁複雜, 就算有需要都要體控制能力做得到先至做!

田泥瘦實可以溝啲花泥先, 泥炭土我當佢肥料用咋, 我鍾意當佢草木灰噉灑體泥面等佢慢慢滲落泥土下邊.
泥土種得耐先至灑石灰, 目的係改變酸鹼度, 殺地蟲我寧願用茶仔粉, 佢容易控制及都幾有效架!

回復 13959# 下午茶
<芫荽>出真葉囉!
請教老師:
芫茜定植後需要落什麼肥?
=====================

<芫荽>定植後主要係落氮肥, 間中加少少磷肥令根都發展好啲, 好快就有<芫荽>食啦!

花園仔老師你好,
1. 想請問燒原嘢食嘅炭灰是否同草木一樣用途? 屬於乜肥?
2. 我棵蕃茄開始有花出, 但又有啲好似狗仔蚤黑色一點點有翼嘅嘢附喺葉上, 吹佢都唔走, 我噴咗幾次苦楝油水佢就消失咗, 但過咗兩日棵蕃茄就佈滿黑斑同黃黃地兼頭dupdup, 但又死唔晒, 點解救?

回復 13964# Chubby仔仔
花園仔老師你好,
1. 想請問燒原嘢食嘅炭灰是否同草木一樣用途? 屬於乜肥?
2. 我棵蕃茄開始有花出, 但又有啲好似狗仔蚤黑色一點點有翼嘅嘢附喺葉上, 吹佢都唔走, 我噴咗幾次苦楝油水佢就消失咗,
但過咗兩日棵蕃茄就佈滿黑斑同黃黃地兼頭dupdup, 但又死唔晒, 點解救?
========================================

Chubby仔仔及大家傍晚好!

燒完嘢食嘅木炭灰應該屬鉀肥掛!
冇相都唔知係乜嘢蟲菌啵, 棵蕃茄佈滿黄黑斑仲頭耷耷又死唔曬....
我諗係棵蕃茄唔受得苦楝油狂噴幾次(苦楝油係油淋淋嘅, 有啲植物唔受得架!)

<旭紅蕃茄>正常生長中希望好快有茄茄食啦!

嗱, 睇清楚喇, 啲蟻蟻又出動嘞!
做乜嘢? 搬蚜蟲BB囉! 呵呵!

記得睇圖時請順手體張圖上點擊一下用滑輪推上, 放大啲清楚好多架!

隔離有條<買種籽被騙記>, 出咗葉都唔知係乜....
梗係! 佢都冇睇我嘅帖子! 嘻嘻!

<益母草>

老師好!

小寶有一事請教, 小寶在防蟲網室的番茄玩集體死亡,
植株相繼由頂葉開始變軟,好像吸唔到水似的,曾 ...
小寶 發表於 2010-11-25 12:20

    呢種情況我已經出現很多次啦,種得好好地,忽然之間相繼死亡,番茄.辣椒都有這樣情況,似乎係病菌/病毒引致.幾日後就慢慢死亡,
另到我不唔敢種番茄,

回復 13962# 花園仔
小寶及大家好!

蕃茄植株好似圖示噉樣死亡呢個現象多發生體炎熱夏季及連續乾燥嘅冷冬! 都會係單一事件!
原因多係雨水多浸爛根部, 令生長高大及枝葉茂盛嘅植株得唔到充份水源補充, 因而倒地不起,
另一原因好多壇友喜用細盤, 就算用大啲嘅盤啲泥都好少好少, 噉樣邊夠大棵蕃茄濃密根部嘅發展啵,
遇到水源稍欠就供不應求隨時瞓底唔識起身啦!

你嘅情況又唔同嘅, 因為相繼集體死亡最大原因係所用泥土太複雜, 對根部生長唔知有冇影響.
添加嘅石灰及泥炭土份量可能超標令泥土酸鹼度改變, 植株體唔同大細, 氣溫及相對濕度改變時會對泥土嘅養份提供都會有所變改架,
即係話植株細棵時可以接受並唔代表佢大棵仲開花結果時可適應格!

最大問題仲係返回講翻根部生長得好唔好對大型植株嘅影響有幾深遠啦, 既然懷疑啲泥唔合格咪直接影響根部正常生長囉,
啲根生長得唔好體植株細時仲可以供應正常, 但到植株大咗及開花結果時就顯得勉强嘞!
一遇到日間狂曬夜晚冷風, 天氣乾燥水份稍為供應慢啲就會頭耷耷, 初時淋翻水佢就兀翻起身, 整多幾次就隨時起唔翻身架罅!

所以盤要大啲, 如植株太大要整個補水器佢嘆吓架! 泥土唔好咁複雜, 就算有需要都要體控制能力做得到先至做!

田泥瘦實可以溝啲花泥先, 泥炭土我當佢肥料用咋, 我鍾意當佢草木灰噉灑體泥面等佢慢慢滲落泥土下邊.
泥土種得耐先至灑石灰, 目的係改變酸鹼度, 殺地蟲我寧願用茶仔粉, 佢容易控制及都幾有效架!

=====================================================================

老師好!
多謝您詳細解答我呀, 的確係土釀內容太複雜, 有田的泥, 有幾種泥炭土, 有堆草, 哎, 都係心急之過,
可能D泥炭土太酸, 又不是全腐熟果時又淋唔透水,
前排下雨後就陸逐開始這個問題, 現在連最後一棵都染上病了, 好似有傳染病咁
宜家部份位置已加上花泥, 我會等所有番茄全清後, 大翻泥一次, 將所有複雜的泥徹底變成簡單的大混合,再淋水, 暫時用佢來種淺泥的菜
等到春天又再試過add9icon

回復 13969# 下午茶


    呢種情況我已經出現很多次啦,種得好好地,忽然之間相繼死亡,番茄.辣椒都有這樣情況,似乎係病菌/病毒引致.幾日後就慢慢死亡,
另到我不唔敢種番茄,

===================================

上季我的番茄都係咁, 但番茄咁好食, 唔種唔得架~ 諗下點解決呢個問題啦~

快快樂樂種蘿蔔!

種體菜盤嘅<櫻桃蘿蔔>主根膨大囉!

<秋葵>易種, 多產又好食, 一於唔俾佢停呀!

七彩靚椒>把握陽光普照嘅日子, 盡力開花結果....

晚安!

花園仔老師

我老豆的指天椒 次次一開花 就比的螞蟻 搬的芽蟲來破壞好事
有乜野好計可以指教一下小弟

早晨呀!人...每天都要面對各種問題,多煩惱,自從三個月前又發現咗呢個網,看到你種植經驗的分享和成果嘅,我都種了一些小植物,每天看到它們不斷成長,每天都送你一些小驚喜,是一件尚心樂事咧,心情都括達了.

花園仔老師

我老豆的指天椒 次次一開花 就比的螞蟻 搬的芽蟲來破壞好事
有乜野好計可以指教一下小弟 ...
麥煞那 發表於 2010-11-26 00:31

"芽蟲"我都非常頭痛,已經知道既辦法都用過,都搞佢唔掂, 我都想知道有什麼絕招 !!!!!!
請老師賜教 ?!!!

老師好, 小寶又有問題了, 木瓜樹的新葉變成這樣子, 是真菌的影響嗎?add2icon





染病木瓜樹的木瓜大左好多~

嘩…小寶不簡單，咁矮木瓜樹竟然有咁隻瓜！！

唔好比佢有病啊！

........................................

老師，你介紹的菠菜，生菜種子發芽率真係好高啊…多謝介紹！

回復 13968# 花園仔


    隔離有條<買種籽被騙記>, 出咗葉都唔知係乜....
梗係! 佢都冇睇我嘅帖子! 嘻嘻!


果個唔會係我掛= =?