乜都種吓嘅花園仔

Very Nice!

回復 13920# muitau
老師午安各位午安呀,
老師我種左遲水蘿蔔係深度有10寸既發泡膠箱約一個月左右,種左8棵,有用放虫網笠住,所以啲葉係迫埋一齊唔會好似你果啲咁攤開晒,請問咁得唔得架?使唔使meet咁啲葉等佢有氣抖? 唔該你~
===================================

妹頭及大家晚上好!

用發泡膠箱種植<遲水大蘿蔔>最好只種3-4棵,
咁早<省莢>係唔得架, 棵嘢好傷啫!
最好等蘿蔔膨大時離收成前30日至好<省莢>呀!

<省莢>嘅意思係將蘿蔔嘅多餘底葉減少,
將養份谷落膨大緊嘅蘿蔔度!
<遲水大蘿蔔>收成期一般體落種籽後約90日

回復 13921# ncoyhv
老師、大家好
用咗一個星期追到3百幾頁，見到大家種野種得好開心
我係新手一名，剛租了田，但離家幾遠，只可以一星期探一次，希望可以同大家多多學習，種D食到既野
不過星期六剛到田，發現落既蘿蔔種子唔見晒，粟米種子又俾蟻蟻搬走晒，都有點唔開心呢...
==================================================

ncoyhv 好!

一般體田度直播種籽最好泥面冚塊防雀嘅鐵線網(要離泥面2-3吋),

粟米種籽用濕紙巾或濕布發芽後先移種落泥度咪唔怕啲螞蟻啦!
(用濕紙巾包住粟米種籽三幾日就發芽啦!)

請睇吓我嘅幾盤年份唔同嘅<美國翠莉蘆薈>啦!

<西洋菜>出咗好多橫丫而且大得好快,
間中都有餐食架, 正!

盤種嘅<日本菠菜>及體露地種嘅<普通菠菜>

<日本菠菜>就黎掹得嘞, 今日又落種籽試種咗盤<大陸菠菜>!

露地上嘅<意大利生菜>

露地上嘅<羅馬生菜>種籽係體<衫兄>度買架!

種體菜盤度嗰啲<羅馬生菜>係由底向上剝葉食嘅!

剝葉後情況:

種體菜盤度嗰啲<意大利生菜>都係由底向上剝葉食架!

剝葉後情況:

盤種嘅<沙律生菜>

露地種嘅<油麥菜>及<結球生菜>

盤種嘅<結球生菜>

出苗苗中嘅<芫荽>

懷著感恩嘅心去努力做好每樣嘢!

朋友送黎嘅<毬蘭插枝>終於有少少成績見到嘞!

回復  ncoyhv
老師、大家好
用咗一個星期追到3百幾頁，見到大家種野種得好開心
我係新手一名，剛租了田， ...
花園仔 發表於 2010-11-22 22:21

感謝老師
因為新手上路，我無想過螞蟻會咁倡狂連種子都搬走埋，等我今個星期試下用濕紙巾發芽先

晚安,花老師!吃飯前看了你的新post,好像望梅止渴,食慾大增,你好像一個魔術師,每次都會變出接近完美的蔬果,我有一個小小嘅問題,可以解答一下嗎?我的小青瓜叶上有白色虫旦,應該是蒼蠅bb,我已經把小苗掉了,下了石灰.甲殼素,還有更好的方法提供一下嗎?

大家好,
我係新手平日只會種下花,(只懂得加水和肥料)但經常種一段時間花就玩完
見到你地自已種菜好勁呀
想請問種菜的泥用科學泥可以嗎?甚麼叫基肥?我真的好想學種菜,希望你們可以教下我謝謝大家

<省莢>嘅意思係將蘿蔔嘅多餘底葉減少,
將養份谷落膨大緊嘅蘿蔔度!
<遲水大蘿蔔>收成期一般體落種籽後約90日
=========================
死火！向田個兩棵遲水大蘿蔔我見佢啲葉鬼咁多仲剪咁啲走添。