乜都種吓嘅花園仔

回復 13657# JENWU

老師，
可以教下點整個發泡膠箱疏水種羅匐嗎,唔該？
=========================

JENWU,

用發泡膠箱種大蘿蔔我就未試過, 不過亦好易啫!

首先去街市問啲菜檔攞個高身啲嘅發泡膠箱(24吋長X18吋寬X12吋高)
或者體街市旁邊俾些少錢啲婆婆買個都得格!

首先體箱底開4個約1吋直徑窿仔, 上邊放隔網冚翻個窿位,
按種乜嘢放幾厚泥, 大蘿蔔咪放9吋深嘅泥, 櫻桃蘿蔔5吋深都OK架罅!
我而家講緊係種大蘿蔔, 最好啲泥係放咗基肥啦,
體與基肥層分隔咗嘅普通泥層面上挖半寸深穴,
每穴放3-4粒種籽, 然後冚平翻啲泥面, 淋水....
等出咗苗苗後出埋真葉, 棵苗苗有4吋高左右就挑選最壯健留底, 弱苗掹走....
跟住淋水濕潤就得唔好太濕, 磷氮肥為主薄肥多施....
或者請教吓Alison地啦, 佢地有用泡膠箱種嘢經驗呢!

嗱! 我係噉嘅:

老師,
點解落咗苗個圏圏會深色嘅?

回復 13660# ilovedisneyland
午安老師,
請問盆種木瓜是否也是木瓜從種籽到掛果樹上熟點都唔使一年時間?  另有什麽要注意?  請賜教

你好!
盤種嘅仲要睇吓你用幾大個盤架!
原則上種地最快, 盤越大掛果時間會快啲,
當然點都係體一年多唔會到两年咁耐嘅!
木瓜好食肥, 根好多, 要好多水但忌水浸根唔退浸爛根,
想有多啲木瓜食首先要谷壯棵樹尤具係條莖,
夠粗先多花果架, 落均效肥就OK, 到見有花苞就重手加啲鉀肥
(我用紅牛鉀佢係慢慢溶解釋放架)....

回復 13662# Chubby仔仔
老師,
點解落咗苗個圏圏會深色嘅?
=====================

係德國花泥!

老師,
這是昨天花友送給我的苗

昨天回家後我請他們吃鉀肥, 喝杯水及照日光浴
另請介紹均效肥給我, 行嗎?

回復 13664# ilovedisneyland

這是昨天花友送給我的苗  
昨天回家後我請他們吃鉀肥, 喝杯水及照日光浴
另請介紹均效肥給我, 行嗎?


個盤太細囉!
嘩! 千祈唔好咁快俾鉀肥佢食呀!
佢都未發育就想佢生仔牙!
均效肥隨處都係唔作推介囉!

那大件事了, 有什麽補救?

回復 13654# aj~kiss

老師，
唔該,可以教下點整個廁所用嘅滿水器嗎？
===========================

<整個廁所用嘅滿水器>?
你係唔係想知我個植物補水器嘅加強版點整瓦?

我預算噉整嘅:



補充:

通常嗰個廁所水箱唔使買架, 體嗰啲新屋苑入伙梗有好多人泵出黎嘅,
未用過唔那渣架, 就算要買, 體嗰啲古老裝修材料舖執個都好平之馬!

唔鍾意用厚身啲外皮膠桶做都得架!

來水閘掣及浮波體普通五金舖有供應, 幾十蚊咁上下啦,
不過要注意水箱嘅入水窿有大細架, 分別係半吋或5分,
購買嗰時五金舖伙記會問你架罅.
如果自己整嘅水箱就先買咗嗰套架生後至鑽窿囉!

水箱入水流量一定要大於儲水桶俾滴水喉嘅流量總和!

由水箱過水去儲水桶嘅水喉流量係肯定要大於滴水喉嘅流量總和
即係要計算嗰條喉嘅直徑大細啦, 其實好易, 大啲冇衰格!

運作時先開水掣裝滿水箱預設平衡水位,
然後裝滿儲水桶預設平衡水位,
用裝滿水冇空位嘅水位平衡喉两頭同時放入水箱及儲水桶度.
(安放後條喉不能有空氣位體入邊)

開放調節製黎調教所有植物補水喉嘅滴水速度,
流幾多水去嗰個水箱會利用水位平衡喉補充翻俾儲水桶度架罅,
啲水壓會持續穩定令滴水速度保持跟最初調教時一樣嘅.

當然啲水要好乾淨, 因為滴水調節器開放嘅空間好細小,
遇上水中大量藻類會影響滴水速度甚致會完全阻塞架,
所以盡量唔好俾供水接觸光線以免生長大量藻類!

老師你好!
我種左盆辣椒, 依家仲開始有花冧。
但我發覺個盆太細,請問係lee個時候可以幫佢換盆嗎?

回復  aj~kiss

老師，
唔該,可以教下點整個廁所用嘅滿水器嗎？
===========================

?
你係唔係 ...
花園仔 發表於 2010-11-4 16:39

睇唔明
希望快d見到老師完成實物

回復 13669# aj~kiss
睇唔明
希望快d見到老師完成實物
===================

唔緊要囉!

朋友聽見我提及<廁所水箱>就叫我唔使講落去洛....   

又: 請大家唔好再採<引用>回複嘞!

回復 13668# dirkc

老師你好!
我種左盆辣椒, 依家仲開始有花冧。
但我發覺個盆太細,請問係lee個時候可以幫佢換盆嗎?
=============================

dirkc好!

可以架!
只要換盤時冇傷到棵嘢啲根,
亦可以噉講換盤時跟本冇郁過棵嘢!

所以逢買翻黎嘅盤栽佢會用個V型盤仔栽種嘅而且鬚根纏滿嘞,
買翻黎後只要揸住棵嘢主莖離地, 從上輕輕拷打盤邊, 個盤仔就會跌落黎....
預備好大盤及泥土後好容易便可以完成換盤或換泥工序架罅!

前晚落種籽嘅6吋長<白色蘿蔔仔>出芽芽囉!
今日體池仔度再落多半池上述嘅<白色蘿蔔仔>外仲落咗半池<櫻桃蘿蔔>添,
因為两種蘿蔔嘅收成期相同, 遲啲仲會體佢地嘅空位種定啲紅菜頭添啵!

今朝出花園聞到陣陣桂花香氣, 結果....

回復 13672# 花園仔



前晚落種籽嘅6吋長<白色蘿蔔仔>出芽芽囉!
今日體池仔度再落多半池上述嘅<白色蘿蔔仔>外仲落咗半池<櫻桃蘿蔔>添,
因為两種蘿蔔嘅收成期相同, 遲啲仲會體佢地嘅空位種定啲紅菜頭添啵!
===========================================

花老師，你連種兩造根菜，中間俾d乜野落田進補呀？

回復 13670# 花園仔
朋友聽見我提及<廁所水箱>就叫我唔使講落去洛....
=================================
咸水可以用用來淋花?

<羅馬生菜>喜歡而家嘅氣溫及陽光....
希望過两日又陽光普照啦!

回復 13674# marcuslee
前晚落種籽嘅6吋長<白色蘿蔔仔>出芽芽囉!
今日體池仔度再落多半池上述嘅<白色蘿蔔仔>外仲落咗半池<櫻桃蘿蔔>添,
因為两種蘿蔔嘅收成期相同, 遲啲仲會體佢地嘅空位種定啲紅菜頭添啵!
===========================================

花老師，你連種兩造根菜，中間俾d乜野落田進補呀？
===========================================

marcuslee,

哦, <白色蘿蔔仔>,<櫻桃蘿蔔>及<紅菜頭>並唔係分開两個明顯時間種植期架!
<白色蘿蔔仔>,<櫻桃蘿蔔>今日已落種籽,
<紅菜頭>會過两日就用軟盤仔培苗, 等苗苗長壯後先移過去....

無論幾造同類根菜都冇問題格, 池仔吖馬, 換泥啫!

回復 13675# kerorozIL
朋友聽見我提及<廁所水箱>就叫我唔使講落去洛....
=================================
咸水可以用用來淋花?
==================

朋友聽見我提及<廁所水箱>就明白成套設置係點架嘞!

又, 邊個話你知<咸水可以用來淋花>架! 呵呵!!

又, <廁所水箱>就代表<咸水>牙!
香港嘅冲廁水仲有好多地方係用淡水架, 包括豪宅或村屋! 哼!

又, 唔好亂咁浪費網絡資源嘞!

晚安!

落咗咁耐雨, 將種體陶盤嘅<靚椒>搬到有遮雨嘅地方先....
佢猛咁開花結椒緊架馬!

回復 13647# 花園仔

係啊…夠深，好駛好用！