回復 13480# laugenroll
好耐無上來, 我棵盤種秋葵, 得一棵, 到現時為止, 已經供應了超過40條秋葵老師,睇你的帖才知佢原來不易渡炎夏, 我見我那棵咁努力生產, 仲以為佢係夏天作物。之前受紅蜘蛛入侵, 經修剪及努力照料, 而家分枝又繼續開花, 真係好想知佢會開到幾時。
我又想加入講吓我試過而又好食的秋葵食法:
1. 麻辣火鍋配料, 外辣內甜, 好多人話秋葵無味, 但其實佢係有少少甜味的。
2. 切粒加入雞湯煮的咸麥皮度
3. 煮咖哩: 我在銅鑼灣某酒店LOUNGE食到, 佢標榜係秋葵雜菜咖哩, 點知只係大約得一條切粒加入去煮, 心想: 乜秋葵好貴咩?!
4. 冰鎮秋葵: 用清水滾熟, 然後加冰整凍佢, 倒掉所有水, 上碟時碟底放冰, 並附上日式芥辣和壽司豉油, 好似食魚生咁。呢個食法係在翠X餐廳食到, 點知經理話無乜人叫, 今年無咗, 改咗冰鎮有機芥蘭。唯有自己種自己整。
5. 煮墨西哥湯: 在赤柱一西餐廳食到, 是雜菜加豆加少少辣椒煮的西湯, 真係好味, 我一餐叫咗兩碗
6. 湯麵配料: 第一次食是在日式湯麵裡見到, 就是味X拉麵。但我試過用來配即食麵, 都不錯。
7. 秋葵乾 (不過我覺得呢個唔好食):在城市的超級市場的泰國食品節買到的, 真係原條秋葵乾燥咗, 脆的, 咸的, 無咗秋葵的「潺」感。
=====================================
laugenroll好!
多謝你帶俾大家咁多秋葵食法及分享親身嘅體驗!
秋葵真係好抵種架, 蟲害好少, 就算有都容易處埋,
樣靚又高產, 花開咗第二日就結果嘞, 睇住佢日日唔同噉膨大....
幾日就摘得黎食, 種幾棵就日日有得睇, 有得摘, 有得食....嘻嘻!
體幾個唔同環境種嘅幾棵秋葵現時情況:
|