回復 11899# JicJicmom
回復 11895# 花園仔
老師早晨呀 ~~~
積媽覺得呢個晚安POST 好正~~ 隔住個網, 都睇到網室入面好企理, 菜菜真幸福~~~ ^^
積媽響曲奇帖度, 見有版友提及蘿蔔惹蚜虫的問題, 老師有無乜野心得/ 意見呢? 會唔會呢一類塊根類植物會特別受蚜虫青睞 ?
以前種櫻桃蘿蔔 , 積媽都好快會發現佢有蚜虫 (咁多植物佢一定係第一種中招的.....)
第一次種白蘿蔔 , 成棵都係 .....嚇死我, 家下有陰影, 唔敢種.....
積媽聽人講, 無蟻就無蚜虫, 係真的嗎?
麻煩哂阿老師~~ ^^
==================================
積媽好!
蚜蟲鍾意生長體陰濕葉密唔通爽嘅地方, 有冇蟻都有佢影踪架喇, 只係有蟻嘅地方就特別多啫,
如你有留意我近來關於茄子嘅帖子, 你就會發覺茄子嘅葉特別靚, 之前又係被蚜蟲摧殘嘅.
我係首先用<蟑蟻淨>趕走曬啲蟻, 消滅蚜蟲用<蛇床子素>, 結果蟲患受到控制囉!(有圖架!)
你同小寶嘅<飛碟辣椒>都有椒椒嘞, 我呢盤就黎摘得囉!
|