乜都種吓嘅花園仔

花園仔老師, 我也有種車厘茄和大番茄, 見到d花花我會用手指掂吓佢地授粉, 可惜d花花開咗之後好易枯咗, 成日結唔到果,　種咗２棵都係得５－６粒咋．．, 可以話比我知點解嘛? 唔知係我修葉太多, 定係塊田太濕? help~

回復 10623# heidipik
花園仔老師, 我也有種車厘茄和大番茄, 見到d花花我會用手指掂吓佢地授粉, 可惜d花花開咗之後好易枯咗, 成日結唔到果,　
種咗２棵都係得５－６粒咋．．, 可以話比我知點解嘛? 唔知係我修葉太多, 定係塊田太濕? help~
====================================

heidipik 好!
首先話俾你知茄茄係<自花授粉>嘅, 風搖, 蜂蜂帮吓手就更好啦, 唔使勞動貴手喎!
花花易枯而結唔成果原因好多嘅, 天氣, 水份, 肥料施放....都有關係架!

<修葉太多, 定係塊田太濕> -- 都有可能架, 因為冇相睇, 又冇肥料施放情況, 好難講啵!

請睇吓我呢棵茄茄冇同佢做任何授粉動作就收咗N個洛....   

椒椒, 茄茄甚至無花果都係自己搞掂, 唔使人工授粉架!
所似我將佢地擺體網室入邊囉 -- 全部碩果累累嘞!

嗰棵百子千孫嘅茄茄而家仲猛咁開花結果呢!

其實我已經習慣每天上來走走.........
看老師的帖實在令我嘆為觀止, 你的作物, 你的相片, 絕對反映你的心機, 心思!!!
而種植上最令我頭痛的莫過於蟲患蟻患, 但老師的露地, 戶外耕地等都極少蟲蟲, 佩服!!!!!!!!!
除了放入網室, 還有別的方法嗎?

回復 10626# mamafan
其實我已經習慣每天上來走走.........
看老師的帖實在令我嘆為觀止, 你的作物, 你的相片, 絕對反映你的心機, 心思!!!
而種植上最令我頭痛的莫過於蟲患蟻患, 但老師的露地, 戶外耕地等都極少蟲蟲, 佩服!!!!!!!!!
除了放入網室, 還有別的方法嗎?
================================

你好!
種嘢邊有話冇蟲患架? 如果冇蟲患又使乜整網室喎!

露地所種都好多俾蟲蟲光顧架, 避重就輕少D擺上黎啫!
蟲蟲現時最多係帮襯十字花科植物, 嗰D生菜, 韮菜梗係冇乜蟲啦!
蕃茄都係潛葉蠅入侵吓啫, 蚜蟲冇喎 -- 因為泥面及底位黄老殘葉剪走曬, 通爽吖馬!

除咗放入網室, 植物體露地首要注重泥面及植物脚底位置通爽, 咁先至避免蚊蟲滋長嘅!
發現有蟲立刻採取行動 -- 用有機農藥噴灑!
或者用人手捉蟲, 哈, 我剛帮幾盤士多啤梨捉完蟲之馬!

韮菜就真係冇蟲嘞! 你睇吓泥面幾通爽!

回復 10626# mamafan
看老師的帖實在令我嘆為觀止, 你的作物, 你的相片, 絕對反映你的心機, 心思!!!
================================

<嘆為觀止>就冇我份囉!
過我做乜都好好心機架, 呢樣就肯定架罅!
D相冇特別加工架, 講起....
今晚睇咗個帖, D花我都種咗好多,
咦! 點解好似差過人好多嘅, 咪開個軟件睇吓囉! 哦, 原來....

邊有你講得咁好吖....
體網室入邊嘅<飛碟辣椒>及<無花果>

花園仔老師你好呀,我新來架有d野想問呀!如果我d泥種過野我要點處理先可以再用呀,我個天台d種緊野既舊泥都比較多想種d瓜菜(不過inside唔知有乜,真係乜泥都有,仲唔知有冇蟲卵tim><),另外如果泥好啦又要唔要比d乜肥佢呢?&以前你post話整架要用鉛水燈喉係咩來架??

問題太多新丁一名請見諒^^

報告積媽知, 棵<無花果>有3個果果囉!

回復 10629# kevina_yim
花園仔老師你好呀,我新來架有d野想問呀!如果我d泥種過野我要點處理先可以再用呀,
我個天台d種緊野既舊泥都比較多想種d瓜菜(不過inside唔知有乜,真係乜泥都有,仲唔知有冇蟲卵tim><),
另外如果泥好啦又要唔要比d乜肥佢呢?&以前你post話整架要用鉛水燈喉係咩來架??

問題太多新丁一名請見諒^^
==================================

你好!
我種過嘢嘅花盤, 花槽或菜池D泥會倒挖出黎, 將佢堆體另一個地方,
撈翻D肥(均效肥), 曬吓佢, 最多體泥面灑D石灰架咋! 擺佢一段時間又再用過洛!
呢度另有網友帖子提供滅蟲及燒泥殺菌方法架, 慢慢睇啦!
http://hkplants.com/thread-21717-1-4.html

天台種嘢咪睇吓呢個帖囉:
http://hkplants.com/thread-36640-1-2.html
http://hkplants.com/thread-23420-1-4.html
http://hkplants.com/thread-25054-1-1.html

鉛水燈喉咪鉛水燈喉囉 -- 體五金舖或電器行有得賣架!

回復 10630# 花園仔
老師好~~~
我都報告老師 : 本來3粒甩左1粒 ,今日發現甩埋第二粒.....
葉就生多左.....
聽日補番相 ~ ^^

報告積媽知, 棵<無花果>有3個果果囉!
...............................................................

唉…點解我個兩盆無花果種咗一年多啦…花都無一朵呢？？肥，水都夠喎，仲換埋大盆添……

報告積媽知, 棵有3個果果囉!
...............................................................

唉…點解 ...
alilovebyj 發表於 2010-2-7 09:36

alilovebyj~
無花果的花好像看不見的呢~

回復 10633# alilovebyj

早晨呀 老師, ALISON ~~~
話明係 "無花" 果呀嘛 ~ 會唔會係未夠秤出果果呢 ?

回復 10621# 花園仔

溫馨提示:
可以灑種籽種<60日青骨菜心>囉, 好似灑種籽種菠菜咁呀!
種大咗睇吓邊棵大就先掹邊棵, 掹疏黎食囉!

======================================
老師好! 小寶想確認一下是<菜心>還是<通菜>呢?

回復 10615# 花園仔

你好!
番薯苗就易辦啦!
種體地:

求其插落地等佢出根標葉先致淋花生麩水肥就爸聲大, 躝到四圍都係, 食都食唔切呀.....

笪地撈咗已發酵嘅氮,磷,鉀肥就梗係正啦!

咁都得, 挖深D泥將花生麩, 骨粉+(鉀肥)撈勻D泥, 再體上邊鋪1-2吋普通泥!

種體盤:

========================================
唔該哂, 老師!

係呢老師, 塊蕃薯地使唔使過一段時間抓鬆d泥呀? 係唔係剩四邊整鬆呀??

回復 10634# 學種植


    報告積媽知, 棵有3個果果囉!
...............................................................

唉…點解 ...
alilovebyj 發表於 2010-2-7 09:36


alilovebyj~
無花果的花好像看不見的呢~
========================

可唔可以當生果食o架??

回復 10633# alilovebyj
唉…點解我個兩盆無花果種咗一年多啦…花都無一朵呢？？肥，水都夠喎，仲換埋大盆添……
=========================================

Alison, 積媽, 小寶及大家好!

Alison, 因為我嗰盤<無花果>應該係同積媽相同品種掛 -- 都係彬彬貨黎!
你嗰棵係曇花牌啵 -- 係種籽種起? 插枝? 駁枝....
仲有唔同品種結果嘅時間都會有差異架!
耐心D啦!

回復 10637# Twinsmom
係呢老師, 塊蕃薯地使唔使過一段時間抓鬆d泥呀? 係唔係剩四邊整鬆呀??
=================================

鬆土係指定動作架啦!
間中抓鬆面泥及遠位都要整鬆架!

回復 10636# 小寶
老師好! 小寶想確認一下是<菜心>還是<通菜>呢?
=============================

小寶, 係體<衫兄>度買嘅<60日青骨菜心>呀!

<通菜>係冇指定日數嘅!   

有網友問點知蕃茄幾時會紅(熟)?

當茄茄要成熟時佢嘅表皮充滿亮澤及有彈性感覺!

今朝: