9195# Cat@.@
花老師,
想問問白蘭花嘅主幹可唔可以剪架?我有兩棵越生越高,想剪矮啲...
仲有白蘭花係唔係全年都有花架?我個兩棵一兩個月先得一朵花,而經有加肥...
謝謝花老師!!
9196# vincentma
花老師，我都想問：修剪完白蘭花之後，有甚麼要跟進呢？係咪要等到春天 ，D 芽將萌發前剪根換泥加肥呢？謝謝！
9199# vincentma
多謝花老師指導，我果盆白蘭花種左兩年，舊年開始用大龍缸種，今年開始見到多D 花咋，希望出年更多花花，所以要向老師學習！再次多謝老師！
==============================================
大家好!
<白蘭花>樹係最易種嘅植物, 識種D花多到你偷笑呀!
我棵<白蘭花>樹種咗幾年洛, 初初好細棵咋, 而家成八-九呎高囉!
細棵嗰時用普通盤仔轉用細龍缸, 大咗後削根換泥轉用中龍缸,
再大D後再削根換泥轉用大龍缸至今, 唔再換缸嘞 -- 冇咁大個缸吖馬!
<白蘭花>樹到咁上下大, 開完花咪修剪吓佢囉, 點剪佢都唔會死架!
我今次預算剪低1/3高度, 體型亦同樣減少1/3架!
剪完之後唔使特別跟進格, 正常對待就OK囉!
我認為做削根換泥轉缸嘅動作應該體未修剪棵樹前做,
即係做妥削根換泥轉缸後, 棵樹正常生長嘞先至進行修剪樹形工作.
呢D動作最好係過咗年即做(春)或而家做都得(秋)!
總而言之好易做, 唔使緊張!
-----------------------------------------------------------
大家好!
vincentma, 唔使客氣!
補充吓阿Cat問<白蘭花>樹點樣種先至多花嘅問題:
嗱, <白蘭花>樹唔係成年都有花開架! 睇吓乜嘢品種D花期有長短,
不過我棵就正一係<吳君如老豆>咁都有花開架, 而且多花花呢!!
<白蘭花>樹要剪先多花嘅, 剪枝後切記加翻D肥料(已發酵嘅均效肥),
養好身子就曝新芽長枝葉, 跟住就會有好多花冧標出嘞.
加肥可以沿接近缸邊處挖開表面泥土, 傷少少根都唔怕架,
放入肥料, 然後冚翻D泥就OK啦!
平時磷氮肥, 催花咪加少少鉀肥囉,
薄肥多施永唔會錯!
想示範剪枝俾你地參考吓嘅, 咁多花冧點剪得落手亞, 遲D先啦! |
|
顯身卡
