9124# 花園仔
我家都有幾個伸縮蓬,
都採用歐洲支架, 所有配件鏍絲都用不鏽鋼做, 帆布會用西班牙防水帆布,
每年都會唧吓油, 隔幾年帆布舊咗咪換吓佢囉, 自己換架,
D帆布就好似小寳話齋畫張圖叫人車囉(我幫襯元朗<恊興>嘅),
就算用靚料都唔係好貴啫, 自己攞貨兼安裝喎!
所以人地見到我嘅伸縮蓬帆布幾時都咁新淨靚靚架!
=======================================
老師午安,
你個蓬好價值連城咁呀! 我露台都有兩個伸縮蓬,
不過係二樓吊左出去凌晒空咁,要返去研究吓可否自行更換,
因為可以等第日舊舊地換左佢丫嘛.
你講得岩呀, 帆布蓬新淨靚靚間屋都醒神啲架,
見好多屋外牆油到立立令不過個蓬生晒青苔,
即刻"降呢"啦!
再講吓你唔清楚車帆布點計$嘅問題啦,
嗱, 舉例:
我要車一塊伸縮蓬帆布,
長度28呎, 寬度8呎.
嗱, 我要用<西班牙防水帆布>花式係直條子間色, 要對紋車.
一般<歐洲防水帆布>為4呎封,
咁28呎便要用8幅布嘞, 點解? 兩邊要摺子口另加上7個接駁位呢!
咁樣間鋪頭咪計你 8幅X8呎X$/呎囉, 如做波浪封口又加D$,
加加埋埋你至唔清唔楚啫! 其實好易計架
====================================
哦, 原來係咁!
我copy番去比話事人睇先得,
有問題再問啦, 唔該老師!
(直條子間色, 要對紋車-->老師果然有要求 ) |