乜都種吓嘅花園仔

老師請問棵甜椒收左果果後同唔可以繼續種,
佢地會唔會樂繼續開花結果呢?
還是以完就呢add3icon

8422# llaus
老師請問棵甜椒收左果果後同唔可以繼續種,
佢地會唔會樂繼續開花結果呢?
還是以完就呢
=========================
蛙蛙!
我會繼續嘅, 直到佢乾枯至結束架!
梗係會繼續開花結果格, 不過會弱D囉!

8417# greybear
花園仔老師，
你好呀﹗如果我係植物，我諗我都好想住係你既花園仔到，一定得到悉心照料，又不時有人幫自己拍寫真…。真係好幸福﹗我e排追緊你既詀，e+都未睇到60頁，都唔知點算…﹗仔細女細仲要照顧添架﹗但真係無法，又想感受、分享吓人地種植既樂趣同成果，又想一邊學習，唯有花點時間﹗
我都係搬左屋，有個小小既露天空間先開始實踐種瓜得瓜既理想，幾棵青瓜苗e+三寸高，換咩盆都無概念，真係覺得前路亡亡，d青瓜種子遇著我都算唔好彩﹗
我啱啱先開始學習種野，真係處處都係疑問﹗請你多多指教呀﹗
==================================
你好!
慢慢睇囉! 希望有啱你睇嘅資料啦!

個個都係咁架啦, 初初種嘢少不免手忙脚亂唔知點好,
但只要定D黎就會覺得唔係咁難啫!
設定:
種植環境
用乜嘢地或盤
用乜嘢泥
用乜嘢肥料
用乜嘢農藥
日照幾多
喜歡種乜嘢(應該係適地適時嘅農產品)
.....

雖然天氣唔好, 農產品都有得收嘅, 少D啫!

8419# fishinglok
老師, 但係如果O的椒椒巢葉仲搭埋好多好多花冧, 咁點好呀, 真係好唔捨得O的花冧呀,
如果剪晒O的巢葉, 得返O的花冧咁樣唔知得唔得呢....嘿嘿!
=====================================

你好!
剪曬D巢葉剩翻D花冧梗係唔得啦!
你可以先剪部份下邊嗰D先架馬(或最大塊最肉酸嗰D)
然後噴藥控制住, 等新葉出咗再繼續剪剩翻體度嗰D巢葉囉!

老師你好呀! 麻煩你幫我睇吓呢棵係咩吖, 我起初以為係矮瓜 (不過都覺得d葉好似尖咗d), 因為之前撒過矮瓜種嘛. 仲好好心機咁日日去淋去, 不過當佢出咗花之後, 又覺得唔係好對路, 所以請你指教吓. 唔該晒!

8426# 小蓮花
老師你好呀! 麻煩你幫我睇吓呢棵係咩吖, 我起初以為係矮瓜 (不過都覺得d葉好似尖咗d), 因為之前撒過矮瓜種嘛. 仲好好心機咁日日去淋去, 不過當佢出咗花之後, 又覺得唔係好對路, 所以請你指教吓. 唔該晒!
===========================================

你好!
嗰棵嘢肯定唔係茄子啦! 我真係唔識呀!
想知咪出個帖體<花草樹木>度問吓囉!

<長條南瓜>就食唔設嘞, 冇符!

==================================
我0既長條南瓜種咗兩三棵，死剩一棵，但都出唔到瓜…我也冇符add12icon

請問你地d蔬菜種子係邊度買架?

8429# caroltang
請問你地d蔬菜種子係邊度買架?
==================

你好!
斑比答咗你啦!

茄子幾時摘得?

當茄子唔再膨大時就應採摘嘞!
當顏色轉淡時個茄子就老洛, 仲大大粒核添!

最大嗰隻淡咗色咪老囉:

不如講吓<馬齒莧>吖!

想種靚佢好易咋, 追陽性嘅花只要陽光均勻照射就會生長得好靚架罅!

我用圓形陶盤(8吋口徑)種咗一枝條咋(雀雀担黎架)就長得好誇張,
最多開成二百朶花, 好似花店D花球咁俗呀!

呢幾日落雨好多花都冇開我反而覺得佢幽雅D添,
好似體草原D野花咁一叢叢仲有詩意呢....

8432# 花園仔
不如講吓<馬齒莧>吖!

想種靚佢好易咋, 追陽性嘅花只要陽光均勻照射就會生長得好靚架罅!

我用圓形陶盤(8吋口徑)種咗一枝條咋(雀雀担黎架)就長得好誇張,
最多開成二百朶花, 好似花店D花球咁俗呀!

呢幾日落雨好多花都冇開我反而覺得佢幽雅D添,
好似體草原D野花咁一叢叢仲有詩意呢....
=========================================
花老師你嗰度成日有雀仔送禮比你咁好嘅,之前又有多產番茄仔 我嗰度都好多雀架,但係剩係識週圍屙同偷食我d野

我都一路追緊你的網頁,你種野真係好叻呀,我都想請問你,你種的日本南瓜係人工授枌或是天然授枌呢?

花園仔老師：

你好！我剛剛刨完你 422頁的花帖，真係獲益不少，
好多謝你的分享！

亦要多謝花非花既介紹，如果唔係我都睇唔到老師既帖。

8433# cookie20002005
花老師你嗰度成日有雀仔送禮比你咁好嘅,之前又有多產番茄仔 我嗰度都好多雀架,但係剩係識週圍屙同偷食我d野
=============================
cookie及大家晚上好!
你嘅煩惱我都有架, 不過我冇所謂嘅 -- 明知改變唔到咪積極面對囉!
我整咗好多防雀網架, KK咪冲沖佢囉! 嘻嘻!

雀仔担黎嘅<白色馬齒莧>

8434# y24790725
我都一路追緊你的網頁,你種野真係好叻呀,我都想請問你,你種的日本南瓜係人工授枌或是天然授枌呢?
==============================

你好!
我種嘅日本南瓜係人工授枌及天然授枌都有試架,
可能種籽唔掂啦(用買翻黎食嘅瓜瓜攞D核黎種架)!
到而家都未試過有收成呢!
你參考吓Alison 嘅帖啦, 佢用Y牌種籽成功種咗個日本南瓜仔呢!
http://hkplants.com/thread-23420-36-1.html

8435# 小牛
花園仔老師：
你好！我剛剛刨完你 422頁的花帖，真係獲益不少，
好多謝你的分享！
亦要多謝花非花既介紹，如果唔係我都睇唔到老師既帖。
==============================
小牛,
唔使客氣, 得閒咪多D上黎囉!

老師我想問,d果樹係咪切咗頭,佢哋就唔會向上長高架,如果想佢哋生粗d,係咪要cut走d枝子等樹幹可以粗d丫?

8439# 貓后
老師我想問,d果樹係咪切咗頭,佢哋就唔會向上長高架,如果想佢哋生粗d,係咪要cut走d枝子等樹幹可以粗d丫?
===================================

你好!
係架, 我個花園仔好細所以咪唔俾D果樹神高神大囉!
辦法就係剪剪剪嘞!
樹幹粗壯係要承担枝葉嘅負荷量至會咁架, 冇曬枝葉佢反而唔使咁粗壯呢!

8439# 貓后
老師我想問,d果樹係咪切咗頭,佢哋就唔會向上長高架,如果想佢哋生粗d,係咪要cut走d枝子等樹幹可以粗d丫?
===================================

你好!
係架, 我個花園仔好細所以咪唔俾D果樹神高神大囉!
...
花園仔 發表於 2009-8-7 21:22

死囉,我剛才還cut咁d支子,add2icon 而家為有望佢快d生返多d先得,