5986# sandylam
老師,我既苦瓜3月1日下種,有三尺幾高啦,但子葉都仲未甩,奀吱吱咁但又想開花,點搞好?
果蠅會唔會針車厘茄?
我既黄色車厘茄一粒粒熟緊,第一粒我加左不織布袋,但未熟果D要加袋嗎?
黄色車厘茄好好味架.
我想留種子添,但種子攞左出黎要唔要消毒先曬乾架?
==========================================
sandy好!
苦瓜初初係好奀架, 慢慢佢儲夠養份先爆橫丫又開花嘅.
子葉未甩有乜問題呢, 佢又冇阻住你.
冇果蠅, 雀仔, 蟲蟲咪唔需要笠袋囉, 自己衡量啦, 就算笠都唔係咁幸苦啫, 使乜煩惱丫.
留種籽好易啫, 將茄茄原個曬乾保存又得(好似辣椒干咁),
將茄茄剝開用水洗走D肉, 留翻種籽曬乾入樽咪OK囉!(我採用呢個方法).
消毒?? 唔識點做喎!
嗱, 我棵苦瓜成4呎幾高D子葉仲未甩啦! |