貓貓棵檸檬含苞待放問我點保果喎, 咁就體度講吓囉, 呢度多D人睇丫馬!
咁就由含苞待放講起啦:
檸檬開花後每星期施一次薄肥喇, 仲有要進行疏花疏果嘅動作架.
睇花未開時先疏去一部分花冧, 等花謝咗有果嘞再疏去一D位置不當嘅幼果,
目的係減少消耗養分, 使有限嘅養分集中供應俾保留下來嘅花同果, 使果實長得更大更好.
體果果成長期間如果肥水足夠棵嘢營養狀況就好, 咁部分枝條又會萌發新梢架,
新梢嘅成長必然會搶走部分營養啦, 咁咪影響果實的長大囉. 為保住果實, 要對長出嘅新梢及時清除架.
果實黃熟時就要停止施肥嘞, 並減少淋水, D泥土保持濕潤微微偏乾就得嘞.
如果若繼續俾佢過多嘅肥水, D果果會提前老熟或早落架, 想欣賞耐D都唔得喇!。
檸檬好食肥架, 平時咪多施薄肥囉!
棵嘢體萌芽前施一次腐熟液肥, 以後每隔7-10天施一次以氮肥為主的液肥, 令佢多長枝葉多發春梢.
每次摘心後要及時施肥, 令佢嘅枝條提早老熟.
檸檬生長期間, 可以體盆面放一D餅肥(我體衫兄度買嘅)使到每次淋水都有一D肥料滲入土內, 增強肥力.
入秋後就減少施肥罅, 原因係避免棵嘢營養過剩, 猛發秋梢黎與果果搶奪養分而造成落果. |