乜都種吓嘅花園仔

3746# mandm2007

哈~過完年大家都浸柑桔,我屋企上幾年都有浸,我媽話要最少要浸一年先飲得架!! 係唔係呀?
上幾年屋企有樽浸左廿幾年既柑桔, 係我婆婆浸落, 真係幾好味!! 但好快飲晒囉!!

正確丫! 係呀寄俾你嘅椰菜 ...
花園仔 發表於 2009-2-1 23:20

多謝老師!!我會留意信箱架啦~希望今次會收到啦~但現在才下種仲種唔種得切呀??

3756# fae

^^我諗我真係要俾點心機同耐性去等吓...順手密d手去淋水先得了
係呢老師，我睇過公主個邊的post~話菠菜唔適宜移種....(我噚日仲培定d....X___X)
我睇有d 書話菠菜唔適宜追太密既肥，因為其植物分解後..會產生亞"燒"酸鹽...
天呀~請老師指點一

大家好!

天乜丫!

植物體生長過程中係需要體泥土中吸收含氮嘅物質轉化成氨基酸, 從而得到蛋白質黎加快自身嘅生長.
而泥土中嘅含氮物質中有一D係硝基態氮,  好似硝酸鹽咁, 首先還原成亞硝酸鹽, 跟住逐步還原成氨,
因此植物性嘅食品基本上都有硝酸鹽和亞硝酸鹽嘅.
菜菜由於食用部位多係植物嘅莖葉, 所以硝酸鹽和亞硝酸鹽含量咪高囉.
蔬菜收割嘅時候氮嘅轉化過程被中斷, 而各種中間產物都會存在格, 所以菜菜入邊梗係有亞硝酸鹽啦.
嗱咁啵, 如果佢轉化過程係順利嘅話咁中間產物嘅累積咪少好多囉.
所以體天氣好及陽光充沛嗰陣時收割, 植物嘅光合作用好強, 亞硝酸鹽嘅含量就好低嘞,
相反體雨天收割嘅菜菜一般亞硝酸鹽嘅含量就好高喇.

結論:
臨收割菜菜前一段時間唔好落肥(尤其係氮肥)住, 我預7日多D啦!
盡量體好天至收割菜菜.


菠菜好食但多食冇益, 所以食黎食去都食唔曬囉!

3759# JicJicmom

下肥係我弱項黎 ......... 到而家仲未掌握到 ........

花老師 , 早上好 ~~~~
過2日就立春喇 ~~~~ 請問有無好建議比我呢D種野新仔呢 ? 我會種苦瓜 (黃衫哥哥賣0既雷公陲苦瓜) , 青瓜 , 同迷你蕃茄仔 ~
如果想種皇帝菜 , 而家係唔係時候呢 ?
唔該哂花老師 ~~~~


施肥唔係咁難掌握啫, 只要按部就班學習分析慢慢就OK架罅!

皇帝菜與茼蒿都係冷凉植物, 要種咪趕吓尾班車囉, 如果天氣長時間轉熱菜菜易出芯長花架!

枸杞而家仲種得架!

3760# ChrisTsui

老師~
我都有o野想問呀~
我想種白蘿蔔整蘿蔔糕,唔知呢個季節下種得唔得呢?
請老師指教,唔該晒~

蘿蔔糕好食但過咗年洛整蘿蔔糕嘅人都少啦,
因此可見體呢個日子種白蘿蔔係比較難囉!


好似瓜瓜豆豆啱KEY D啵!

3761# mandm2007

多謝老師!!我會留意信箱架啦~希望今次會收到啦~但現在才下種仲種唔種得切呀??


綠色嗰隻紐西蘭中小型椰菜佢話天氣熱都可以喎, 紫色嗰隻就勉强D, 試吓啦!

今日摘咗D蕃茄仔, 又甜又好味!

今日摘咗D蕃茄仔, 又甜又好味!
花園仔 發表於 2009-2-2 22:53

超新鮮又紅,個個"o丁"彈起 juicy ar~~~

斑比嘅<蒜頭豆豉炒自家種彩柄忝菜>幾吸引人啵,
今日都割咗D縐葉嘅綠色豬乸菜, 一于<蒜頭豆豉炒自家種縐葉綠色忝菜>
唔敢落豬油 -- 有D失真囉!

3767# may.sun

超新鮮又紅,個個"o丁"彈起 juicy ar~~~

你體張相度按一下仲彈得勁呀!


日日都有得摘架!

留翻少少地種尾期嘅意大利生菜!

薯仔上次經過結霜嘅摧殘唔知點呢, 今日終于忍唔住挖開D泥睇吓....

高過圍牆3呎囉唔通佢想上太空!

咁高仲係猛開花結豆啵!

佢都係亞!

桑椹子樹披新綠, 唔使幾耐又桑棗滿枝頭囉!

晚安+早晨!

大頭仔+細頭仔!



等佢頭大黎整大頭菜嘅話真係頭都大呀!

薯仔上次經過結霜嘅摧殘唔知點呢, 今日終于忍唔住挖開D泥睇吓....
花園仔 發表於 2009-2-2 23:40

咁青,未得ga

恨死我喇 ....... 老師D車厘茄好似要彈出 MON 咁 .......
老師我又有問題呀 : 你棵迷你蕃茄好大棵呀 ~~ 係唔係一棵黎架 ? 如果係 , D橫 Y 要唔要剪左去架 ? 我只種過大蕃茄 , 未種過迷你茄 .... 我D大蕃茄葉會剪走一半 留番半塊響枝椏度 , 側芽"全走" .... 咁至叫 "捱"到金蕃茄2兄弟出到身 ......
但我爬完文又知道 , 老師字典入面係無摘芯 / 摘芽呢D野 ..... 會唔會係因為我泥土/肥料管理得唔好, 所以要有摘芽 / 頂同剪葉呢D舉動呢 ?
先多謝老師解答呀 ~~
(我都要努力 !!!! >:-))

3756# fae

^^我諗我真係要俾點心機同耐性去等吓...順手密d手去淋水先得了
係呢老師，我睇過公主個邊的post~話菠菜唔適宜移種....(我噚日仲培定d....X___X)
我睇有d 書話菠菜唔適宜追太密既肥，因為其植物分解後.. ...
花園仔 發表於 2009-2-2 22:18

謝謝老師詳細解說，關於老師之前個篇"菠菜的成長過程"我仲係度搵緊第幾頁中...
噚晚睇到半路都頂唔順....流晒口水咁恰著埋
我都係之前睇到d 書話菠菜好有益..所以先著手種...其實佢無益之處在那呢?
(...整整吓變左生物化學問題添=.=!)

3759# JicJicmom

下肥係我弱項黎 ......... 到而家仲未掌握到 ........

花老師 , 早上好 ~~~~
過2日就立春喇 ~~~~ 請問有無好建議比我呢D種野新仔呢 ? 我會種苦瓜 (黃衫哥哥賣0既雷公陲苦瓜) , 青瓜 , 同迷你蕃 ...
花園仔 發表於 2009-2-2 22:31

老師新年快樂﹗請問九杞d葉疑似有蟲蟲而家d葉好肉酸﹗我剪咗d葉啱唔啱呀﹗add3icon
謝謝老師教我種櫻桃蘿蔔﹗依家出咗葉啦﹗

高過圍牆3呎囉唔通佢想上太空!

咁高仲係猛開花結豆啵!
花園仔 發表於 2009-2-3 00:06 [url=http://www.hkplants.com/redirect.php?goto=findpost&pid=412022&ptid=11235][/url]

老師你好搞笑啊！咁你要落足眼力，睇吓見唔見到楊利偉

老師你好, 我係種野新丁, 我好鍾意睇你寫d野, 可以學到好多野呀!!!
我有d問題希望老師可以解答, 咩叫 "耙齒蘿蔔", 種子可在那裡買到, 咩時候可以種, 因為有個朋友有病, 要食lee隻蘿蔔, 我想種d比佢食, 多謝幫忙!!!!