本帖最後由 Salt 於 2016-6-2 07:52 編輯
Tiny Tim 真係好細~ 係o個時母親特地搵想種細細盆的所以選了侏儒品種,我試過最快15cm 高已經有花開結果 當然盆大小係一個問題啦,種過4棵只係用兩個水樽剪一半水耕,有70cm 高,45cm 寬左右,但佢地係由泥種種下畀我成棵剪出黎浸根轉水種的。而家用緊一個大少少嘅桶水耕,已經有快1米了,不過太陽唔大橫枝唔多出黎。另一盆有燈照就好多橫枝~ tiny tim 係determinate 品種,佢會生長到一定高度就唔會再點高,然後一次過開好多花結果,所以唔好剪佢d枝呀~ 剪咗佢都唔會生多好多o家,但就會少咗番茄食o家啦。 種咗幾次,我覺得佢一米高左右應該係極限啦,如果盆大/落地營養夠唔知會唔會再大呢。不過如果冇位真係可以用好細個盆都會種到,想的話20-30cm高就已經可以有番茄食,細棵當然會少d茄,但就好方便~
Tommy Toe 可以剪出黎插枝~ 因為佢生得好快,又多又密又多果呀(係indeterminate的,只要佢一日唔死佢都會繼續大繼續結果)~茄比平時的車厘茄大少少,有一吋到。佢而家不停頂住我個天花我都要不停剪頂,有d長d粗d 嘅就剪出黎再插再種。插枝的話大約1-2禮拜左右就會出根,如果等到莖有白色凸起粒粒(根bb)o個時剪出黎插的話,差不多3日內就會出根,我試過剪完插水24小時內就有根睇)。我而家只係用個箱水耕畀咗0.9*0.6*1.3米空間佢生長咋(連埋個箱)。我諗如果劉伯伯你有地方,佢應該可以好輕鬆咁生到兩米高~佢係我之前種幾款茄入面唯一o個時冇乜太陽但都可以種得好靚嘅品種~ 但我個人覺得tiny tim 好食d
Black cherry 我就冇咩資料提供啦。。因為我種得好差呀。我覺得佢可能係比較需要多光嘅品種,因為我種到佢好幼。。(但我唔肯定係光照問題定係佢唔鐘意畀我用水種,因為我水耕都仲係摸索中)。劉伯伯你o係天台種應該會好好多,我o係窗臺種可能種唔到佢了,但係我應該會種到起麻食到一次先放棄佢 佢個樣好靚呀
|