這是我家公子的妙問妙答, 記錄下來回味回味...... 得啖笑!
個案1:
話說前數天, 公子把他K1時玩的智力遊戲板拿了出來叫爸爸玩, 哎, 爸爸當然唔想玩啦(好悶麻), 爸爸就答話 "LEE D玩具太淺, 太容易了". 點知公子答得仲妙, 即刻回應話 "咁等你老左先, 你到時就會失憶, 咁到時先再玩啦!"
個案2:
公子的小腦袋構造真是很特別!我跟他講有關火山和溫泉的事情和地區時,他竟然說要把火山切開後再倒轉咁D熔岩就唔可以流出來啦。之後再把火山搬到溫泉裡,咁個溫泉D水就會熱啦!OOH, I SEE, 原來火山可以好似蛋糕咁切開, 又可以好似豬骨咁下湯.......
個案3:
有一次和公子一起去大埔海濱公園放電船仔的一件趣事:
有個中年男人自製了一隻未完成的電船, 帶來試下水, 怎知試水失敗, 那船仔入水開始下沉, 公子見到就問那人說~
公子: 點解你隻船會沉?
男人: ………… (好瘀呀, 仲問…)
公子: 你下次唔好買D沉既船啦!(唔知點解D人要買沉既船呢? )
男人: 哦哦哦… (你仲問……)
公子: 知道嗎?.....知道嗎?.....你知道嗎? (大叔你答得肯定D有你著數呀!)
男人: .....知道啦知道啦! (個細路好煩呀!)
一會兒之後>>>>>>>>>>
公子又跟那男人說:
公子: 我知啦我知啦, 你果隻係潛水艇咁咪會沉囉! (懶醒咁)
男人: ……哎呀…… (乜你人仔細細咁多口水架! )
[ 本帖最後由 vkzone2002 於 2008-4-7 10:09 編輯 ] |