買蜂場原裝蜂蠟

請問香港邊到有蜂場????
我想買蜂蠟, 感受下牠的香味同雜質呀?!
又想用蜂蠟做下DIY.....

我之前買咗1kg呀, 可以分啲俾你玩喎
你要幾多呀?


p.s. 其實我真係覺得diy舖頭所賣嘅蜂臘(粒裝)易用啲
蜂場嗰啲作塊木板咁, cut開佢都己經要花你15分鐘~

pm咗小小資料俾你~

蜂場蜂蠟我在粉嶺"寶x園"買,唔知你住邊區,會唔會遠左d?
一舊舊蜂蠟真係多0的工夫,我又刀仔又大細較剪先搞得佢丁丁多.
用現成一粒粒方便好多呀.

蜂場蜂蠟最夏天卅幾度先 cut, 易開好多,冬天刀都斷埋

可打皂,整唇膏,做油膏,整紫雲膏

不過新手唔好用蠟打皂住,處理得唔好就麻煩~

ck....我打漏左字

我以前都無買大舊臘番黎玩(其實買左一舊西柚咁大，但未用)，之前有皂友送我佢自制既蜂臘，係砵仔糕形狀，真係幾麻煩，用刨刨絲又費时失事。

結果...我都係溶左佢，將臘滴落冷水度，再攞番上黎，風乾水份，要用時就比較好量重量。係比大家參考，我無乜力，唔會死命去切佢囉。

好彩我有自知之明~  買蜂臘從來都係粒粒狀, 不會買舊磚回家dup自己腳~

jellyfishy 發表於 2012-2-23 09:10
好彩我有自知之明~  買蜂臘從來都係粒粒狀, 不會買舊磚回家dup自己腳~

我就係傻仔咗...買舊磚回家

記得買嗰時問過蜂場,佢話除咗可以整唇膏外, 佢淨係知可以整蠟燭

如果有花友想玩吓, 可以分啲俾你哋玩~

成塊木板咁(大過A4),要滴臘都係一個偉大工程~

我買嗰塊係類似咁嘅: (張相係在網上找到的)

但係蜂埸蜂蠟係香好多~
已製過蜂蠟會添加石蠟~
你可以用少少蠟,搓軟,再拉長,盡拉之後斷口是"岩參"的,是正蜂蠟,一拉(慢)斷口是尖是含有石蠟的

可以搵包藥封口的蠟,化工/diy店,蜂場蜂蠟及爉燭玩下便有分曉

enemy 發表於 2012-2-23 09:32
成塊木板咁(大過A4),要滴臘都係一個偉大工程~

我買嗰塊係類似咁嘅:

我依家好高興，自己無癲到底....

依舊實心磚只係500G姐...我無癲到買幾KG番黎，唉.....幾KG可以當枕頭用..


睇完菲媽講....我諗我依舊應該唔難攪...因為佢唔係正蜂蠟.....

我有聽過廠製蜂蠟, 為免蜂蠟易壞, 一般會盡量去除當中的蜜糖和雜質, 加工過的蜂蠟, 算係叫精製蜂蠟掛~ 所以無原蜂蠟咁香囉~

但就無聽過一定會加石蠟當中.

剛入左ND 的蜂蠟, 佢一粒粒啊~ 點check 拉唔拉得長呀?

我幾種蠟都玩過,搵日摷晒出黎做一次比對~

cklife 發表於 2012-2-23 09:05
我以前都無買大舊臘番黎玩(其實買左一舊西柚咁大，但未用)，之前有皂友送我佢自制既蜂臘，係砵仔糕形狀，真 ...

係喎! 我唸我可以整碎佢之後再溶咗佢, 滴在牛油紙上再入防潮樽

老人.......腦退化添,修改左
盡拉之後斷口是"岩參"的,是正蜂蠟,一拉(慢)斷口是尖是含有石蠟的

還有,搓極都埋唔到欄的是全石蠟

話時話，我覺得好詭異，以前執過ｄ蜂巢，佢地係米白色，貪得意煮溶佢，出來都係米白色，都幾硬．
點解蜂場賣個ｄ蜂蠟就咁黃呢?

加咗水係咪會冇咁純? 接觸空氣又會唔會多咗??

好難呀~

都係放返佢喺原位唔好攪佢~

我有同事話,佢鄉下生完bb要飲熔左蜂蠟,佢話要趁熱飲,凍左會黐住成棚牙~