只有秋冬天先會見倒有得賣既山楂, 偶然見倒, 買左磅黎做果醬, 酸酸甜甜非常好味!
材料:
新鮮山楂500G
冰糖500G
水適量 (約大半碗)
做法:
1. 先將山楂洗淨, 去核去心, 加入已打碎之冰糖拌勻, 放微波爐叮至冰糖溶化, 約5-10分鐘, 冰糖打得越細, 越快溶化.
2. 將山渣糖倒入攪拌機, 加適量水打至成糊狀.
3. 將山渣糊倒入鑊中, 炒至稍為乾身, 倒入已消毒的玻璃瓶中保存.
TIPS:
- 一定要用冰糖, 因為山渣太酸, 試過用砂糖甜味無法出來.
- 山楂本身果膠含量非常高, 所以切勿炒得太乾, 稍軟身已可以, 否則放涼後會好杰身.
- 山楂去心去核可用鉛子筆個筆筒, 由山楂頂插入底, 可以快速去心, 核也較方便取出.
- 山楂酸度高, 所以果醬保存期較其他低酸度生果更久, 放雪櫃約可保存2星期.
果醬無論做夾心曲奇, 或者塗麵包, 都會叫人食唔停口, 因為真係好開胃呢!
|