本帖最後由 rainbow2011 於 2012-2-22 12:29 編輯
蛋糕外表係咪好華麗呢? 其實做法非常簡單, 做倒手指餅就做倒架喇. 
手指餅其實係分蛋法既海棉蛋糕, 食落軟綿綿唔硬的, 用黎做蛋糕圍邊, 加上絲帶, 就會令蛋糕成為美麗又豪華既甜點! 至於內餡, 則可以用任何芝士凍餅或慕思黎做, 只要係雪既就可以喇.
材料: (剛好圍著一個6寸圓形模)
蛋白2個
蛋黃2個
糖65g
低筋粉 65g
做法:
1. 預熱焗爐200度
2. 先將蛋白打至起泡, 分數次逐少加入約40g糖, 直至把蛋白打至企身為止
3. 將蛋黃與25g糖打起, 至奶白色濃稠狀
4. 將蛋白加入3中, 用刮刀輕手拌勻, 要避免消泡太嚴重
5. 篩入低筋粉, 用刮刀由底撈起般輕手攪拌, 至沒有粉粒為止
6. 將麵糊放入唧袋, 用圓咀唧咀唧出長條形, 其間不可留有空間, 放入焗爐焗約10分鐘至面變色即可
7. 放涼後, 將手指餅的一端切齊, 圍著蛋糕模即可; 於底部再放上剩餘的手指餅做餅底, 就可加入任何芝士凍餅或慕思蛋糕的餡.
TIPS:
- 份量剛好圍到一個6寸模, 如想將手指餅做高身D, 或者做D後備來用, 可將份量X大1.5或2倍.
- 如果攪拌蛋白或麵粉時太用力, 消泡太嚴重, 就會唧唔到線條, 或者焗完後全扁無晒條紋, 就係失敗左既手指餅. 麵糊攪拌好後, 應該係好稠身, 能夠唧出條紋為之合格.
- 蛋白打至企身係反轉都唔跌落黎既狀態, 蛋白打得唔好亦會導至失敗.
- 焗爐既爐溫要高, 先可以快速將麵糊定形, 如果本身焗爐仔唔足溫度, 請將爐溫再較高20度左右, 否則麵糊會焗溶同樣出唔倒線條.
內餡我用左最簡單既木糠布甸, 好味又易整.
材料: (6寸圓模份量)
馬利餅: 120G
淡忌廉: 250G
雲呢拿香油: 1/4茶匙
煉奶: 50g
做法:
1. 先將馬利餅壓碎至粉狀.
2. 淡忌廉加入雲呢拿香油, 打至5成企身, 即濃稠但仍流動狀態, 加入煉奶, 繼續打至9成企身, 即唧花忌廉的狀態.
3. 在手指餅模內放一層忌廉, 一層餅碎, 一層忌廉, 1層餅碎, 如此類推.
4. 放雪櫃雪實後將蛋糕脫模綁上絲帶, 面上裝飾上大量生果就完成了.
TIPS:
- 將忌廉放入唧袋一圈圈咁唧, 會比用匙更更平均. 但需留意當手接觸忌廉時會令忌廉溶解, 所以動作要快. 尤其夏天做呢款甜品時要更快手.
- 布甸無加魚膠粉, 所以非常軟滑, 但如果要拎出街, 請用保溫袋或者先將成個蛋糕放冰格急凍15分鐘, 咁會無咁快溶.
多謝大家既評分呀!!  |
提升卡
置頂卡
沉默卡
喧囂卡
變色卡
顯身卡
