與怪獸家長對話

除咗怪獸家長多怪事外, 唔知大家有冇留意到近年好多人响傾談間好鍾意稱呼自己仔女為我小朋友 .  有時聽收音機有聽眾話我小朋友.....咁主持問你小朋友多大呀?  有d話 16歲, 曾經聽過已25-26歲~~~死未

真係好唔明白點解宜家d家長會叫自己d子女做小朋友, 我認為不論年紀多少, 係仔就話我個仔, 女就講我個女咪可以囉!  為乜事叫我個小朋友????  小朋友係稱呼人哋嗰d就可以咁叫.  請不要話我執著, 實在聽到好"un"耳

補充:  小朋友最好真係年紀小為小朋友, 我估10歲留下都可以呱

我上面講果d，叫佢地唔洗再返工o既時候仲可以問點解，完全唔知自己衰乜。

我lee度仲見過"極品"，個廿幾歲仔阿媽幫佢搭路係我公司做，望落醒目，可惜連貼郵票寄信都唔識，比埋料佢叫佢打份公司聯絡表，開埋Excel比佢，經理用白紙手畫幾行線話佢知個表要用的格式，佢居然…經理畫左幾多行線就用Excel間幾多行線列印出來，份表一個字都冇就交比經理話做完
貼幾個信封都可以貼半日，d野大部份我地自己攤分做，我公司眾人頂佢個半月，有一日佢冇任何通知下冇返工，經理上午打去問先話自己肚痛不過冇睇醫生自己搽藥油…，下午佢阿媽就買埋西餅帶佢黎公司話佢個仔唔做啦，話個仔同佢講份工做得好辛苦…已經好比心機去做…等等。

我諗lee個阿媽真係打算帶埋個仔入棺材…，個仔冇左佢應該唔識生存

我日日都見到哩d怪獸家長架,已經習以為常,同佢哋講咩都冇用,佢哋覺得為自己"小朋友"打算,安排,擔心,搵工作.......係冇問題架,你唔寵佢,即係你唔關心佢,咁你就真係有問題啦

There is only on kid at most of the family now and they become the only hope/focus of the parents thus parents will try to use/utilise all they know/can do to secure his/her future which may properly affect to the parent's future i.e. whether they still have to support the kid after their garduate.  

我個仔個女朋友的家長和我們談話,

佢話佢出xxx萬俾個女做首期買樓, 問我哋出幾多.  我話唔出.
佢又問我哋俾幾多錢擺酒, 我話唔俾. ..............................

我之後同佢哋講, 我們已經照顧佢哋到大學畢業, 他們已經出社會做事, 你覺得我們還要繼續照顧他們嗎?  你認為我們作為父母的要照顧子女到何時?  結婚要照顧, 買樓要照顧, 將來生孩子如何?  讀書又如何?

他們已二十多歲了, 你有想過讓他們獨立嗎?  你有想過讓他們照顧自已嗎?.........

我想我都唔算怪獸家長罷.

我同個仔女朋友家長的對話, 算唔算係 [與怪獸家長對話] 呢?

回水母:

緊係唔lile啦.  佢事後同我個仔講, 話我哋支持個仔.

佢成日驚個女嫁唔去, 係咁迫佢哋早d結婚.  我同個仔講, 剛出來做事, 未有經濟基礎, 結甚麼婚?  如果對方堅持要馬上結婚, 你應該考慮這是否你的意願, 唔好俾人迫做自己唔想做嘅嘢, 而且係講緊結緍, 係一世人嘅事....

最後我個仔決定分手.  依家好輕鬆, 得閒去夾band, 又計劃搬出去住.

咪就係lee d家長縱到自己"小朋友"廿幾歲都出唔到社會做野law，"一舊雲"已經唔足以形容佢地…
我公司一直請緊文員，一直有新人黎，黎幾多個失望幾多個，係好乖好聽話，不過冇"自動波"，好些少o既有"六角木"，大部份"四方木"，仲有唔少"三角木"，lee個唔止形容主動性，仲係形容埋腦運轉速度…
同一個概念的工作(例如回覆公式信件再寄出)，手把手捉住做就識做，放手就完全唔識做…
受壓程度零…，同佢講幾次：「快手d」就走入廁所喊…

Lee d家長教到d"小朋友"個腦只識得"手動"…(連 i phone 4s都醒過佢…)

比得大帝 發表於 2011-10-20 11:02
回水母:

緊係唔lile啦.  佢事後同我個仔講, 話我哋支持個仔.

哦~ 原來佢都唔係咁鍾意個女仔~  
為結婚而結婚, 完全不是理由. 跟風嗎? 人有我有? 唔理解~
我來說, 結婚係兩個人好鍾意大家, 想有兩個人的家庭和一起繼續創造未來, 所以才會結. 結婚係1314, 唔係買賣來架!

老豆老母在子女結婚事上的幫助, 應當係bonus, 即係好似買樓入伙, 親朋前來house warming一樣, 大家開心, 係一種親切無私的送贈, 但絶對唔係必然~  小孩子就話無得選要父母養, 成年人都仲要父母養, 結乜鬼?!

JenniferC 發表於 2011-10-20 11:18
咪就係lee d家長縱到自己"小朋友"廿幾歲都出唔到社會做野law，"一舊雲"已經唔足以形容佢地…
我公司一直請 ...

最近老友個新同事, 廿二歲大學畢業回來, 上了兩個月工, 幾次因壓力太大响公司暈左, 佢阿媽來到公司接個仔, 話從來無見過個仔咁大壓力 ... 老友話大家已經唔敢俾野呢個人做, 容乜易做做下掛左, 到時就大鑊~

JenniferC 發表於 2011-10-20 11:18
咪就係lee d家長縱到自己"小朋友"廿幾歲都出唔到社會做野law，"一舊雲"已經唔足以形容佢地…
我公司一直請 ...

講開請新人,其實大部份人一出來做o野都係乜都唔識係正常的,做下做下就會上手,但連基本待人接物都有問題(如無禮貌等)就比較難攪了~~
我真係試過請個好多連做手板眼見功夫, 果頭講完果頭就唔記得,半個鐘內教o左幾次都係唔識o既人,即係唔上心,有時食飯傾計時就發現佢係怪獸家長下的受害者......
最正係真係試過有個女仔,有o的o野唔識做,叫o左佢阿媽返來office幫佢做..........................真人真事來的

JenniferC 發表於 2011-10-20 11:18
咪就係lee d家長縱到自己"小朋友"廿幾歲都出唔到社會做野law，"一舊雲"已經唔足以形容佢地…
我公司一直請 ...

冇自動波, 但都叫得郁吖

我果時有個還要經典

case 1:
個staff卄幾歲, 做咗幾年嘢
我拎個 box file 和幾張 invoices 俾佢, (註, 個 box file 已經 file咗一些發票)
指住第一張invoice上面的號碼, 叫佢按各invoice的號碼, 順序file咗果幾張發票落個 box file 度.  

你估佢可以點錯吖?

case 2:
另一個staff, 都係卄幾歲, 做咗成十年嘢
我俾份文件佢, 約有二十頁, 叫佢影印一份

你又估佢可以點錯吖?



兩個都係俾我即時炒咗嘅?

owlcyr 發表於 2011-10-20 11:31
講開請新人,其實大部份人一出來做o野都係乜都唔識係正常的,做下做下就會上手,但連基本待人接物都有問題( ...

"叫o左佢阿媽返來office幫佢做."

你講開, 我突然諗起, 我公司最近有個和我地同一generation的同事, 當發現考牌第五次仍然 fail, 即日俾信唔撈, call阿媽call van 仔來, 執晒d 野走人.... 仲玩野將自己做過d 野 delete 晒... 接佢手個同事見到電腦無晒料, 即刻慘叫.... 真係聞者傷心...

呢個同事平時好木, 成日俾個好不耐煩的樣出來, 無人咁埋佢身, 佢坐門口位, 有時其他部門的同事唔敢叫佢開門 (佢太惡), 寧願行遠d走後門搵我地...
第一次知佢肥左, 我都有俾notes佢, 佢一手掟番俾我, 話唔要我幫.... 都唔知佢諗乜~

SSL200507 : By the way I like you Owls. Are they all from Japan?

The 2nd one on the left is from Vietnam
The 3rd one on the left and also the 3rd on the right, are from Hangzhou
The others are from Japan.

我絕對係一個怪獸家長, 我會管接管送, provided that 我家大小姐同意!
有個問題, 點解接送=寵壞呢! 我都曾經就呢個問題係家長會(單對單同佢班主任頃過)~
我嘅出發點係盡量親子, 我唔覺得咁樣係會令到我家大小姐有倚賴~
可能我家大小姐係一個極其獨立嘅人, 諗真啲, 係我倚賴緊佢
大小姐曉自己煮簡單飯餸(甚至係中一個年去什麼宿營, 佢煮俾成班同學食都OK), 兩年前已出去做暑期工, 但我依然做緊怪獸家長 ~

Sylvia 發表於 2011-10-20 11:50
我絕對係一個怪獸家長, 我會管接管送, provided that 我家大小姐同意!
有個問題, 點解接送=寵壞呢! 我都曾 ...

管接管送, 唔算怪獸家長吖

Sylvia 發表於 2011-10-20 11:50
我絕對係一個怪獸家長, 我會管接管送, provided that 我家大小姐同意!
有個問題, 點解接送=寵壞呢! 我都曾 ...

由這case 可以看到, 小朋友現像, 除了有怪獸家長外,
那''小朋友'', 自已不想長大, 面對現實,
佢自已上網, 打機, 不用家長幫手?
即是其依賴家長是有選擇性,
拖得就拖, 賴得就賴!

Sylvia 發表於 2011-10-20 11:50
我絕對係一個怪獸家長, 我會管接管送, provided that 我家大小姐同意!
有個問題, 點解接送=寵壞呢! 我都曾 ...

If she is OK to let you send her to school that is a good time to communicate.

On the other hand you can trust it as a relex time before going to work.  For me I do want to send the kid to school every day as far as he is OK but only up to studying stage.  Once he starts his working life then he has to walk his own way but may be I will join him for lunch then.  

比得大帝 發表於 2011-10-20 11:56
管接管送, 唔算怪獸家長吖

事緣上課老師講"港孩", 全班同學都望住大小姐, 佢番嚟同我講, 但佢又無嬲或唔高興反應~
之後見家長日, 班主任唔識死, 舊事重提~
我唔係想一竹"高"棒一船人, 依家啲老師, 有好多好唔掂, 態度差, 我唔係講班住任, 我講眼見其他老師~
總之學界就成日都話教育小朋友, 家長有責, 但依家個勢係全部由家長負責~

Sylvia 發表於 2011-10-20 11:50
我絕對係一個怪獸家長, 我會管接管送, provided that 我家大小姐同意!
有個問題, 點解接送=寵壞呢! 我都曾 ...

你個case 又不能和大家傾緊個d 混為一談.

接送不是問題, 是愛的表現, 問題在接送的心態.

我老友個同事壓力大暈低個單野, 大家都覺得佢要睇醫生, 佢阿媽來到公司時, 係完全覺得佢阿仔係受害人.... 係公司和d 同事害了佢個仔...

我同事個單, 幾十歲人, 睇唔開, 又係覺得全世界人欠左佢, 佢阿媽來幫手, 我地都安心d , 至少呢個同事仲信佢阿媽~  

Sylvia 發表於 2011-10-20 12:09
事緣上課老師講"港孩", 全班同學都望住大小姐, 佢番嚟同我講, 但佢又無嬲或唔高興反應~
之後見家長日, 班 ...

每個行業都有壞份子, 學校和家長係應該互相幫忙, 才可以令孩子健康正面成長.

我覺得, 香港教書呢行, 普遍老師心理質素好弱, 好多怨氣, 負能量太多, 成日話忙, 但又走唔出個frame, 又怕轉唔到工, 又驚殺校, 無乜樽鹽.
互相尊重互相幫助, 就一定係雙向性, 誰肯俾多點心機, 俾多點耐心和體諒, 對方終有一天會明, 問題係.... 有些老師和家長站在對立面, 所以想件事好都幾難~