樓上滴水問題-而家o的人真係離晒譜

明明一個月前發現浴缸滴水(係去水,即係污水),又話返來度假,下次返o黎再整.
到返o左o黎,管理處上個星期叫佢落埋o黎睇,大家幾對眼都見到有水漏落o黎,仲可以話比o的時間佢考慮下,佢覺得唔關佢事wo?(考慮o的咩,你o的水滴到人唔係要即刻整o架咩????)
過o左1日,話整啦,搵個唔知乜師傅過o黎,整o左幾次,次次整完都無得試水,因為樓上業主唔得閒wo(我就每次都要留o係屋企等佢個師傅o黎整,整完又試唔到,要佢夜晚返來沖涼時先知漏唔漏,唔得又下次上來整過),點知越整越漏得多......
管理處又踢一腳先郁一郁,成日話搵唔到業主,但係佢又晚晚沖涼滴水wo........
佢唔肯整我就可以去small claim佢o者,佢叫做肯整,但係又拖下拖下,咩人o黎o架
真係人都癲

咁衰，你晚上等佢返嚟即刻衝上去拍門。這種事可以向乜部門投訴？冷氣機滴水可以向食環署，屋內是否也屬他們管？

可到食環署投訴，佢地會派人跟進。

係呀！污水，係關食環處事㗎。我同事試過比人投訴，佢地係會跟進㗎。

我都想睇下大家有無咁其他建議~
要搵埋管理處,上去嘈佢都無用,最多發洩一下,又唔可以唔比沖涼.......
因間佢係咁用水我就好麻煩(雖然損壞可以claim保險,但係唔想攪咁多o野,加上claim到都要做清潔,始終果o的水係沖涼水.....)
我淨係知可以搵滲水辦,但要攪最少幾個月至半年不等.....佢唔合作又係要上庭...
一係就搵公証行,做份report,拎埋管理處的report,再入稟小額錢債申索,出禁制令等等,但係又係好煩,而且都要忍多幾個月時間,仲要寫申索書,請假,上庭...
同噪音問題一樣,原來trouble maker係最受保護的~~

我奶奶個單位都係咁，首先係廁所嘅天花，跟住係廳，再蔓延到廚房，搞到天花`卜'晒，露埋鋼筋，不斷投訴，管理處，食環署。。。。。最尾Ｄ水滲到部`車立'到，咁橋樓上終於肯執漏啦，歴時吾知3年定4年
希望你快Ｄ尋求到解决辦法啦但似乎受害者真係好被動又好無奈

ChowChow 發表於 2012-1-17 18:15
我奶奶個單位都係咁，首先係廁所嘅天花，跟住係廳，再蔓延到廚房，搞到天花`卜'晒，露埋鋼筋，不斷投訴，管 ...

3、4年，間屋都浸到稔晒啦﹗

claudiatang 發表於 2012-1-17 22:24
3、4年，間屋都浸到稔晒啦﹗

無辦法呀, 我奶奶一個老人家, 去管理處求助, 又話聯絡樓上好困難, 又要查證究竟係咪樓上漏水............諸如此類, 時光飛逝, 歲月就........磋跎, 到樓上肯承擔責任時, 親自維修 仲死......................................
唉 做業主, 要諗清諗楚呀

http://www.bd.gov.hk/chineseT/services/index_faqC.html

可以去睇睇屋宇署網頁,希望可以幫到你       


如何處理滲水糾紛？

業主有責任維修及管理其樓宇，包括解決滲水問題。如果懷疑滲水情況是源自樓上或毗鄰的單位，應盡快與有關住戶商討，要求協助檢驗找出滲水原因及進行維修工程。此外，亦可向大廈管理公司或業主立案法團求助。必要時聘請建築和法律顧問，根據大廈公契內容要求負責人士停止滲水，甚至提出索償。
       
政府部門可提供什麼幫助？

假如無法與鄰居協商解決滲水問題，你可撥「1823電話中心」求助。聯合辦事處會就滲水投訴作出初步調查；若滲水構成衞生妨擾，聯合辦事處便會根據《公眾衞生及市政條例》的相關條文處理。若滲水是輕微或間歇性，而調查未能找出源頭，政府的介入行動便會終止。
       
新近成立的聯合辦事處職責是甚麼？

食物環境衞生署和屋宇署成立的聯合辦事處，會安排『一站式』的服務，處理樓宇滲水投訴；聯合辦事處的職責是執行《公眾衞生及市政條例》的相關條文，減除滲水妨擾。如有需要，亦會轉介個案予屋宇署或水務署，作出相應行動。例如屋宇署會按《建築物條例》，針對樓宇及排水渠失修問題；而水務署則按《水務設施條例》，制止浪費食水的情況。
       
聯合辦事處需要多少時間調查滲水原因？

根據工作程序，聯合辦事處會在收到投訴後的6個工作天內聯絡投訴人。職員會先作現塲視察，然後進入被投訴的單位，有系統地進行非破壞式測試，以確定滲水源頭。倘若得到有關業主/住戶的合作，調查通常可於90個工作天內完成，以及將結果通知投訴人。若未能於90個工作天內完成調查，聯合辦事處會書面告知投訴人調查進展。
       
聯合辦事處是否有法定權力制止滲水？

聯合辦事處職員獲授權執行《公眾衞生及市政條例》的相關條文，當証實滲水源頭後，可發出「妨擾事故通知」予有關人士，規定在通知指明的期限內減除妨擾，否則有關人士會被檢控；一經定罪，最高可被罰款港幣10,000元，另加每日罰款港幣200元。當局亦可向法庭申請「妨擾事故命令」，命令有關人士減除妨擾。如有關人士沒有遵照法庭命令，會被檢控；一經定罪，最高可被罰款港幣25,000元，另加每日罰款港幣450元。
       
聯合辦事處怎樣進入住用單位調查？

處理滲水投訴時，調查人員需要相關人士合作，進入投訴人單位及懐疑引致滲水的單位進行測試及收集証據，以確定滲水原因。視乎滲水情况，可能需要作出多次測試及收集樣本進行化驗。對拒絕合作的業主/住戶，聯合辦事處會向法庭申請手令進入有關單位調查，以致整個調查所需的時間可能延長。

小心呀，樓上漏水漏落o黎，過一兩年會鋼筋生鏽引致石屎剝落稼!

對付呢D懶懶閒既鄰居......得閒就幫佢打電話叫外賣...半夜上去禁佢門鐘.......係佢門口倒水(淋屎尿呢D就唔好喇).........離開屋企就將喇叭向天花板...開念佛機不停播