pccw 依家 hard sell 緊 eye2 多媒體

俾 pccw 昆咗我用 eye2 多媒體 - 話送個無線電話俾我值 $2,xxx 喎 ...

佢話係個無線電話黎，點知師傅送上黎 ... 睇落只係似電子相架。正想反悔之祭，發覺佢係一個有眼仔的免提 (咁即係講乜嘢要全屋聽哂啫！)... 雖然好失望，但冇得話佢呃我添

再睇吓條款，要同時用 pccw 電話 和 上網 才可以提供服務！唓~ 一個 service 綁我兩個 account！如果我唔係住村屋冇其他公司可以轉，我真係掟返架機俾佢！

是用電話昆你定在街邊？

大俠, 不會罷, 未了解清楚就簽約, 唔似你噃

有電話送都要問清楚係乜嘢電話, 甚致要睇過版先啦, 通常哩d贈品都係大陸做, 佢話值二千, 其實值卄雞嘅產品.

要重新評估過你先

claudiatang 發表於 2011-10-8 16:21
是用電話昆你定在街邊？

用電話昆我呀！上星期啲線路有問題，打上去約師傅維修，佢就話答謝我做咗羔羊咁耐，係咁 lur 話送部電話俾我，月費照舊咁話！

我昨日裝咗，佢地晚上都重打電話黎 sell 呢樣嘢呀！大家小心！隨時 call 到你屋企咖！

比得大帝 發表於 2011-10-8 16:23
大俠, 不會罷, 未了解清楚就簽約, 唔似你噃

有電話送都要問清楚係乜嘢電話, 甚致要睇過版先啦, 通常哩d贈 ...

我諗住橫掂月費都照俾，咪算囉，點知佢地作個咁大的大話啫

我上網同電話都係用PCCW，成日都收到信sell " eye2 多媒體，
又話攞住封信去有禮品，不過我從來都唔回應

anhiwan 發表於 2011-10-8 16:38
我上網同電話都係用PCCW，成日都收到信sell " eye2 多媒體，
又話攞住封信去有禮品，不過我從來都唔回應 ...

所以而家佢地咪出新招囉

孖吉 發表於 2011-10-8 16:39
所以而家佢地咪出新招囉

佢地都有打過電話黎，我問佢月費照舊即係幾多錢，因為我上網加固網電話都係$152，
佢話攞左禮品就要俾原價月費 ($138+$110)$248喎，我當然唔啋佢啦

我除了要每月500分鐘IDD之外，什麼優惠都懶啋佢。網上行個NOW我都不再續了。反正沒時間看電影台之類的節目。 每個月付一百多大洋，傻咩﹗NOW新聞台和東森，中央台等都固定有不用付款的就冇所謂。

claudiatang 發表於 2011-10-8 16:56
我除了要每月500分鐘IDD之外，什麼優惠都懶啋佢。網上行個NOW我都不再續了。反正沒時間看電影台之類的節目 ...

NOW 我一向都冇采佢，每晚食完飯得果兩三個鐘，冇電視睇咪早啲訓囉，有乜咁大不了

孖吉 發表於 2011-10-8 17:00
NOW 我一向都冇采佢，每晚食完飯得果兩三個鐘，冇電視睇咪早啲訓囉，有乜咁大不了   ...

因為最初裝網上行時要孖公仔跟NOW一齊咖...........所以現在就唔啋佢囉﹗而我的強頂就是掛人電話﹗一聽不靠譜就掛...........

claudiatang 發表於 2011-10-8 17:03
因為最初裝網上行時要孖公仔跟NOW一齊咖...........所以現在就唔啋佢囉﹗而我的強頂就是掛人電話﹗一聽不 ...

都唔係孖o既，佢都係話送o既啫~

呢間公司，用黎用去都係呢d橋，小小超真係俾人小得少

孖吉 發表於 2011-10-8 17:06
都唔係孖o既，佢都係話送o既啫~

呢間公司，用黎用去都係呢d橋，小小超真係俾人小得少   ...

當日是講到係要連體嬰一樣咁..................

claudiatang 發表於 2011-10-8 17:46
當日是講到係要連體嬰一樣咁..................

咪係，間公司謊話連編

你早啲問吓我。
我兩年半前搬屋，因為佢話搬電話要收三佰，咁我就轉咗用eye2。
真喺好多餘。
不過，有時又有少少方便。例如：天氣，可以按吓個圖就睇晒。
youtube, 唔使开电腦都search 到。

李生點會比著數人,揾人著數就有~

佢都有用電話 Sell 我，我話無用，佢就話唔洗錢，要都無損失﹗我結果就話，我屋企無位放一舊無用同用唔著嘅野﹗

簡直無所不用其極,
早幾晚,佢有2個人逐家拍門,
我廢事嘈住阿媽,所以開門,
佢問:
請問你哋係咪用緊PCCW嘅...
乜邊間屋用緊你唔知嘅咩?
我係唔知0架,因為無客人資料可以拎出街...
唔係
(閂門)
聽到佢昆隔籬屋師奶話:送個電話畀你,你繼續用我公司就得0架啦...
肯定要簽約一段時間啦,但提都無提