第一次露台種菜 (完結了...)

貓貓 · 發表於 2008-3-19 16:00:08

其實你的盆究竟有幾深？照圖睇你落泥唔係好夠深。

可以加泥加到個盆口七、八分滿，就唔怕遮住植物唔夠光啦！
你話上午半日有陽光，種菜巳經夠光喇。

盆底加石仔疏水係好，不過你唔係住地下，露台負重會係一個問題，可以考慮陶土或發泡鍊石這些輕身的物料。就算用的泥都要考慮重量問題，除非你只係種一兩盆。

係側邊鑽孔而唔係盆底，可以減少澆水的份量及肥料的流失。

lammadick · 發表於 2008-3-20 14:22:46

原帖由貓貓於 2008-3-19 16:00 發表
其實你的盆究竟有幾深？照圖睇你落泥唔係好夠深。

可以加泥加到個盆口七、八分滿，就唔怕遮住植物唔夠光啦！
你話上午半日有陽光，種菜巳經夠光喇。

盆底加石仔疏水係好，不過你唔係住地下，露台負重會係一個問題，可以考慮陶土 ...

我落泥大約有10cm深...之前冇想過陽光問題...未有想到個盆我陰影...真夠笨呢

至於露台負重我想不太有問題吧...因為我見好多人都放洗衣機在露台...又有d人成個儲物櫃都得...不過睇你講完我都決定將幾個盆分開d放...分散重量...以防萬一好d
另唔明白點解孔唔鑽在底...鑽在則面咁唔怕積水嗎...我買回來的其他盆d孔都係在底部喎...請多指教...謝謝

草民 · 發表於 2008-3-20 21:53:39

個0隆係底，一淋水就會從底部流出泥水，仲走哂D肥。
側邊就唔會。

carlo · 發表於 2008-3-21 00:16:59

加油呀 !

貓貓 · 發表於 2008-3-22 12:03:02

原帖由 lammadick 於 2008-3-20 14:22 發表

我落泥大約有10cm深...之前冇想過陽光問題...未有想到個盆我陰影...真夠笨呢
至於露台負重我想不太有問題吧...因為我見好多人都放洗衣機在露台...又有d人成個儲物櫃都得...不過睇你講完我都決定將幾個盆分開d放. ...

大部分的花盆都是盆底開孔，方便去水。
但是遇著天氣炎熱或乾燥的日子，你會發現雖然上班前有澆水，下班後花盆或花箱的植物仍然垂頭喪氣、一副缺水的樣子。

用花盆種植基於客觀因素，限制一般較多。
導致缺水的原因：
1．天氣炎熱，揮發的水份比能吸收的水份多。
2．泥土保水力弱。
3．植物根部老化或生長填滿整個盆土，減低吸水能力。

還有盆花所耗的水量及肥料較多。你會驚訝發現所澆的水大概百份之三十會經由盆底流出，同時也帶走了養份。

藉著儲水空間的設計（即在花箱側面才鑽孔），底部仍有一、兩吋儲水位置（視乎花箱深度），減低缺水的機會，澆水後又可保留原本流掉的養份再吸收。

這個方法要注意泥土不能直接接觸盆底，加一層碎石或陶土墊底，否則容易出現浸爛根的情況。

市面上也有這類設計的花盆出售，下次逛街可以留意一下。

P3220001 resize 480.jpg

lammadick · 發表於 2008-3-26 16:30:46

多謝貓貓給我得意見...下次有機會再買盆一於試試側面鑽孔

經過一個星期...莧菜好似冇乜點大過...可能真係極少陽光關係
我放假時留意了一朝...發覺半日照都冇...
盆菜照到陽光的每一個位置只係得個多小時左右
其實生菜亦都係大咗些少...不過比例上好似多一點
我想都係因為陽光關係吧...不過未有解決方法...當係一次經驗吧
下次加高點泥...我睇過應該可以令日照時間增到兩個多三個小時