新手一問: 殺肉手記及解救方法(集思廣益版) + 殺菌+補光燈

MasterTT 發表於 2020-5-9 22:07
第一幅果棵好似已經C咗....

佢已死過一次

不過後來又有新芽生出來

所以都係死馬當活馬醫, 睇下仲有無彎轉

失禮晒, 咁多死樣

PLAN B 係佢地之前脫下來的葉

有部分出了新芽

希望可以延續其生命

＃３暫時導致最多多肉植物死亡的頭號殺手：葉化水/ JELLY 化/ 果凍化 + #4 黑腐

［長文］

有部分文章會將化水與果凍化當係同一種情況，不過亦有人將此兩種情況，清楚分辨：「果凍色是通過控養讓肉肉的葉綠素轉化為花青素或胡

蘿蔔素，但是它的細胞構造等不會改變；而化水則是肉肉的細胞壁破了，內部已經變得一團糟。」

由於讀書時說植物細胞因有細胞壁，所以因此不會因吸水過多而破裂，但不少文章也有提及化水是因細胞壁破裂所致，所以嘗試找答案，找了很久，也未有定論，現先將找

到的及各位大大的組驗整理一下，看以後及大家會否可有更多的input

維基百科對於如何將細胞弄破提出了3個方法：

•        滲透壓衝擊破碎法（osmotic shock）

「將細胞先放在高濃度蔗糖溶液中，由於滲透作用，細胞內水分便向外流失，細胞發生收縮，然後將細胞轉入清水中，由於水勢的突然變化，水迅速滲入胞內，引起細胞快速膨脹而破裂。」

這似乎是人為的極端情況，大自然中就會否同樣可發生呢？但與之前讀書的似乎有點不同，又或者學海無崖，在某些特別情況仍是會發生？

•        凍融破碎法（freezing and thawing）


「將細胞放在低溫下冷凍（約-15℃），胞內水結晶，形成冰晶粒，引起細胞膨脹而破裂。」

這在香港出現霜凍的日子，便會聽見新界菜農說因此而將菜凍壞了。但在家中，特別是室內，發生的可能很低吧！

•        酶溶破碎法（enzyme lysis）

「某些酶可將細胞壁的纖維素或蛋白質部分或完全破壞。」「減弱了的細胞壁便會較易因吸入過多水份破裂。」這說法有文章將之與因真菌感染聯繫上，說是真菌分泌一些

能分解細胞壁的酶，而導致植物腐爛及化水。

其實水果熟透時，變得水化/軟化也是因為植物自己製造酶將水果內細胞壁破裂所致。

多肉植物化水的原因及預防方法：（原因或不止一個，且互有關聯）

＃根部不健康：未服盆的多肉植物也可能因沒有足夠的根系用來吸氧，導致缺氧。

其他導致根部受傷的原因，例如換盆、修根、或落的肥料，農藥過濃，導致根受損。

* 修根後，於陰涼通風處等數天，傷口癒合後才落盆。跟足指示稀釋肥料及農藥。

＃根部缺氧：持續下雨、淋水過多或泥土積水都會將土粒之間的空氣趕走，導致缺氧。

泥炭土比例較多，也會增加泥土保水的能力。換盆後，植物都未長根，太快澆水，可能導致積水。　　　　

*  因此使用較多顆粒（不過也要視乎情況，幼苗始終需多些泥炭土保）、用有底孔及較透氣的花
　
　盆及不要過度澆水都是預防以上情況的好方法。

# 真菌感染(黑腐)：缺氧或酸性的泥土均有利真菌或其他缺氧微生物滋生，並將植物的細胞壁破壞。

亦有人聲稱當植物進入無氧呼吸的循環，多肉植物內部的有機物會自行分解。

* 不要過度澆水、避免泥土積水是最佳的預防方法。亦有人定期淋殺菌藥，但此舉有機會將泥土中有益的微生物也殺埋，或導致具抗藥性的真菌出現。

# 空氣高濕度：高濕度減慢土中水份蒸發，亦不利植物藉蒸騰失水，令積水及缺氧情況惡化。

* 保持通風，例：加裝風扇。

# 高溫：這是最具爆炸性的說法，個人有保留：喝飽了水的多肉植物在高溫的狀態下熱脹冷縮，脹破了細胞壁。

另一解釋是若把剛澆完水的肉肉放在陽光下暴曬，會減低了土壤含氧量。還有高溫將泥土內的水份蒸發時，也有機會把肉肉蒸熟。

* 陽光猛烈的日子在傍晚時才淋水，淋水後保持通風/ 吹風。

急救站：

輕微：儘快把化水的葉片摘除，加強通風，持續隔離觀察是否有惡化

中度：並有人說，葉化得水，都唔會係輕微，所以安全計都係要脫盆檢查根部，將已腐爛的根部除去、消毒、涼乾，才再上盆，持續隔離觀察。

嚴重：「若莖部也出現水化，或出現黑色或深啡色斑，好大機會代表已受真菌感染，這便要趕緊砍頭處理，以防整棵肉肉感染死掉。

在處理腐爛的植株時務必保持器具的乾淨無菌，在碰其他植株之前務必仔細洗手。切除時，儘可能的多切除一些。」

消毒、涼乾，才再上盆，持續隔離觀察。

GW1225 發表於 2020-5-17 15:45
＃３暫時導致最多多肉植物死亡的頭號殺手：葉化水/ JELLY 化/ 果凍化 + #4 黑腐

［長文］

或者佢係用錯字, 應該叫細胞膜(cell membrane), 係細胞膜爆咗(即係個細胞已死), 細胞壁(cell wall)都失去細胞液的支撐, 亦即是我地話佢軟化﹑ 化水…

waiting 發表於 2020-5-17 15:57
或者佢係用錯字, 應該叫細胞膜(cell membrane), 係細胞膜爆咗(即係個細胞已死), 細胞壁(cell wall)都失去 ...

理論上個細胞壁唔係會防止個細胞膜爆的嗎?

不過如果比酶或菌破壞左個細胞壁, 都會有可能吧

GW1225 發表於 2020-5-17 17:29
理論上個細胞壁唔係會防止個細胞膜爆的嗎?

不過如果比酶或菌破壞左個細胞壁, 都會有可能吧 ...

防爆都有極限的.
要明白細胞壁唔係密封的, 係好似個籠咁包住個細胞, 即係非受壓點都係會爆. 都係讀書讀番嚟…
會唔會係有菌的enzyme, 個人認為會. 不過大前題係植物本身都有抵抗力, 中菌之前可能已經有問題…

waiting 發表於 2020-5-17 18:08
防爆都有極限的.
要明白細胞壁唔係密封的, 係好似個籠咁包住個細胞, 即係非受壓點都係會爆. 都係讀書讀番 ...

也有道理, 幾堅固既城牆, 都有比人攻入既機會

書本同現實, 有好大既學習距離

GW1225 發表於 2020-5-17 19:23
也有道理, 幾堅固既城牆, 都有比人攻入既機會

書本同現實, 有好大既學習距離

我讀書嘅時候都係話細胞壁唔係堅固到不會爛… 我覺得好多書本上嘅知識係可以應用到生活中.

求教,  點解會變啡呢?

光? 水? 通風 ?

GW1225 發表於 2020-5-20 10:34
求教,  點解會變啡呢?

光? 水? 通風 ?

換盆後部分老葉會枯萎的，覺得冇乜大問題。

GW1225 發表於 2020-5-20 10:34
求教,  點解會變啡呢?

光? 水? 通風 ?

太光，太乾，我覺得。

GW1225 發表於 2020-5-20 10:34
求教,  點解會變啡呢?

光? 水? 通風 ?

我覺得太光, 仲有d乾. 你幾耐冇淋水？植料比例大約幾多？

GW1225 發表於 2020-5-20 10:34
求教,  點解會變啡呢?

光? 水? 通風 ?

變啡色可能照完太陽, 見狀態都飽滿, 又未算乾

GW1225 發表於 2020-5-20 10:34
求教,  點解會變啡呢?

光? 水? 通風 ?

OB1，光照太多，火山石是舖面石或是全是紅色火山石，如果全是紅色火山石，儲水能力差。

MasterTT 發表於 2020-5-20 10:36
換盆後部分老葉會枯萎的，覺得冇乜大問題。

有幾塊葉應是你所說的情況, 但因為外圍一圈的葉紋都變左深啡色, (圈住那些位) 所以有D擔心

chuyat10 發表於 2020-5-20 11:04
太光，太乾，我覺得。

已經係散光位,

之前有另一棵化水, 所以唔係好敢淋太多

試下比多少少水,

waiting 發表於 2020-5-20 11:30
我覺得太光, 仲有d乾. 你幾耐冇淋水？植料比例大約幾多？

大約1星期1次

植料泥: 顆粒 大約 50:50

夏天要多D水, OR 少D水?

goldking2 發表於 2020-5-20 12:14
變啡色可能照完太陽, 見狀態都飽滿, 又未算乾

散光位, 無直射陽光的

還是要再陰D?

taxitang 發表於 2020-5-20 12:15
OB1，光照太多，火山石是舖面石或是全是紅色火山石，如果全是紅色火山石，儲水能力差。 ...

鋪面係火山石, 因怕葉水化, 所以用佢,

泥:顆粒係大約 50:50

GW1225 發表於 2020-5-22 16:47
大約1星期1次

植料泥: 顆粒 大約 50:50

天氣熱要少水.
呢棵上盆有多久？

最近開始忙, 少左上黎,

呢幾日落雨天已延遲唔淋水住, 不過仍出事 !!!!!!!

今日終於見識到黑腐的真正威力, 日日/隔日望住都可能很短時間內出事, 且見到黑葉時, 已擴散緊

想問一問, 仲有無得救

大和錦有幾塊葉嚴重黑腐 (忘記影相) , 但D 莖又好似仲OK, 還是裡面可能已出事?

兩粒鸞鳳玉個底都開始黃

三棵係附近, 其他未見到有事 (又唔等於無事? !!)

四梭成粒暗黃軟身, 似乎仲未服盆, 因新根唔多, 盆泥好濕, 但其實同其他一樣咁多水

五梭係底黃, 黃位有少少軟, 其他部分好似OK, 都有幾多新根, 泥乾爽

浸緊殺菌水,

仲有無什麼可以做?

附近個D會唔會都有機會中?

加強通風?  窗台洗唔洗消毒?