2020年 6月 首播

探索另一範疇的第一步

#1 事前準備
#2 播種
#3 "半悶養"
#4  小小苗
#5 發芽進展
#6 育苗
#7 後記及其他

謝謝各位之前在園藝館留抵既腳毛同寶貴經驗＋

現在各大大的提醒及分享

首播買了６種，送了２種，再加自己收到的１種，共９類仙人掌

層雲同白星係送既

玉翁未入門已大左肚，唯有膽粗粗試下養大佢地

#1 事前準備

根據店家的提議：

# 將要使用的泥殺菌，以減少幼苗因感染而陣亡

   @ 用多菌靈之類的殺菌藥開水浸泥，最少浸１小時
   @ 以２克多菌靈＋1000ML 水
   @ 每1000ML 溶液最多浸兩次，再浸多幾盆泥，藥力可能會唔夠
   ＠ 亦有人用熱水/ 微波爐/ 大太陽晒等方法殺菌

＃之後涼乾約6-12小時後才播種

    @ 否則會太濕，也會影響幼苗的生長　

#2 播種

根據店家的教學：

播種最主要的兩個條件是土壤和溫度

請按照袋子上寫的溫度播種，例如播種溫度15-25度，意思是白天20-25度左右，晚上15-20度左右，需要溫差。

溫度不合適不建議播種，可先保存起來待溫度合適再播，0-7度低溫環境可保存2-3年。

＃　兜混合 士童 鸞混合 兜錦混合  種子凹面向上播種；需要25-30度散光處播種

＃　其他品種均30度以上溫度，建議有自然光線的地方，不直曬就行

＃　每個品種必須單獨分開播種 ，不同品種出芽時間也會不同，用一個盆不方便管理。

＃　把種子均勻撒到土的表面，或者浸濕牙籤點播，無需覆土。

＃　播種時不建議鋪面，會影響到出芽率，發芽後一個月左右看情況追加鋪面即可。

＃　店家建議用小黑方，今次我也有用小黑方及水餃盆，發現後者更易管理，每格放3-4粒種子，

　　不過水餃盆較淺，未知會否影響日後幼苗成長

#3 悶養與　"半悶養"


＃　店家推荐用保鲜紙蓋上，或用膠盒裝著。

　　＠　上层有凝结的水珠，说明发芽要求的湿度已经达到。

＃　根據館友經驗提示，兜錦之類，全悶養，保濕對發芽率是十分重要

        ＠　開始時，在保鮮紙上穿孔，可能因而減低了濕度，只發了30% , 後跟館友提示, 轉回全悶養，發芽率即回升，最後達100%

＃　但悶養最大的危機是發霉，若發現，須即時噴殺菌藥，一般都得制止

        ＠　不過有時也會誤判根毛為真菌，照噴了藥，那便當預防吧！

＃　今次有些品種，當大部分都發芽後，傍晚會移除保鮮紙或睇盒蓋，讓幼苗透透氣，也同時會照燈2-4小時，進行光合作用，也防徒長

        @    留意每次透氣後，泥土是否需要加濕保水；之後重新蓋上保鮮紙或放入膠盒內

        ＠　亦有館友長期將1/3 花盆浸於水中，維持濕度

        ＠　也有館友建議發芽後，全開放培養，不悶養

#4  小小苗

#5 發芽進展

＃        如店家所言，兜，岩牡丹，鸞鳳玉等品種的發芽率屬特別快

        ＠　將１星期多，便已過80%

＃        兜錦及玉翁因開始時解除了悶養，發芽率一直不高；之後再轉回全悶養，差不多２星期後也達90%發芽率

＃        其他品種：土童，強刺，白星，層雲等雖轉回全悶養，但發芽率一直很低，大部分１星期後才開始發芽，但兩星期後也低於30%

        @        請教店家後，發現原來是缺了陽光／溫度，所以開始放在陽光照射的西斜窗，發芽率稍有上升

        ＠　發芽率低也可能同品種有關，據店家資料有些品種的發芽期可能長達１個月

#6 育苗

之前一直專注在播種的細節上，不過原來真正既考驗係發芽之後既育苗

一Ｄ都唔易，現在暫時只有約個半月大，心得唔多，但怕忘記，先簡單寫少少：

＃悶唔悶養好？

最初打算悶至少幾個月，有番咁上下大先解禁

不過成日要打開蓋先見到佢地，有點麻煩

另一開蓋既原因係那時期好濕，又常落雨，怕因太悶熱，會整死佢地，

所以除了那些發芽率低的，其他都在滿月由晚上開蓋幾個鐘，透透氣，照照燈，

到後來，便一直打開，兼長照燈

＃開蓋有開蓋後既問題

1) 首先，通風左，水分蒸發自然快左，所以泥會乾得快左，差不多每天都要噴噴水，保濕　

2) 泥唔夠濕, 乾左既的另一問題係會結成一舊舊 , 影響泥中的氧含量

  (我用店家的什麼播種土, 都是泥炭或一般園藝土)

   要浸盆或淋較多既水先會軟返; 太硬也擔心影響泥土既透氣性, 影響根的生長, 所以一定要小心

3) 但浸盆有時又太多水, 當時D苗好細, 好貼地, 所以又擔心會浸到, UP住D 苗, 水化, 中菌

參考版大既做法, 後補了一層幼粒赤玉土, 隔一隔, 減少 UP住D 苗 , 又可以扶住D 苗,

(不過昨天睇另一園藝師介紹, 又話唔好用赤玉做鋪面, 因為都仲係太保濕)

4) 同店家傾開, 佢提醒, 開蓋後也要少少落小白藥係泥面, 預防中菌

    若唔想落藥, 保持通風, 控制泥土的濕度適中, 應也可以吧

# 開蓋生得快, 定悶養生得快?

開蓋, 有陽光/ 燈粒, 理論上做光合作用都快D, 多D食物生長

悶養, 少D光, 多D水, 幼苗理論上會生得高D, 不過也可能瘦長D, 在大自然中多D機會見太陽

實際觀察: 視乎品種既?!,

有D品種開蓋都生得好慢, 也有D品種, 一直悶著都好似無生長過咁 (兜/ 層雲/白星)   

強刺就悶住都生得又高又壯, 玉翁就一定要有光先開始肥壯

# 照唔照燈, 比幾多陽光佢地好

一般提示, 都係會講, 一步步增加燈照或日照既時間,

又通常唔建議陽光直晒, 擔心幼苗頂唔順, 或泥乾得太快, 小苗儲水又唔多, 會乾死

暫時既觀察係, 如果你見到D苗由翠綠變啡/ 深色, 那可能代表照燈/ 陽光/紫外光多左D

幼苗製造左另外一D色素, 保護自己免被"晒傷",

由燈照10幾個鐘位, 轉番佢地去散光位, D啡色素開始退, 轉番做綠色  

玉翁同 鸞鳳玉苗就最明顯

不過又有D品種, 無論多光少光, 都係繼續綠色, 例: 兜/ 強刺等


＊唔知大家仲有無其他育苗既經驗？
     

#7 後記及其他

好正喎！

MasterTT 發表於 2020-6-30 19:55
好正喎！

最正係可以同大家差不多時間播,

仲要遲大家少少

咁就可以跟住走

GW1225 發表於 2020-6-30 19:53
#4  小小苗

育嬰場.

非常專業種籽成長記。好有心機，功夫不負有心人，一定好回報。

加油加油再繼續加油Gw大

勁呀！一次過揍咁多B!
努力揍大晒佢地啦！

好有心，敬請跟進分享

記錄詳細，加油

哇岩牡丹 我都好想播呢隻， 等你好消息

很詳細的記錄, 加油！

好有心機做紀錄阿，加油！

GW1225 發表於 2020-6-30 19:53
#4  小小苗

好有心機，好認真，Like！