小小的室內花園 (更新: 紫陽, 櫻花, 皋月杜鵑)

兩年前入手的杜鵑花

上年4月再開花，但只有數朵花..

到今年2月中就開了一朵早花！

其餘的應該3月就要開啦，看來今年花量一定比上年可觀吧！

櫻花，2017年2月入手，日本來真係好多花！


2018年4月再開花，可能品種同適應問題，有好多葉芽都枯萎了，但總算都有花開


2019年4月準時又再開花啦！又經過一年，但其實都沒生得太多


2020年3月，今年似乎會比平年早開花啦，希望是開花不是開葉啦上年終於有更多葉芽生出來啦，但都係不是生高很多就是了

nwss54510 發表於 2020-3-3 15:33
櫻花，2017年2月入手，日本來真係好多花！

你2017年的櫻咁多花, 似乎很壯. 全棵有幾高呢? 室內可以連續復花, 種得很不錯. 窗的座向是什麼呢?

不過櫻花始終是大型喬木, 根很粗長, 葉又很大塊, 室內種非常佔位, 我都係覺得杜鵑較好種, 久留米開花時群開的效果很動人, 而且SIZE 可大可小, 有小花小葉品種, 室內種植不佔位, 如果植料適合, 它都可以很耐乾, 外遊兩個多星期仍然活得不錯.

nwss54510 發表於 2020-3-3 15:33
櫻花，2017年2月入手，日本來真係好多花！

Nwss大，其實係咪唔難打理？
經過花店見到細細棵好想種返棵，
如果好似你形容打得咁慢就好勒！

gita 發表於 2020-3-3 17:40
你2017年的櫻咁多花, 似乎很壯. 全棵有幾高呢? 室內可以連續復花, 種得很不錯. 窗的座向是什麼呢?

不過 ...

現在大約高30CM啦, 真係生得好慢的啦@@"
我家窗口向西北啦, 夏天都重好少少, 日照會比較長一點啦, 但冬天真的沒什麼日照啦~

說真的, 這個品種的葉真的好大片啦, 但還好它生得比較慢~

我的杜鵑用盆可能比較細, 兩至三日就一定要淋水的啦, 其實杜鵑真的幾細幾靚, 或許今年會再入多一盆啦~

freddywongdy 發表於 2020-3-3 20:46
Nwss大，其實係咪唔難打理？
經過花店見到細細棵好想種返棵，
如果好似你形容打得咁慢就好勒！  ...

我覺得打理上又不是太麻煩啦, 只要見泥乾就淋水. 因為盆不太大, 夏天時早上淋完水, 晚上回來就見佢乾身再淋啦~

最麻煩係櫻花會吸引幾多蟲下, 夏天時成日都有紅蜘蛛, 我要每星期都同佢大清洗啦@@"

nwss54510 發表於 2020-3-4 11:38
我覺得打理上又不是太麻煩啦, 只要見泥乾就淋水. 因為盆不太大, 夏天時早上淋完水, 晚上回來就見佢乾身再 ...

咁多蟲。。。 咁要考慮下先!

freddywongdy 發表於 2020-3-4 11:45
咁多蟲。。。 咁要考慮下先!

主要都係紅蜘蛛比較多啦~ 每星期用水幫佢沖洗葉底就沒問題的啦

nwss54510 發表於 2020-3-4 12:06
主要都係紅蜘蛛比較多啦~ 每星期用水幫佢沖洗葉底就沒問題的啦

我推介用 biokill !

nwss54510 發表於 2020-3-4 11:38
我覺得打理上又不是太麻煩啦, 只要見泥乾就淋水. 因為盆不太大, 夏天時早上淋完水, 晚上回來就見佢乾身再 ...

完全同意. 紅蜘蛛的確煩. 而且會惹到我其他植物. 依家我一見到就搣走成塊葉, 因為洗極其實都仲有. 冬天我搣乾淨晒D葉, 不過佢一有水好快又再生. 不出幾星期又生滿葉.

gita 發表於 2020-3-4 12:20
完全同意. 紅蜘蛛的確煩. 而且會惹到我其他植物. 依家我一見到就搣走成塊葉, 因為洗極其實都仲有. 冬天我 ...

我都有考慮過搣葉, 但唔搣得幾多片丫@@"

我的櫻花一入秋天就會停止生葉了啦, 到12月尾時大部份葉都自然掉落了, 剩餘的我1月頭就會搣走了的啦, 之後就有幾個月變柴支了XD"

freddywongdy 發表於 2020-3-4 12:14
我推介用 biokill !

噴完一段時間後又會有的, 買幾多支都唔夠用丫@@" 同埋D人話最好唔好用藥會好D啦

nwss54510 發表於 2020-3-4 12:40
噴完一段時間後又會有的, 買幾多支都唔夠用丫@@" 同埋D人話最好唔好用藥會好D啦 ...

咁你要搵下有無其他花草都有，杜絕下d蟲蟲根源先得勒！

freddywongdy 發表於 2020-3-4 12:44
咁你要搵下有無其他花草都有，杜絕下d蟲蟲根源先得勒！

紅蜘蛛只愛我的櫻花同士多啤梨啦, 過左夏天就沒有架啦, 我諗佢地係外邊入來的啦, 沒有得趕盡殺絕>"<

這盆櫻花由3月1日就開始出花苞，到今日終於叫開左一半啦其他花芽陸陸續續都開始準備開花啦

但今年真的比往年早半個月開花呢

經過上年沒什麼花看後，今年杜鵑花花期終於都比較多花啦！

可以賞櫻花不錯.  你的皋月鵑開得算早. 我的皋月, 應該還有個多月才開. 但現在春鵑正盛放.

gita 發表於 2020-3-20 12:11
可以賞櫻花不錯.  你的皋月鵑開得算早. 我的皋月, 應該還有個多月才開. 但現在春鵑正盛放.  ...

杜鵑竟然係早了開嗎? 因為上年都是大約時間開的XD"

櫻花反而真的比這幾年早了啦, 不過另一盆到現在都沒動靜呢

櫻花繼續開！今年第二束花生得較長較大，同佢係日本黎時差不多了啦

黎緊重有幾個花芽出緊，但還沒做到同時間開的效果呢

做不到花球開法，唯有找其他角度觀賞啦！南天竹的紅葉都幾靚丫架


但今年實在太暖了，南天竹都沒上兩年一樣丫




兩年前的樣子，現在大左好多了