呈呈家的小天地

之前太多蟲患, 搞到我都懶左好多, 無之前甘細心, 成日踎係小天地欣賞D植物! 今日趁打完8號風球, 整理下D植物先!

喔~~~ 甜椒大得好快喔! 依家有乒乓波甘大粒啦~!






另一隻






打風前天氣太焗熱, 焗熟左盆無架豆, 一條豆都無, 要放棄啦!! 88~ 天氣涼D先再種!




8號風球後的秋葵~ 變左斜塔   



兩隻巨形秋葵!



白合   我唔小心猛斷左佢上面棵野, 得返個球.



白合花~ 好在仲有兩棵無俾我猛斷



青檸, 由於佢要種3,4年先有收成, 都好少理佢, 今日竟然發現佢有刺! 乜青檸樹會有刺嫁咩?



長出刺來～　　       　唔知會唔會係青檸仔係某日瓜左我唔知，　跟住生左棵雜草出來呢？！！　真係大锅



嗚。。。。　打風前甘焗，　焗燶左我盆迷迭香啊？！　嗚。。。        　



差Ｄ　Ｃ係廿八星瓢蟲口下的白茄子！　經過我除蟲同施肥後～　哇～　令晒！！ 　



白茄子開花~





花皮茄子都開花啦~



含苞待放



呢排懶左打理Ｄ植物！　今日竟然有驚喜～　紫茄結果啦～　哈。。。　第一次種到有果結，　往年都無果出～　好開心　 　哈。。。　



紫茄已經長過手指啦～　好在未俾蟲咬！　快Ｄ入個袋保護下佢先～



呢期雨水充足，　好水多既龍利葉生到好大棵啊！　塊葉仲長過手掌啊！

8號風球後的通菜~ 披頭散髮!



收左第二轉通菜佢先~





木耳菜好多蟲咬喔~



唔理甘多, 收第二轉來炒先~





都有手掌甘大塊



呢兩日唔使捱貴菜, 有有機令菜食!   哈...

happyjoyjoy  乜青檸要種3、4年，我也有新奇士檸檬，果日樀左片葉好有檸檬味！又有菜食，正！
<-----------係啊JOY~ 種子種起係要甘多年嫁! 未有果食, 都可以用D葉煮野食, 都唔錯啊~ 你個棵有無刺嫁? 我呢棵都係朋友用種子發苗送俾我嫁! 依家有D擔心唔知係咪仲係個棵來


mirry  青檸係有刺架, 放心
csw_sylvia  青檸和西檸的樹都是刺的, 我有時都會摘些青檸葉/西檸葉焗豬頸肉和做個汁, 都唔錯 ga ~  
<-------------哦~ 第一次種, 哈... 嚇得我啊! 依家放心晒~ THX!!    D刺有無毒嫁呢??

剛剛收左一隻成熟了的秋葵, 自留種子, 一隻就有80粒種子啦! 可以快D種多兩棵先有得食!!

呢排天氣都好熱好曬啊~ D植物都無乜心機啦!!  

今日既收成~  指天椒, 秋葵, 通菜同埋紅莧菜

哇~ 家下33度, 濕度得59度!! 我門口D植物都彎晒腰~ D葉都下垂晒~~~

十號風球後的小天地!!

tomtomtom  冇乜事咁喎，個蚊帳好有用  

<-----------------有事啊!! 秋葵瞓底左, 好在有指天椒擋一擋; 個蚊網爛左; 個棚折斷左幾條; 橙甜椒爛左;黃甜椒瞓底左; 甩左塊龍利葉. 好在最後都收到隻秋葵咬下!

今日收左D龍利葉來煲蜜棗豬骨湯~

jessicayip31 發表於 2012-9-14 21:13
今日收左D龍利葉來煲蜜棗豬骨湯~

呈呈豬返學未呀？毛毛仲有無吉眼仔？
影多D呈呈俾我睇la~

2020  好叻又好豪呀，落咁多龍脷葉，阿女一定要飲多D~  
呈呈豬返學未呀？毛毛仲有無吉眼仔？
影多D呈呈俾我睇la~

<--------- 係啊2020 加左蜜棗甜甜地, 呈呈飲左好多啊! 佢仲未返學啊, 近排忙緊幫佢報幼稚園, 參觀學校同準備面試, 下年9月先讀K1. 依家眼仔仲有時會流眼水, 不過已經少左好多, 再大D應該會好D!



tomtomtom  好乖喎，有冇幫手淋水？
<-------- 哈... 呢兩個月太熱同太曬啦, 少左俾佢係小天地幫手淋水. 不過今次佢都有幫手收龍利葉, 我剪佢幫我拿籃裝住D葉啊~!

好耐無打理過門口種既植物, 天生天養既收成~ 龍利葉同埋韭菜~ 　哈...

大家好啊~ 好耐無返來啦, 大家可能已經唔記得左我地了~ 我地最近搬左屋, 無地方種野, 就來新年, 想學人玩下水仙! 有無人可以俾D TIPS我呢? 買時點睇靚唔靚, 買返來點界? 使唔使日日換水?? 3Q3Q~

jessicayip31 發表於 2013-1-12 02:24
大家好啊~ 好耐無返來啦, 大家可能已經唔記得左我地了~ 我地最近搬左屋, 無地方種野, 就來新 ...

水仙入面有好多枝槍, 未必枝枝都係"花槍",好難用肉眼去審判.只要個球唔係虛既,應該都唔差,我自己去花墟買,一盒8隻果d,每個球都有5-7枝花槍 ( 我自己界蟹爪, 所以好清楚 ).
另外, 水仙係一種好鐘意干淨水既種物, 最好就日日換水.

jessicayip31 發表於 2013-1-12 02:24
大家好啊~ 好耐無返來啦, 大家可能已經唔記得左我地了~ 我地最近搬左屋, 無地方種野, 就來新 ...

好耐冇見
水仙襯呢兩日買來浸應該都ok
我自己懶同孤寒，都係在花墟揀d中低檔價錢，睇上去冇霉霉爛爛嘅就算，仲叫店家

今日買左兩盆植物回家, 仙人掌 同埋 水仙

之前雖然都有種過仙人掌, 係由種子發的, 種到手指尾甘大捱不過冬天, 今次買個現成的, 應該無問題了吧~ 哈... 唔知佢係咩名堂呢, 個樣成個波波甘, 好得意啊!!





聽花友講, 想水仙趕得切係過年開花, 這兩天要開始浸了, 行了成個街市都找不到6蚊球甘平的水仙, 最後由花店老板介紹買了這球老板口中的靚版水仙, 希望開多D花花啦~





唔知係咪甘界呢? 請各花友指教

jessicayip31 發表於 2013-1-13 22:46
今日買左兩盆植物回家, 仙人掌 同埋 水仙

之前雖然都有種過仙人掌, 係由種子發的, 種到手指尾甘大捱不過冬 ...

你隻...咁怪既@@"
你嚮youtube search 『業昕 介水仙 教學』, 我唔post得出嚟, 因呢到審批太耐,應該幫地你一D既,另外,E+ $6隻好難搵到, 通常一箱買返嚟,  計返散數, 先會平D, 就咁一隻都唔平~

p.s.個 水仙球虛,即係個球渣上手, 林既. 隻水仙球有好多芽, 當然實有"林"既位, 但唔會成隻都"鬆泡泡"架嘛~

Pls check PM

D 衣 will turn dark when 水仙 grow up, then cut it out
D 衣  is the 肥料 / 營養  so you can plant 水仙 in clean water, keep at least 1/3


First 2 days put in water with "short & strong" power, don't change water
Cuts should cover with cotton.
First few days no sun light until u see roots come out.
Then under sunlight + change water every one or two day.

Buy one cheap cheap to try.... Good luck

浸水3日, 水仙頭出左好多根!~