呈呈家的小天地

jessicayip31 發表於 2012-3-16 23:47
多謝公主同20俾分啊! ~~~  公主個箱種左5,6 棵咋~ 甘係咪要猛走兩棵啊??! ...

因為睇落好逼挾咁~

我見有d紅菜頭，種到有2斤以上好大個架~

jessicayip31  哦~ 甘大個嫁, 不過我諗田種就有, 我用箱種有半斤都偷笑了, 哈... 我第一次種, 又未食過紅菜頭! 都唔知每棵應該隔幾遠好~ ^ ^  發表於 2 分鐘前

你要求咁細嘅~不過好在d葉都食得架~

jessicayip31 發表於 2012-3-18 17:36
收左一大盆香料

收咗咁多香料~今晚一於整大餐啦~

jessicayip31  係啊?!! 點食嫁?!  發表於 7 分鐘前

呈呈媽媽~我上網搵到d食譜，你參考下啦~

紅菜頭葉食譜~

紅菜頭葉含葉酸、維他命C、鉀和鐵，男女老幼都適宜食用，尤其對女性功效更佳。

紅菜頭連葉2個(約600克)，過濾水1.5公升。 把紅菜頭連葉洗淨，紅菜頭切片，水滾後把材料放進，煲25分鐘就可以熄火飲用，可以連渣一同吃，既可飽肚又吃到纖維。

炒紅菜頭葉：

可用蒜蓉清炒，食味類似菠菜。爽爽滑滑的，但比菠菜還要甜。

紅菜頭葉滾白側魚湯：

可健脾去濕，先將白側魚稍煎，然後滾湯隔骨。再加入紅菜頭葉煲半小時便可以品嚐一度鮮美的湯水，如用魚袋，則一齊煲。

涼拌紅菜頭葉:

材料：

紅菜頭葉800克、麻油3茶匙、豉油/醬油1茶匙、糖1/2茶匙、鹽1/4茶匙

做法：

1. 先將葉洗淨切段，約2吋長，將葉片及葉柄分開放置；

2. 燒開一大鍋水，先將葉片部分下鍋，約3分鐘後，待葉身變軟，即可撈起，然後以凍水沖泡；快速冷卻過程可保持食物的顏色及脆度；

3. 之後將葉柄部分放入水內煮約20分鐘，待葉柄變軟身及無渣（可先試食以確定），即可撈起，以凍水沖泡；

4. 在大碗內放入所有調味料，充分拌勻，再加入已瀝乾的葉片及葉柄，與調味料拌勻，即可食用。

5. 可於食前加入炒香的芝麻，吃起來更香口。

收左既香料用左來炒雞脾~



mirry  個樣好得!!!!!!!!!!!!!!!!
<--------- 多謝mirry~ 我見到都好開胃啊!! 不過對於唔喜歡食莞茜既人, 例如我老公, 就話見到想嘔~ 哈....

今日收左d九層塔來煮福壽魚~





九層福壽魚

天氣回暖好多植物都回復生機生長速度快左好多啊!!

金銀花終於長出新枝條





過年後執返來既桔仔樹都開第一朵花啦~

唔知依家無啖好食定係昨天噴完苦練油, 係呈呈家的小天地住左一個冬天既小蛙哥瘦到皺晒皮甘離家出走!  >.<~~





既然小蛙哥你去意已決, 我都唔留你啦~ T^T~ 出面貓大狗大車又大~ 你自己小心D啦!! 拜拜~~



2020  蛙蛙哥哥呀))))))  發表於 5 分鐘前
<-----哈...
lok_1980  佢有無毒架?  發表於 半小時前
<----- 佢舊年幫我食左唔少馬陸同蚊蚊, 好幫得手嫁~

蕃薯mo  幫佢執包袱,放d糧食入去,等佢走天涯.
<------- 我想佢留底多D啊~ 哈...

呀雞老豆  咦....呢隻野，食得架喎^^
<------- 呀雞老豆~ 我... ... 唔捨得 & 唔敢食佢啊~~ >.< 佢食左甘多核突野!加上佢甘瘦, 炒完都唔夠了牙~ !

jessicayip31 發表於 2012-3-21 17:09
唔知依家無啖好食定係昨天噴完苦練油, 係呈呈家的小天地住左一個冬天既小蛙哥瘦到皺晒皮甘離家出走!  >. ...

我認得佢，佢並唔是蛙哥哥~佢是蛙弟弟~

今日收到lingling64寄來既一大盒藤三七~ 哈...好開心~ 明天種先~~~


2020  嘜唔係好寒涼架咩？
<--------- d葉食得!  如果跌到, 撞瘀就用莖部攪爛佢敷, 有活血散瘀既作用! 我覺得幾好 ^ ^ 你參考下! http://www.tndais.gov.tw/Veggie/E10.htm  好正嫁~

荷蘭豆有豆啦~





mirry  亞荷蘭豆d頭髮都好亂下wor ^^
<-------哈... 係啊mirry~ 佢生到好亂啊! 我都無晒佢辦法!!

今日都收左第三轉紅油麥菜同埋第二轉既生菜!


俾蘿蔔葉遮左既紅油麥菜



兩盆菜~ 今晚加餸!






mirry  天氣熱我覺我d生菜冇之前咁好, 你果d會唔會呀??? 所以我今日收哂清場lu~
<--------我個d唔會啊~ 生得好大棵啊! d葉好大塊, 好似我手臂甘長甘大塊啊! 係因為我網內d植物都生得好大棵了, 所以先清左d菜佢, 將d植物種疏d.

一罐豆豉鯪魚炒兩味啦~



紅油麥菜



生菜



仲有d菜莖粗過筷子, 炒來食會好鞋, 所以用左來煲湯水, 可以清熱氣

呈呈: 我都有份食嫁~

今日收左兩盆白蘿蔔同埋一盆紅菜頭啊! 雖然好細條, 但都好開心~  種野最開心既時刻莫過於就是收成既時候了

紅菜頭, d葉好大塊, 但個頭好細, 已經種左3個月了, 所以都係決定收左佢地! 呈呈豬都玩得好開心~

紅菜頭得129克重咋~ 真係失禮啦! 哈...



個頭同埋d 莖用來煲紅菜頭湯先~











煲好左既紅菜頭甩晒色喔~

紅菜頭d葉炒來食, 原來好好味嫁~



蒜香紅菜頭葉炒魚之豆腐



今晚一家三口既晚餐 兩餸一湯

今日仲收左10條白蘿蔔! 睇見d葉甘大塊, 仲以為d蘿蔔都有返甘上下大條, 原來唔係!!








呈呈又要拿來玩下~ 哈...越來越白厭啦~ 係甘對住相機say hi~





蘿蔔葉大到遮左呈呈塊面!!











都有461 克既~






呀雞老豆  呈呈大個咗呀^^
<--------- 日日對住佢, 除左白厭左都唔覺佢有大到, 哈...

掉左d黃同唔靚既葉之後, 蘿蔔葉都仲有兩大盆~ 醃雪菜先~

甘白蘿蔔就緊係用來整蘿蔔糕啦~ 事關係落種子時, 老公已經order左收成後要食蘿蔔糕啊! 哈...

材料有臘腸, 冬菇同瑤柱



白蘿蔔去皮, 好白雪雪啊~ ^ ^ 仲勁香蘿蔔味~ 好新鮮啊!!



白蘿蔔雖然好細條, 但係好多汁, 又好香! 好想就甘咬啖佢



找唔到個刨, 用攪拌機攪碎左白蘿蔔! 都有半盆喔



臘腸剪碎



瑤柱浸軟搣絲



冬菇浸軟切絲



將170克粘粉加4湯匙生粉攪均



爆香臘腸同冬菇絲



倒埋白蘿蔔一齊炒, 落一茶匙鹽同少少胡椒粉



倒埋浸冬菇既水約一飯碗水, 瑤柱絲炒均



息火, 倒晒d粉入去



將材料同粉攪均



倒入錫紙盆, 個盆要先掃少少油



蒸60分鐘就得啦~ 超級香蘿蔔味啊!! 好心急想食啊!! 要等明天涼左實左先可以煎來食!! ^ ^ 用自己種既白蘿蔔整既蘿蔔糕啊~



蕃薯mo  好叻呀!厨藝一流,正.  發表於 1 小時前
happyjoyjoy  呈呈好得意！蘿蔔羔好好味咁！

<----------- 哈... thx!!

csw_sylvia  係我就等唔到啦, 上次蒸完一盤出來已給我同老公消滅咗大半盤了, ha ha ....
<-----------哇~ 你老公都好心急喔! 哈.... 甘剩下個半盆係咪俾你消滅左啊? ~