呈呈家的小天地

辣椒油咁快可以用的了嗎?

昨天收左好多菜菜, 因為閉館所以今日先上來post返d相相! 夏天種野真係好多蟲蟲啊! 要同d蟲蟲鬥快, 收成慢d都俾佢地食晒!!

話說昨天一早同呈呈起身就出左小天地準備收割第二轉既通菜, 我剪菜, 呈呈幫我拿筲簊裝住d菜, 剪左幾棵發現了一隻手指公甘大既甲蟲, 灰灰黑黑甘, 都唔知咩來? 諗住剪佢又俾佢走甩左. 過左十零秒唔知佢係咪去左吹雞, 幾十隻同佢一樣樣但細好多咩size都有既蟲好似對抗外星人入侵甘沖晒出來, 嚇c我. 因為呈呈在場, 我擔心佢被咬, 又唔知有無毒, 所以第一時間抱走呈呈徹退!! 甲蟲打勝仗!! 唯有等老公收工返來叫佢幫手收割完再噴苦練油!! 辛苦完一輪, 終於都收左一盆通菜啦!!



但有好多新長出來既嫩葉被咬了! 真係唔嫩唔食好識食喔! 由於太驚, 都無影到d蟲相. 唔知有無人估到佢地係咩蟲? 個樣似蚜蟲但識行識走, 灰灰黑黑甘樣既! 最大個隻較似甲蟲.




好在仲有得食! 昨晚既腐乳通菜

昨天仲剪左d香茅, 朋友送的, 插左個零星期已經好高了!



用來煮香茅雞亦





見準備噴苦練油, 順手收埋兩條無架豆同埋剪下d韭菜



用左來煎蛋, 呈呈至愛食呢碟



蕃薯葉最好種, 無咩蟲害又唔使點理佢



蒜香蕃薯葉



昨晚3個人既晚餐. 要多謝老公成日都幫手淋水, 捉蟲蟲同埋噴苦練油! 多謝呈呈成日幫手拿筲簊, 拔雜草!! 一家人通力合作先有這一餐自家種既人間美食!! 真係好好食啊!!

多謝jeffreyngcm  俾分啊!!


2020  香茅葉煮雞翼，香芽葉香味夠嗎？因我未試過，一向只用白色香茅頭煮！
<----- 多謝你俾分啊2020!!  d葉夠味啊! 理應用蔥白d味會勁d, 不過即剪即煮, 好勁香茅味啊!! 其實剪左落來未煮已經嗅到好勁香茅味!! 呢棵剛插左個幾星期, 泥面剪d葉已經長過手臂啦!! 應該可以密密剪, 密密食


purplelove  我都試過用葉黎整豬扒, 聞就好香, 但食落就冇咩~~@@ 下次可能都係用返個頭!
<-------purplelove但今次甘煮真係已經好勁d味!!

點解唔見左棵苦瓜

幸福家庭羡慕你呀!

菜种的真好！菜也做的好！

今日有口福 朋友請食剛在樹上摘落來既青皮芒



purplelove  就咁食, 定係要漚熟呀?  
<----- 朋友話佢個品種係青色噶喔~ 不過依家都好硬身下, 放多幾日摸落軟身小小先食!

甜椒結椒了, 不過我唔記得佢係橙色定黃色! 哈... 第一次種甜椒, 依家細細粒, 好得意!!

救命啊?!!好多蟲蟲啊? 唔知係咪蝴蝶蟲?? 食晒我棵金銀花啦! 已經一星期噴一次苦練油啦~ 我有我噴, 佢地有佢地繼續開大食會! 數以百計人手捉都搞唔店!









今日仲發現地下有好多黑點, 咩來? 蟲卵? 老鼠屎?

係虫蟲屎呀~

暈~~~~~~~ 竟然食得又痾得! 各位高手~ 我要點做啊?!!

係咪菜虫長大架???

見幾多捉幾多, 同埋落網

蝴蝶？

啊mo~~~~ 我棵金銀花係好辛苦先得到手的, 仲要好難得佢出到根! 掉左佢太狠心了吧?!    仲有今晚落雨來, 佢d蟲屎應該沖走晒掛!?

菜虫呢家野.....

如果你唔捨得扔, 真係唯有日日捉啦

我棵四季吉的葉最都給咬到爛晒, 昨日才捉到 4 條兇手 ~~



疑似"無尾鳳蝶"幼蟲

我棵桔仔都有你呢隻呢隻蟲, 不過佢個樣同我金銀花上個隻係唔同樣嫁~ 你睇返上面張相! 佢背部有好多好似刺甘既毛! 個樣似有毒甘啊! 嘔心好多!

jessicayip31 發表於 2012-6-12 17:16
暈~~~~~~~ 竟然食得又痾得!  各位高手~ 我要點做啊?!!

  Spray this



It works well, worms and insects die fast.

Also it claim itself "Organic"   

stubborn 發表於 2012-6-14 03:01
Spray this

苦練油 is help to prevent bugs, worms...etc.

Once you got insects on the plants, 苦練油 cannot kill them.

Then you need this, they claimed to be organic.

But still I will wash things throughly. ^^