掛在窗上種的士多啤梨(草莓)

love1344 · 發表於 2011-5-15 10:54:23

很希望嘗試種植.請問在超市買成盒士多啤梨回來之後,應如何處理呢?其實士多啤梨種子是否士多啤梨身上的那些像芝麻一樣的黑點點啊?要挖出來還是整個士多啤梨果肉放入土中發芽?是否可提供相片以便見圖即明白.期待有心人分享.謝謝!

gmfw · 發表於 2011-5-15 12:30:18

本帖最後由 gmfw 於 2011-9-21 11:58 編輯

回復 love1344 的帖子

是士多啤梨表面那些一粒粒的, 不是黑色的, 只是深紅色而已, 有些是白色、青色、褐色或不同深淺的紅色. 你只需將士多啤梨表層片起, 然後放在窗邊風乾, 待果肉完全乾透後, 只要輕輕一刮, 種子就很容易甩出來的了.

*********************************
回覆點評:
ysljjj, vivio, 呢個係最簡單方法^^

青翼蝠王 · 發表於 2011-5-15 12:36:07

回復 gmfw 的帖子

排得好令喎

好有心機

gmfw · 發表於 2011-5-15 12:45:29

gender 發表於 2011-5-5 00:51
Do you still have strawberries from your plants? I do. But a lot of people telling me that strawbe ...

大部份士多啤梨品種在一年四季都有不同的生長期的, 但近年有些新研發的品種叫四季品種, 聽說一年四季都能開花結果的, 我看見淘寶有很多這些苗在賣, 你的會不會就是這些品種.

KKKK · 發表於 2011-6-22 17:24:19

我有朋友年幾前比咗啲小苗我，一直種，有段時間佢生得好長...有啲葉... 但之後又枯咗啲葉... 比我剪咗﹗後來有換過啲泥﹗但係啲葉又好似唔多，得幾片，但佢又唔死...

其實，佢係唔係要好多太陽呢？我家下午太陽好足﹗依家其實係用咗啲野檔一檔啲太陽嘅﹗
水又係唔係要好多呢？其實我係差不多每日係泥面噴水﹗我都好想有日有自家種草莓食呀﹗

gmfw · 發表於 2011-8-31 14:11:10

KKKK 發表於 2011-6-22 17:24
我有朋友年幾前比咗啲小苗我，一直種，有段時間佢生得好長...有啲葉... 但之後又枯咗啲葉... 比我剪咗﹗後 ...

少葉唔緊要, 最緊要佢精精神神唔死就得, 我經常都剪剩3、4片, 因為香港夏天太熱, 外圍啲葉好容易乾枯, 當然如果可以保持8至10片葉係最好, 士多啤梨生長正常的話, 大約係8至10天就會長出一片新葉, 太熱同太凍可能會慢啲.

士多啤梨好中意陽光, 但係怕熱, 所以要曬多啲之餘, 也要有充足水份, 就咁噴泥面唔夠咖, 要淋就要淋到透, 即係要淋到盆底有水出, 但係泥土又要保持疏水通氣, 所以每次淋水要待泥土有7、8成乾先至再淋咁就最好喇.

gmfw · 發表於 2011-8-31 14:13:36

本帖最後由 gmfw 於 2011-9-21 11:48 編輯

種咗5個月嘅小苗, 冇熱死算好彩, 希望順順利利過埋9月, 進入秋季後就可以穩定生長.

今天早上拍的:

*********************************
回覆點評:
zoeyuhk, luffy, riwibe, vivio, 謝謝欣賞

KKKK · 發表於 2011-8-31 16:23:29

gmfw 發表於 2011-8-31 14:11
少葉唔緊要, 最緊要佢精精神神唔死就得, 我經常都剪剩3、4片, 因為香港夏天太熱, 外圍啲葉好容易乾枯, 當 ...

我後來係發現泥土上好多一條條好幼嘅白色小蟲好活躍咁... 所以最後都掉咗﹗

gmfw · 發表於 2011-9-20 00:28:27

本帖最後由 2020 於 2011-9-20 00:45 編輯

.....我的士多啤梨.....及小株......熱死了

真係好難種呀

Zoe, 你估我無諗過呀,我真係諗過帶埋佢返工,由朝到黑有冷氣架,不過...怕有蚊滋,咁就死得la!

moseskingdom · 發表於 2011-9-20 00:42:28

.............真係過唔到9月呀!
最初朋友俾棵小株我,放露台,發現葉開始啡,好似燶左,於是收埋陰暗地方都太熱,.......又已淋少左水,但....根已梅,無得救!
RIP....士多啤梨小豬& 小小豬!!!!!

發表於 2011-9-20 11:11:03

多謝 gmfw 先, 我會再加油架la,各位!
gmfw, 想問....種士多既泥係咪要好梳水架?

cx5100 · 發表於 2011-9-20 15:52:22

嘩！好勁呀！！好有耐性呀！
之前都種過不過之後蜘蛛同蚊滋太難攪啦

gmfw · 發表於 2011-9-21 11:42:48

本帖最後由 gmfw 於 2011-9-22 14:31 編輯

2020 發表於 2011-9-20 11:11
多謝 gmfw 先, 我會再加油架la,各位!
gmfw, 想問....種士多既泥係咪要好梳水架?

係要好疏水咖, 寧願佢D泥乾得快, 我淋水淋密D, 好過成日浸住D根, 泥太濕容易爛根又容易漚出病來

*********************************
回覆點評:
babycherry,
我用泥炭土加珍珠岩, 比例大約1:1, 再加少少炭粒

zoe,
謝謝, 炭粒仲可以吸下D 雜質

KKKK,
無問題, 各有所好

土豆貓 · 發表於 2011-9-21 16:41:31

好想等分享呀.....但要長期有太陽直射嗎??????

gmfw · 發表於 2011-9-22 14:26:57

土豆貓發表於 2011-9-21 16:41
好想等分享呀.....但要長期有太陽直射嗎??????

士多啤梨最理想嘅種植環境就梗係全日照啦, 所以有天台有田種點都好過種室內, 以我屋企為例, 個窗向西南偏西, 夏天最長日照時大約由兩點曬到日落, 都有4-5個鐘, 算幾好喇. 但冬天最短日照時只有個零兩個鐘曬下, 如果陰天密雲就連呢個幾鐘都無埋, 呢個時期仲要係正值開花結果期, 所以雖然我可以種得到, 但唔夠強壯, 產量唔多, 同埋唔夠甜. 不過我種係為咗自娛嘅, 所以種得到已經好開心

土豆貓 · 發表於 2011-9-22 15:26:44

gmfw 發表於 2011-9-22 14:26
士多啤梨最理想嘅種植環境就梗係全日照啦, 所以有天台有田種點都好過種室內, 以我屋企為例, 個窗向西南偏 ...

都要俾個LIKE你....好有耐心又尊心....真係淨係種士多啤梨?????

gmfw · 發表於 2011-9-22 15:43:06

土豆貓發表於 2011-9-22 15:26
都要俾個LIKE你....好有耐心又尊心....真係淨係種士多啤梨?????

謝謝, 暫時真係只種士多啤梨, 因為之前種過其他野, 多數都種得唔好, 依家只種一樣, 可以專D, 容易打理D

gmfw · 發表於 2011-9-22 16:03:14

本帖最後由 gmfw 於 2011-9-23 13:21 編輯

其實士多啤梨都有好多品種, 淨係每樣品種種一兩棵都有排種,
送完上面D小苗, 我又有位喇, hahahaha……….
所以我又嚟發…發…發………………發新苗啦

*********************************
回覆點評:
麥煞那,
我都唔知點解咁鐘意種士多啤梨, 但係我好喜歡睇住佢由一粒小小種子發芽到長成一棵成熟植株到可以開花結果整個過程, 我覺得好amazing.

我係今年先開始種其他品種, 我現在有種咗3年嘅紐西蘭品種, 加埋上一頁嘅小苗有博多甘王, 露之水滴及韓國品種, 呢D全部都係超市買回來自取種子種出嚟嘅., 至於上面新發芽嘅品種, 我遲D再同大家介紹, 因為遲D我都會送種子.

babycherry,
上面一共有30個膠杯, 每個杯放了一粒種子, 嗰D係2安士膠杯, 一個A4 size嘅tray剛剛好放30個.

土豆貓 · 發表於 2011-9-22 17:14:12

gmfw 發表於 2011-9-22 16:03
其實士多啤梨都有好多品種, 淨係每樣品種種一兩棵都有排種,
送完上面D小苗, 我又有位喇, hahahaha……….
...

士多啤梨達人.....

Citystream · 發表於 2011-9-23 16:30:56

士多啤梨種得很好!

火酒就是isopropyl alcohol- 異丙醇,是有毒性的,我不建議用來種食用的蔬果時除虫
其實可用苦楝油對負牠,這是有機的殺虫劑ｏ如果在未有紅蜘蛛之前,其實都有預防方法,就是保持空氣流通和淋水時同時要噴濕葉底,紅蜘蛛就不喜歡來了。