掛在窗上種的士多啤梨(草莓)

這是我的士多啤梨種植過程
很漫長, 但終於都開花結果了

2008年11月中下種, 用的種子是採自超市買回來的New Zealand士多啤梨, 播了約100粒種子, 大約兩星期後開始陸續發芽

下圖中紅圈內的小苗, 就是最早發芽的兩棵, 大約長了3星期, 已經有1片真葉


繼續留意紅圈內的小苗, 同樣是上圖的兩棵, 只是我將膠兜調轉方向擺放, 已經有1個月大了


這就是所有小苗的全景, 由2008年11月到2009年1月, 自第1棵苗長出之後每隔兩三天就會再出1棵, 到這時約出了20棵, 有幾棵可能先天太弱, 發芽不久後便謝了, 總發芽率都約有20%


來個close up, 已經有兩片真葉了


那兩棵小苗(在左上角), 已經兩個月大, 有3片真葉了

3月1日, 替那兩棵最大的小苗搬新家, 搬進獨立屋了
這時已經3個月大, 長了5片單葉後, 終於長出第1片複葉(名為:三出掌複葉)


之後我有一段時間沒空打理, 所以其他小苗都沒動過


你看, 已經長成這個樣子, 一定要移植了


小苗長到第4或5片真葉時(不同品種可能有分別), 在子葉底部的主莖位置會長出新根, 真正的根系會在這個位置開始發展, 所以在分盆定植時, 要將泥土加到去這個位置, 將所有根都藏在泥土之下, 根系才可以更有利發展


將近4月下旬, 最初移植的小苗長大不少了


看, 有走莖長出來了, 這亦是宣佈開花結果的季節已經結束了, 今年來不及結果, 唯有寄望下年


又搬屋啦! 換盆後會大得快些, 因為根系發展空間大了, 根系發達, 整株士多啤梨才會強壯

一盆二盆士多啤梨掛在窗上的情景


這時已經是6月上旬, 有很多走莖長出來了, 形成一串串走莖掛在盆邊的情景


進入夏季了, 夏去秋來……秋去冬來……怎麼還沒開花的呢?
等呀等, 好不容易熬過了黑暗的冬季, 終於在2010年3月下旬, 我的士多啤梨開花了










1個多月後, 終於都結果了, 雖然產量不多, 但足以令我開心滿足了









這兩年雜雜亂亂的影了很多相, 整理後再貼出來

利害~~~

好精彩呀, 嘩, 種士多啤梨真係好有耐性同埋堅持, 佢地既成長過程真係好漫長, 我戈棵都係長緊第一塊真葉咋~~~

好正呀睇到好感動  我的都正在發芽, 以你的小小士多啤梨為目標

homemade士多啤梨園, 正！　我鐘意！

時間可以改善一切
草莓要忍耐+照顧

So good!
請問如何渡夏？夏天蟲害勁嗎？

我都想請教蟲害問題，本來我都有棵由走莖開始種草莓，種得好地地，後來葉底舖滿細小蟲滋，後來我唯有恨心掉棄。

看了你的士多啤梨成長,真的很有成就感~
終於今天嘗試下士多啤梨種子,都是採自超市買的.
希望可以跟你一樣,有收成  XD

小Con子 發表於 2011-3-24 09:30
利害~~~

謝謝
其實一啲都唔厲害, 我已經種死咗好多

ponpon80 發表於 2011-3-24 09:52
好精彩呀, 嘩, 種士多啤梨真係好有耐性同埋堅持, 佢地既成長過程真係好漫長, 我戈棵都係長緊第一塊真葉咋 ...

係呀, 真係好漫長, 真係要好有耐性, 仲要經得起失敗
2009年12月時, 見到呢度好多花友的士多啤梨都開始開花, 但我的就遲遲都未見有花, 當時真係越等越失望, 心諗: 唔係掛, 唔通我的士多啤梨係唔會開花結果嘅. 終於係3月俾我等到佢有花喇, 好彩冇白費心機
你現在開始培小苗, 要好小心照顧, 加油啊

chau_lyc 發表於 2011-3-24 10:05
好正呀睇到好感動  我的都正在發芽, 以你的小小士多啤梨為目標 ...

我自己都好感動, 等到佢開花時, 其實我真係好開心, 但我叫自己唔好開心住, 因為唔知最後結唔結得成果, 終於見到結成果, 真係開心到震
希望你的目標達成, 加油啊

青蛙媽媽 發表於 2011-3-24 12:41
homemade士多啤梨園, 正！　我鐘意！

我都係住公屋, 我地冇天台, 冇花園, 冇露台, 好多野都種唔到, 我覺得咁樣用吊盆種士多啤梨, 都幾適合呢種居住環境

cowcowpop 發表於 2011-3-26 08:07
時間可以改善一切
草莓要忍耐+照顧

係要非常有耐性

paulpaul 發表於 2011-3-26 12:56
So good!
請問如何渡夏？夏天蟲害勁嗎？

我俾紅蜘蛛害得好慘
其實對於如何渡夏? 如何防治病蟲害? 我都冇乜有效的方法, 但係都可以同大家分享下我做過甚麼的

小女子 發表於 2011-3-26 13:25
我都想請教蟲害問題，本來我都有棵由走莖開始種草莓，種得好地地，後來葉底舖滿細小蟲滋，後來我唯有恨心掉 ...

唔好話請教, 大家一起研究下

杳杳然 發表於 2011-3-26 19:01
看了你的士多啤梨成長,真的很有成就感~
終1今天嘗試下士多啤梨種子,都是採自超市買的.
希望可以跟你一樣,有 ...

預祝你成功, 加油啊

與紅蜘蛛大戰1年零4個月

由開始種植至到2009年夏季, 一直都沒見過有甚麼害蟲出現, 間中有幾隻蚊滋仔, 但數量不多, 見一隻捉一隻, 問題都不大. 直至9月, 驚見有些葉片有紅蜘蛛, 我立刻每盆翻開葉片底底面面查看, 發現有好多盆都感染了, 其中幾盆較嚴重, 我立刻用火酒去抹感染了的葉片, 抹後再過清水, 但過了不到幾天, 紅蜘蛛再現, 我唯有又用火酒抹. 之後我再上網查看有甚麼較徹底的方法. 看過各種說法之後, 我試過用皂水、蒜頭水噴葉洗葉, 但同樣地過幾天後, 紅蜘蛛又會重現, 而且經常噴水的話, 泥會過濕, 而且我是種在房內的窗上, 不能夠經常水滴滴的. 我也用過稀釋牛奶噴, 噴完不能掛回窗上, 只可放在廚房, 隔日後會有陣酸臭味, 而且仍見會動的紅蜘蛛在葉上, 哪我還要繼續噴嗎? 要這樣繼續放在廚房嗎? 我不止一盆啊! 似乎這個對我來說也不是很好的辦法. 我也不想用農藥(無論有機或無機), 因為我的床頭就是對正那個窗, 我不想睡覺時也要呼吸著毒藥. 我一向都好怕用殺蟲藥之類的東西. 最後我還是用回用火酒抹葉的方法, 一見有紅蜘蛛又再抹, 幾乎隔一兩天就抹一次.  9月尾時, 曾有兩星期因病沒除蟲, 結果讓紅蜘蛛發揮了驚人的繁殖力, 有幾盆已經出現結絲的情況, 最後都救不回來. 之後我就跟紅蜘蛛長期作戰了, 我每天都檢查所有葉子一遍, 一發現就用火酒抹, 最初我是整片葉抹的, 因為怕葉脈之間有很多凹凸位會藏住肉眼看不到的幼蟲及蟲卵, 但其實這樣是很傷葉的, 所以後期紅蜘蛛減少後, 我就改用棉花棒, 濕了火酒後, 逐隻逐隻紅蜘蛛拈走, 火酒要用水1:1稀釋, 之後不用過水, 這樣既不傷葉, 也較乾手淨腳, 不過我就像患了強逼症般, 天天檢查葉片. 其實在這樣密密檢查及”捉蟲”的情況下, 紅蜘蛛的數目已大大減少, 但就沒辦法徹底消滅, 每隔幾日都會發現幾隻, 所以不可以懶, 不可以讓紅蜘蛛有大量繁殖的機會. 終於直到2010年12月之後就再沒有發現紅蜘蛛的蹤跡了, 希望以後都不會再有.

下面貼些受紅蜘蛛侵襲的葉片的相給大家看看, 不過沒有最嚴重時候的相片, 因那時根本沒心情影相.


*********************************
回覆點評:
appleapple, 唔使客氣, 分享下經驗啫^^