衰人

比得大帝 發表於 2011-7-3 15:34
哩兩條友仔, 在快餐店霸六個位, 有七八個人托住個餐過嚟要坐低, 佢兩條友友都唔肯讓出嚟, 死話有人, 不過由 ...

兩個自私精

比得大帝 發表於 2011-7-3 15:34
哩兩條友仔, 在快餐店霸六個位, 有七八個人托住個餐過嚟要坐低, 佢兩條友友都唔肯讓出嚟, 死話有人, 不過由 ...

我尋晚又係咁，有對情侣霸左4個位，個女出左去買野，個男見我一個人捧住野食，就好心叫我坐低，當時我就坐係男的斜對角...
點知，個女一返到黎，可能見到唔中意，成個人「啪」一聲，坐左係我隔離，仲要撞到我對筷子，當時我的動作係夾緊泡菜... D泡菜汁就滴左落我件新白色T-shirt上面，個女仲要啤住我，連對唔住都冇講... 個表情就好像話：冇人叫您坐係度架... orz... 可憐我的新衫...

catina 發表於 2011-7-3 20:06
我尋晚又係咁，有對情侣霸左4個位，個女出左去買野，個男見我一個人捧住野食，就好心叫我坐低，當時我就 ...

你應該叫佢賠洗衫錢

比得大帝 發表於 2011-7-3 23:10
你應該叫佢賠洗衫錢

當時太心痛喇... 所以冇叫佢賠錢... 只係見其他地方終於有位, 搬左位就算...

但之後就發現, 對情侶食完野就硬坐左張檯唔走, 期間有一班青年等位, 又有一家3口等位, 佢地都冇讓位比人囉... (到我食完走, 佢地仲霸住緊個位...)

當時係星期六晚飯的繁忙時間, 一家大細 / 一班朋友出去行完街就會乘勢坐低食野的時間, 商場方面, 都有貼出告示, 呼籲遊客用餐完畢就要讓位比其他人士...

但呢對情侶的行為實在係... 丟盡香港人的架~!

catina 發表於 2011-7-4 08:44
當時太心痛喇... 所以冇叫佢賠錢... 只係見其他地方終於有位, 搬左位就算...

但之後就發現, 對情侶食完 ...

奈何香港消費者權益被濫用, 好多人以為自己花一毛錢就可以享用最大權利

而一般集團式經營店舖的伙記, 免得過就避免和容人衝突, 亦可以話佢地沒有做好保護公司利益, 有人霸住, 做少咗生意話知你

如果在外國, 客人有過份之地方, 伙記實好唔容氣請你走.  大家都係打同一份工, 不過社會教育唔同

太多衰人啦。 撘巴士--有啲衰人,個人坐一個位, 袋又坐一個位, 好聲請佢讓個位, 仲要啤住你,咩世界

比得大帝 發表於 2011-4-25 17:13
衰人將超市架車推到出街

要比 $100 按金架 !

031504 發表於 2011-7-3 16:47
兩個自私精

佢無吸塵機架 ?

catina 發表於 2011-7-4 08:44
當時太心痛喇... 所以冇叫佢賠錢... 只係見其他地方終於有位, 搬左位就算...

但之後就發現, 對情侶食完 ...

搞鬼錯

有時我同朋友係餐廳食完飯都會傾下計
但見到有人等位我地一定會走

031504 發表於 2011-7-5 00:53
搞鬼錯

有時我同朋友係餐廳食完飯都會傾下計

我都係會同朋友坐低傾下計的人，但若然見有人等位，就會移師到別處再傾，eg.食下甜品咁
絕唔會咁冇品囉

可能我地以細時注重德育, 我地約人會在餐廳門口等, 例如約七八個人去旅行, 到咗嘅先入去食嘢, 留一兩個在門口繼續等, 食完嘅就出番嚟等, 俾未食嘅入去食嘢

所以我依家都唔鐘意霸位, 我同太太二人去快餐店, 都係買完嘢食先搵位, 唔會一個先去霸位

andyman 發表於 2011-7-5 00:13
太多衰人啦。 撘巴士--有啲衰人,個人坐一個位, 袋又坐一個位, 好聲請佢讓個位, 仲要啤住你,咩世界 ...

我唔會叫個袋讓位,我會照坐落去

又係咁了！點解d人可以咁自私？

今晚放左工，去左旺角行街，岩岩行到朗豪坊starbxxkx，買左野飲想坐低休息下。成個場太full，要搭檯，點知呢個死xx，明明杯野飲晒咁制，都死話佢對面個位有人坐！

到而家成半個鐘，都只係玩手機，硬霸住張檯囉！（好在我後黎搵到位坐）

我影左佢相，不過size太大，聽日返到公司執執佢再post上黎！真係好嬲囉，點解香港而家變成咁架?!

catina 發表於 2011-7-7 21:57
又係咁了！點解d人可以咁自私？

今晚放左工，去左旺角行街，岩岩行到朗豪坊starbxxkx，買左野飲想坐低休息 ...

就係呢個自私精了...

佢對面個位根本冇人坐架, 張"登"上面個袋, 係隔離位先生係我行開之後, 唔理佢話有人放上係面的...

大家認住呢d自私精喇~~~

catina 發表於 2011-7-8 11:13
就係呢個自私精了...

佢對面個位根本冇人坐架, 張"登"上面個袋, 係隔離位先生係我行開之後, 唔理佢話有 ...

係呀, 你覺唔覺得响士打畢同太平洋咖啡飲嘢嘅人特別霸道, 唔俾人坐佢對面, 何能佢地嘅心態係, 咁貴一杯嘢, 係應該包枱嘅

比得大帝 發表於 2011-7-8 11:19
係呀, 你覺唔覺得响士打畢同太平洋咖啡飲嘢嘅人特別霸道, 唔俾人坐佢對面, 何能佢地嘅心態係, 咁貴一杯嘢 ...

係wow, 不過咁又咁講... 唔通佢地買杯野飲的錢就係錢, 而我去買野飲o個d... 係xx紙咩?

大家都有比錢去買野, 唔通佢就有特權去霸檯?  真有本事, 不如包場啦...  我就話佢叻, 有本事, 有特權喇...

catina 發表於 2011-7-8 11:28
係wow, 不過咁又咁講... 唔通佢地買杯野飲的錢就係錢, 而我去買野飲o個d... 係xx紙咩?

大家都有比錢去買 ...

哩個即係搭巴士現象, 上車先果個覺得唔應該有人坐佢隔離

到佢自己上車時, 又話人地霸住d位

唔係點解叫自私精啫

快餐店仲有一款衰人，明明兩個人，坐張四人枱要打對角坐，變相霸晒張枱。
仲有兩款衰人我好憎。某次搭飛機去日本，太full被逼要坐四人位中間，兩邊走廊位係兩個男人，我地兩個女仔夾係中間鬼咁尷尬，佢地又塞住隻耳大覺瞓，想去廁所叫佢都唔醒，點知落機果陣見佢地兩個竟然行埋一齊仲傾計，原來係識得o既，將自己o既方便建築係人地o既不便之上，正衰人。某次去旅行導遊同我地講話成日有呢種人，一班人網上checkin特登揀晒走廊兩邊位，搏中間冇人座可以霸晒，搞到佢地d團友要拆散晒夾係中間，都唔知點編位，到果d人發覺奸計失敗，就走黎話想調位一齊坐，個導遊話遇到呢d人，佢一概唔理，你地要玩野丫ma，咪比你地玩lo。

另一款，就係我每次去完日本搭飛機返都會遇到o既，一大棚去掃貨o既人士，每人手上有成五六七八袋戰利品，一上機將所有行李格霸晒，明明坐係你個位o既後面十條街，都要霸埋你個格，搞到你自己d行李冇定擺，有次個就係咁，個空姐叫我擺個handcarry去對面行我睇都睇唔到o既cabinet到，唔係ma，咁遠我d野比人攞走都冇人知啦，而家我見到上面比人霸晒，我話知你係lv定乜，一於照"宅"上去，話知佢。

Vienne 發表於 2011-7-8 12:38
快餐店仲有一款衰人，明明兩個人，坐張四人枱要打對角坐，變相霸晒張枱。
仲有兩款衰人我好憎。某次搭飛機 ...

坐飛機霸路口位, 一來可以申吓腳, 二來可以駁吓冇人特意坐中間兩個位, 我都會咁做, 但係如果有人坐中間, 我會要求同佢地換位.

坐咁耐飛機最頂的一次是, 去到個位見有個男人坐咗我個位, 佢見到我又冇意圖起身, 以為佢無心坐錯, 於是問佢坐邊個位, 佢指一指前後三行(每行都坐住一個人), 話: 我地三位.

發神經, 佢以為自己响快餐店霸位, 都費時同佢講多句, 叫空姐掟佢走, (原來佢一家三口, 每人霸一行)

我呢款衰人會特登唔換，然後密密去廁所，行出行入煩死你。
冇人會特別想坐果兩個位，有時係冇得揀，班機full要插落去。我都係揀路邊位，但係連住，自己都好憎夾係中間，己所不欲勿施於人ma。我去日本多，日本機縮班又縮班，有時兩間公司夾埋一班機，次次爆棚，中間冇人坐機會係零，d人都仲係要咁揀，揀左又要人調，一兩個就話，一大班人就有d過份lo。