唇瘡食療 - 海藻生地豬肉湯

唔該哂CK ,
我現在都這炎熱的天氣, 我現在每星期都飲一次烏雞圓肉湯囉 , 因為我腎虛, 炎熱天氣不想飲太補的湯, 所以中醫叫我飲烏雞囉..

回復 21# fianfumy


    烏雞起我的角度都係補湯黎架

係架...夏天每星期煲一次全家飲，就會少D生瘡架....
cklife 發表於 2010-9-1 12:52 PM

    其實又幾好飲架BOR~係難煲D, 因為煲果時D湯料好易漲起哂~

唔該哂CK ,
我現在都這炎熱的天氣, 我現在每星期都飲一次烏雞圓肉湯囉 , 因為我腎虛, 炎熱天氣不想飲太補 ...
fianfumy 發表於 2010-9-1 13:04

   咁要食番D生果..我好似你飲咁密會燥.....一定要食番D野平衡.....我都腎虛...不過我懶D...我食金匱腎氣丸.....
反而健脾野會煲多D....因為我水腫...

大家依個時候應該調理下身體呀，因為轉季啦...身體要有能量先可以應付天氣轉變嘛....

腸胃弱既可以煲小米淮山粥(淮山磨粉)，先調理左個腸胃先去補，唔係既話不單只唔吸收，仲會消化不良呀。

九月八日白露啦...早晚溫差開始大呀...記得加衫唔好冷襯....

開始會有好多人有秋燥既症狀架喇....鼻敏感、氣管敏感、喉乾或咳嗽易發生呀....每日飲杯蜜糖水啦...

唔好咁快走去打邊爐、燒烤、吃辣野呀....好易病架...凍定左(身體適應左天氣)先啦...

掌管家人健康既可以煲多D沙參玉竹雪耳湯、木瓜雪取湯、菜乾陳肫湯或者整下杏仁露啦....

回復  fianfumy


    烏雞起我的角度都係補湯黎架
小寶 發表於 2010-9-2 20:22

   係呀..補湯黎架..我通常冬至前後先會飲架....不過係有鹿茸同高麗參囉...一個星期飲一次，咁春天我就會少D感冒架喇...因為我都係寒底...
不過煲開會叫老公飲兩匙羮....咁佢又有得補..但唔會太燥....

其實又幾好飲架BOR~係難煲D, 因為煲果時D湯料好易漲起哂~
小寶 發表於 2010-9-2 20:22

   落多d水咪得囉...我通常煲好就倒入去一個有隔既煲度將佢D渣同水分開。有隔既煲其實係我要黎蒸野既兩層煲...上面個層係個底有洞洞既煲...用黎隔依D渣幾好架....

最好既係唔洗錢丫嘛...因為惠康印花換既...

有時見食肆用黃豆煲湯，唔知有乜作用？

係呀..補湯黎架..我通常冬至前後先會飲架....不過係有鹿茸同高麗參囉...一個星期飲一次，咁春天我就 ...
cklife 發表於 2010-9-3 10:16

烏雞圓肉湯對我來說不算是補湯啦, 如果冬天我都會加下鹿茸 和鹿尾芭呀 ...
春天就煲較多響螺湯囉...

但當然我也要為囡囡煲d大家飲得既湯啦, 我會買鮮准山茨實煲魚 / 西施骨湯  , 仲有好多中性d的家常湯水囉 ( 紅蘿蔔 , 節瓜 , 雪耳 , 黃瓜等湯水) , 不過冇特定, 我哋呢d師奶, 去到街市見到平靚正就買來煲啦...

有時見食肆用黃豆煲湯，唔知有乜作用？
八王爺 發表於 2010-9-3 11:13

   增加味道囉....黃豆煲湯會帶甜味...

烏雞圓肉湯對我來說不算是補湯啦, 如果冬天我都會加下鹿茸 和鹿尾芭呀 ...
春天就煲較多響螺湯囉...

...
fianfumy 發表於 2010-9-3 18:33

   鹿尾芭煲過兩次，頂唔順陣味...初時以為第一次買平野，所以咁既味...第二次特登買靚野，又分開幾次煲...但都係頂唔順陣味...而且..好燥...鹿茸我食左好見效，鹿尾芭食左無乜感覺，所以無再整囉....


唉...去買送前諗既同最後買番黎既真係可以好唔同架....所以都係咪諗咁多，去到睇到咩靚買咩仲好..

增加味道囉....黃豆煲湯會帶甜味...
cklife 發表於 2010-9-3 23:13

我都見有D食肆下黃豆呀 ..

我比較少下黃豆, 反而我多數下 "眉豆" , 又係煲出來甜D , 和眉豆含有鈣質囉...

我都見有D食肆下黃豆呀 ..

我比較少下黃豆, 反而我多數下 "眉豆" , 又係煲出來甜D , 和眉豆含有鈣質囉. ...
fianfumy 發表於 2010-9-3 23:17

   我都中意眉豆多D，眉豆有陣香味，煲完又粉又淋，好好食。

CK ~~~ 多謝分享 ! ( 你D湯水篇我真係好熟口熟面呀.... 我阿娘又係好中意煲呢D野架....)
寒同燥真係人人體質都唔同. 要慢慢逐少咁試 , 今日飲得, 聽日又未必受到. 所以我多數會煲D無咁寒/燥0既湯水~~~你地講D鹿茸呀尾巴呢D, 我都唔飲得. 自己知自己事喇, 一飲就會流鼻血, 生熟地呢, 飲多左會咳到甩肺+肚痛 , 少少就無妨.
有一樣野就千祈唔好飲, 就係豬肺湯. 我都唔明, 咁多野好煲, 點解一定要飲豬肺湯? 今時唔同往日, 而家D豬, 用好多抗生素/哮喘藥, 飲豬肺湯就等於吸收哂D精華.....

CK ~~~ 多謝分享 ! ( 你D湯水篇我真係好熟口熟面呀.... 我阿娘又係好中意煲呢D野架....)
寒同燥真係人人體 ...
JicJicmom 發表於 2010-9-4 11:04

  豬肺我3年都唔煲一次 , 豬肺好高膽固醇呀 ...

CK ~~~ 多謝分享 ! ( 你D湯水篇我真係好熟口熟面呀.... 我阿娘又係好中意煲呢D野架....)
寒同燥真係人人體 ...
JicJicmom 發表於 2010-9-4 11:04

    今日飲得, 聽日又未必受到<---依句好讚同

好多人都唔係好知...寒同熱既體質唔係一世既，會跟據作息同飲食或季節有所差別，食日飲得，聽日又未必受得...係真既...


豬肺湯...自從無左健味豬之後，無再煲過囉....(依家既健味豬唔再賣香豬，改左同本地豬農收豬黎賣)


因為其他豬肺煲湯，我係會有反應.....飲左條頸會麻痺架....(我對依D野真係幾感敏)


無謂被人餵左藥都唔知啦....改用其他材料囉....


(我老公就非常懷念...佢好中意食豬肺...不過家下比我嚇到唔敢食。無色無味睇唔到佢當唔存在，但我既敏感反應佢見到，想當佢唔存在都唔得。)

豬肺我3年都唔煲一次 , 豬肺好高膽固醇呀 ...
fianfumy 發表於 2010-9-4 14:59

   你有胆固醇過高咩?...我經年都要控制膽固醇，不過我又唔會好驚內臟喎....有其他野平衡架嘛....膽固醇都係身體既必須品黎架，無左佢都唔得架....

你有胆固醇過高咩?...我經年都要控制膽固醇，不過我又唔會好驚內臟喎....有其他野平衡架嘛....膽固醇 ...
cklife 發表於 2010-9-6 13:31

我沒有膽固醇過高, 但我平常就係乜都食的人 , 加上愛煮愛食, 反而有一些高危食物要節制囉 , 咁先有Quota 食好嘢呀 , 有時我都會煲豬潤水飲的....

我都好認同不同時節, 氣候以及每個人作息時間, 會令身體進補都不同, 不過我自少比媽媽整到身體極度寒和弱, 我22歲前莫講飲涼茶, 飲紅蘿蔔青蘿蔔湯 , 西洋菜湯 ( 煲足3-4個鐘) 都會頭暈呀 ...

我沒有膽固醇過高, 但我平常就係乜都食的人 , 加上愛煮愛食, 反而有一些高危食物要節制囉 , 咁先有Quota  ...
fianfumy 發表於 2010-9-7 00:30

    唔怕架...耐心慢慢調理會轉架....我以前都極度寒...連夏天都唔識出汗，依家都轉左好多喇...間中仲會燥下。
想食放心D...咁咪食麥皮做早餐囉....我曾經膽固醇高到，醫生警告，再控制唔到要我食藥....食麥皮之嘛....就攪惦左。依家都有間中驗下血睇住，一切正常。
膽固醇果邊我都完全無理喇。

哦...乜食麥皮真係咁有效？食咗幾耐？

一般家庭湯水，都係 青紅蘿蔔煲南北杏無花果蜜棗 + 肉骨 (排骨, 瘦肉, 扇骨, 牛抄魚....)