八達通陳碧鏵要請辭嗎？

八達通陳碧鏵要請辭嗎？
我覺得如果佢係自把自為，就要請辭！ 如果唔係，一半一半啦，份人工包左呀！


八達通被指講大話 議員促陳碧鏵請辭
(明報)2010年7月28日 星期三 05:10
【明報專訊】20日的謊言，八達通控股行政總裁陳碧鏵昨日被傳召到立法會    ，遭十多名議員轟她不誠實、沒道德、令八達通誠信破產。陳碧鏵面不改容，雖為當日提供失實資料致歉，仍然辯解當時手上沒全面資料，只從狹義去看，以為出售資料是指直接把資料賣斷給其他公司，但八達通只是在有規範和保密下讓合作伙伴使用資料。
. . . . .  .民主黨李永達    指摘陳碧鏵多次講大話，影響八達通聲譽，質問她會否引咎辭職，她未有正面回應，「我的去留不是最重要，現時我們注意力要專注在調查上」。涂謹申認為，八達通卡公司受《銀行業條例》監管，行政總裁一職要由金管局    審批，八達通集團一定不會冒險保住她，「相信她多數要走」。

有甚麼大不了
議員就愛鬧事

八達通出賣資料當然不對, 賺咗果四千萬拎番出嚟算啦, 攪到日日見報, 好煩啫

被出售資料者有乜損失, 我又睇唔到,

假設有個保險公司按八達通出賣的資料call你, 你又幫佢買咗份保險, 轉個頭跌跛咗, claim咗20萬, 就算你冇跌跛到, 又有乜損失呢?
假設有個保險公司按八達通出賣的資料call你, 你又唔買險, 重鬧到個sells死死吓, 咁你又有乜損失呢?

你損失嘅只係電話嘅time cost, 而家都好似50蚊千幾分鐘啦

雖然表面上係冇損失,
但係佢係人地唔知情既情況下轉售佢地既個人資料喎,
由其是而家既社會咁注重私隱依樣野,
實比人圍插啦

我唔駛佢辭職, 但八達通要羅番d錢出黎。

對！有甚麼大不了！
但有Ｄ人將一Ｄ＂有甚麼大不了＂的事情弄大，仲可以係度講＂有甚麼大不了＂

我唔係話八達通啱, 我係話後果唔係大,駛唔駛吓吓都要人頭落地!

唔止八達通啦, 信用卡,手機網絡商,銀行......都有買料出去賺錢,都唔係今日既事,只不過而家先至話保護私隱~~

連超市績分卡都係...

你損失嘅只係電話嘅time cost, 而家都好似50蚊千幾分鐘啦
比得大帝 發表於 2010-7-28 16:08

如果你出左門,漫遊費用就...........
更差就午夜電話響,原來是............

有冇人咁蠢漫遊時見到唔識嘅電話都接, 我就唔會咁笨嘞
乜你習慣開住手機瞓覺咖, 我就唔會嘞

好似要搵 陳碧鏵 嚟祭棋！

即係旅行社要搵亞珍出嚟受靶咁解啫

如果陳碧鏵被祭旗, 八達通一定俾番筆唔細嘅佢

好似真係要陳碧鏵祭旗,筆酬金........佢可以提早退休啦
不過理由係唔誠實誤導咋,與私隱無關~

我覺得議員們咁鐘意玩, 哩單就要玩埋落去啦, 就係要九鐵公開陳碧鏵最後果畢, 如果天文數字, 明白應該點做啦

這件事件已經政治化，我是覺得八逹通，不知道是否之前錢掙得太容易，危機意識不足，一開始就死撐，真的是活該。

exactly

不過  八逹通  這個香港品牌, 要好好珍惜

原來私隱有價！
不如你地俾哂D私隱我集中去買，年尾埋單時買D花種派俾大家啦！

我冇參加甚麼日日想, 有冇人有參加, 可唔可以講下報咗d乜嘢資料呀

我冇參加甚麼日日想, 有冇人有參加, 可唔可以講下報咗d乜嘢資料呀
比得大帝 發表於 2010-7-30 14:58

路過入嚟搭吓汕~
我好早已經join咗日日賞 (因為經常去惠康入貨), 記憶中張form要填姓名年齡電話d基本野之外, 仲有問全年收入 (有個range比你揀), 學歷, 家庭成員人數咁, 不過我果陣無填收入, 學歷佢地都照收咗囉.