你地以前係讀 骨灰"菴" 定 骨灰"堪" ？

近日電視新聞有好多關於 骨灰龕 的新聞，有趣係 巿民大眾 讀 骨灰"菴"，記者/官員 讀 骨灰"堪"。

睇埋呢條片，你會發覺條事好蹺蹊：
http://www.youtube.com/watch?v=c ... ure=player_embedded

粵語 又叫 廣州話，當香港和廣州近數代人都是讀 "菴" 冇人讀 "堪"，即是 "堪" 音己實亡。象牙塔裏的 反智分子 要 "正音" 正回數百年前的讀音，是要標奇立異 (話俾人知佢好叻)，但郤等同要 趕彊屍上街 ！

最緊要正字! add4icon

有人根懅已逾千年的宋代韻書《唐韻》切出個堪音，就看看韻書怎說：
龕：《唐韻》口含切《集韻》枯含切《正韻》苦含切
所以要崇尚古音，應該讀「襟」（口字古音是ｋ聲母）。不過龕通堪，「堪」字同為口含切，既然「堪」字的ｋ音轉成ｈ，「龕」也要委屈讀「堪」了，否則要正的話，口、康、枯、苦、堪，全部ｋ聲母（反而普通話有承繼下來），豈不是要全盤推翻？那些「專家」，誰都沒有這個膽，所以搞出一堆不倫不類、可能從來沒有人曾真正使用的音。

不信祖宗信死典，無異於鄭人買履，可笑至極。

仲有癲癇症
以前多人讀癲"簡"症,而家話正音癲"閒"症

仲有癲癇症
以前多人讀癲"簡"症,而家話正音癲"閒"症
wendy_choy_hk 發表於 2010-7-11 15:33

癲癇症 這個讀音值得談談。很多時所謂 "正音"，都是穿鑿附會，與 事實相去甚遠。

香港推廣 正音 的 香港中文大學 有一個 《粵語審音配詞字庫》，裏面主要推廣 何文匯 的 古音 研究作 正音。且看 "正音派" 說 "癇" 字的讀音：
癇 - 同音字有 (澖, 閒, 閑, 嫺, 嫻, 憪, 癇, 鷴, 鷳, 間, 蛝)
但同時，裏面也收了 周無忌和饒秉才編的《廣州話標準音字彙》"簡" 音為異讀字
簡單說，讀 "閒" 音是字典裏說的，讀 "簡" 音也沒錯

之前我聽過有支持讀 "閒" 音的說 "癇" 字入面是個 "閒" 字不是 "間" 字，所以正確應讀 "閒" 音云云。大抵該位仁兄連古時沒有 "間" 字，只用 "閒" 字都未知，其他也不用多說了。

我個人覺得 -
正音，大家都慣左的錯音  都ok,
錯字，懶音就唔得！

說話是用來溝通的，大家明講緊乜，乜音其實真係咁重要？
咁講法，好多人唔認同。
但係學問源於生活，脫離生活，再高的學問也是無用！

我投咗
投票結果暫時係100.00%一面倒骨灰"菴"喎~

上次考試，我舉例既時候講到「起錨」一例，一時之間，窒左一下
因為有次睇「錨」既正確讀音係矛，而新聞讀既係粵語第 4 聲 "now" <-- 唔知有咩同音字 - -
最終我讀左「起矛」，讀完之後驚老師以為我讀錯，搞到印象差左

上次考試，我舉例既時候講到「起錨」一例，一時之間，窒左一下
因為有次睇「錨」既正確讀音係矛，而新聞讀 ...
EddieOR 發表於 2010-7-20 17:28

呢個咪係問題囉，當一個土生土長的第 N 代 廣東人 要去考 (廣東話 <其實係廣州話>) 口語試，都唔能夠講阿爸阿媽阿爺的地道方言，而要講成千年前，要查字典先有o既讀音，呢個問題真係好嚴重！

何x匯 的所謂 "正音"，係用來研究 1,000 年前唐宋詩詞就或者有用，根本唔係所代日常用音，叫做 "正音" 己經係一錯 - 錯在自大。而 電視/電台/官員/考評局 跟從，係盲從，係唔用腦 (連人家的 "正音" 應該點用都唔知)，係冇 吉士 ("權威" 話啱就連 阿爸，阿媽教乜都唔敢用) ！研究應該是用來服務大衆，唔係要大衆改變發音來遷就佢研究唐詩！

唔該 象牙塔 裏面/外面 的所謂 支持正音 人士睇清楚，香港話只係 廣東方言 的一種，同 新會/台山/開平 話一樣，都唔可以叫正宗 廣府話，正宗 粵語 係以 廣州話 為正宗，香港要正音，唔去研究 廣州話，要查字典搵個千年都冇人讀o既音來讀，未免又愚蠢，閉門造車，又 夜郎自大 了！

大家看看 2007 年的一篇報導：
在論壇上，有家長擔心，今年會考中文科引入口語測試，兒子會因讀音不正而遭扣分。考試及評核局發言人昨表示，會考生只會因「懶音」而被扣分。家長麥太表示，擔心兒子口試時因讀音不正而影響成績，但考評局並沒有任何指引，只提及試卷重視「執」學生懶音，她為此已向考評局投訴。青葉出版社執行編輯許迪鏘也批評，懶音一詞帶有歧視成分，「有些人先天性缺陷，無法發出一些字詞的正確讀音，我們不可說他們『懶』。」考評局發言人則表示，暫未收到有關讀音的投訴，但強調會考中文科朗讀試卷的評分準則寬鬆，市面上字典中有列出的讀音均可接受，但考生讀出懶音則會被扣分。

香港粵語傳播文化協會主席潘國森於論壇指出，廣府話（俗稱粵語）乃方言，讀音多年來不斷改變，很多是約定俗成得來，讀音並沒問題﹔他批評有學者以宋朝的《廣韻》作為正音根據屬荒謬，不但違反粵語的規律，更影響現代人的溝通，「除非想同宋朝的死人溝通。」他又批評，「何氏中大正音」未經正式的學術論證，「不是一兩名學者一錘定音，便說是正音。」他更反對政府以現時的「正音」標準，製成教材分發給中小學，此舉會衍生不同問題，例如小朋友會挑戰父母的讀音，造成家庭衝突﹔港人難以與廣東省人士溝通，令本港更邊緣化。

到依家我都係讀骨灰"菴

仲有好多不同鄉吓以及懶音叫法, 例如: 昨晚你地會叫"尋"晚定係"琴"晚? 字詞方面, N年前的"麼登", 30年前叫"時髦", 20年前叫"新潮", 幾年前叫"潮", 而家都唔知叫咩啦。仲有什麼"溝女"..."界女"...; 總知在不同場合, 對不同接收者, 有不叫法

今日 何X滙 响電台講，好多時生活話語佢唔會計較，但上佢堂就唔得。

即係話好多要推行 生活話語正音 的都擦錯鞋

骨骼的骼是[格]音,很多人,包括有醫生都讀骨[絡]
還有,藉口應讀[借]口.
詛咒的詛是音[左],不是讀[咀],雖然是用個咀去咒人

我早前在學是學非見到有關嘆和歎的分別。不知打那時起我已經忘了有歎這個字。老是用嘆......

claudiatang 發表於 2013-7-7 22:20
我早前在學是學非見到有關嘆和歎的分別。不知打那時起我已經忘了有歎這個字。老是用嘆...... ...

我無睇,請問有咩分別?

菴左成20幾年,而家先來堪,真係令人難堪