很唔開心呀!

我公司昨天發生了失蹤案, 令到我很不開心.
幾星期前, 有花友送給一些AV葉片, 我把他們放在公司茶水間浸水等出根, 其實在個多星期前已發現出根了, 但未有時候轉入植土, 到昨天早上見他們也好地地,本來打算等放工時把他們轉入植土, 但到放工時再入茶水間, 未突然發現葉子消失得無影無蹤, 只餘下盛滿水的水樽 ~~~~~ 啊 ~ 晴天霹靂, 我終於等到出根才消失得無影無蹤, 很唔開心, 唔知係邊個衰人手多多~~~~

嘩! 邊個禁冇品順手牽羊呀, 不過唯有自己安慰自己: 有人欣賞你既一番心機囉......

會唔會俾人唔覺意整跌左塊葉而又無執番，之後俾阿嬸掃走左呢

依? vkzone2002, 請問你是否bk的vkzone?  我都成日享bk浮游嫁!  Nice to meet you here!

我N年前都試過在工作的地方失花,我第一次種到盆迷你蝴蝶蘭唔死重開花,我幫佢換落個白色瓷盆,放在窗邊,睇左幾日,有朝番工,成盆花就不翼而飛,從此我同佢就失去聯絡.

vkzone2002
可唔可以問下你個花友再比過你呀 ？

唔好唔開心啦! 如果你唔嫌棄，我可以送一塊葉片你，不過我擁有的av不算是很漂亮，但新年應該個個開心，愛花之人，我相信大家都好善良的，所以更唔應該唔唔開心架!

通常大家同事, 唔會偷你啲嘢個噃, 又唔係乜嘢值錢嘢, 會唔會........你有得罪過人, 佢地整蛊你呀, 又或者係你啲老死 (好friend咁解)同你玩吓嫁炸.

如果純粹從犯罪人身份推測，佢應該係識種花的人，完全唔識種花的人不會對葉有興趣．佢甚至係好識花的人，才知道你有的不是粗野，而去以身犯險（一般人係不會為幾塊葉而做賊）．

原帖由 william22 於 2008-1-5 16:26 發表
會唔會俾人唔覺意整跌左塊葉而又無執番，之後俾阿嬸掃走左呢

我都估這何能性最高, 因公司同事想要花會自動自覺問我的, 唔會不問自取.

哈哈哈, 個花友咪係你charles604498 囖, 我唔見左2片呀, 一片叫JAZZ XXXXXX, 另一片唔得左個名. 不過你給我的其他葉片都出晒根了, 明天我會轉入泥, D泥要KEEP到好濕對嗎? 希望快高長大啦!

即係証明您公司有人中咗av毒, 係好事, 向好果邊諗, 慢慢追查一定搵到係邊個, 等佢幫您養大d葉仔時, 再同佢講數,

我覺得係凶殺案多於偷竊案. 但anyway都係無頭公案.

好玩呀！
有 咁 粗心大意的人，把你的 葉葉 整 死咗！

以后你要做好 防範咯。