上星期好認真計過自己總共現有81個品種(多肉+仙人掌),本來剛寫下既40款普貨購買清單即刻取消,因為幾細盆都要地方安置,家中另有大量觀葉植物,認真有需求精簡數量後再入貨。現有品種當中只有1/4係真金白銀買返黎,其餘係花友分享,植物交換同嚮店鋪執返黎既葉片種起。
上年認識左對夫婦,佢地屋企有個靚+大到嘩嘩聲既前後花園+三個溫室,兩公婆都勁鍾意園藝,十幾年來冇出過遠門,所有精力同錢都係嚮個花園度。近期佢地迷上仙人掌,又係買買買...仲特登養幾隻雞,用雞糞種菜。
見到人地對園藝既沉迷,有地方又有錢確實較難節制,但停唔倒就會走入個黑洞。
鼓勵花友們多以交換植物代替購買,互相利用現有資源又唔使傷荷包,仲可以問埋種植心得。 |