本帖最後由 lamkaicheung 於 2020-12-24 16:59 編輯
心思思想試下
豬籠草聽過也見過,但遲遲到未試過種,就係較早排上咗食蟲版望望,又咁啱見到freddy 係己大倒攞咗一批小苗種,仲整到成堆好似糯米飯咁樣好搞笑!
所以我又心思思想試下喎,問咗freddy 大攞咗小苗試種, 點知養咗唔夠两個月就瓜老襯,搞到都唔好易事!
就係上個月freddy 大佢好好人,又再攞多两棵豬籠草過我,今次攞嚟嘅豬籠草,仲已掛咗幾隻出咗籠仔係倒,而家先知到原來豬籠草有咁細粒嘅迷你豬籠仔,望望下真喺都好得意!
而家已經一個月都相安無事,呢排都驚佢凍襯,所以擺翻入屋避避先,每日噴噴水俾啲濕氣佢,希望係倒做個記錄,來緊的日子豬籠草佢好好哋咁繼續生長落去! |