發現白色物體!! 點算呀!

各位.. 我係AV初哥.. 最近發現其中一棵花的桱及泥都有一些白色物體... 請問這是否棉花虫/ 白粉病?  應該怎處理呢?? 這棵花是由一片葉種起的.. 唔想佢死呀!!

謝謝!!!



全株的樣貌:

棉花蟲! 一刀兩段, 泥以上浸漂白水加洗潔精十分鐘, 用清水沖洗, 重新浸根.泥以下掉棄.

確診棉花蟲
可參照這個換泥法, 要用火酒清洗, 盆都要用火酒消毒

棉花蟲好難殺, 如果你係新手, 最好把家中所有紫羅蘭都掉咗去, 就是未見有棉花蟲的, 都要掉, 要忍心呀, 心愛的品種就留一兩片葉繁殖, 種植的地方用火酒消毒, 為了安全, 盆都唔好番用.

嘩!咁大件事

其實做熟左並不難搞, 掉只係斬腳趾避沙蟲, 所以不要逃避, 試下救佢

如果冇位做隔籬, 可以在未有蟲的花的盆碟下再墊一碟水, 做一條城河, 並不時觀察是否有蟲體浮在水上, 如有, 證明並未斬草除根

如果你有信心可以去救, 不過唔係整盆水, 唔係一兩句說話就講得哂

都係提意你唔好諗咁多, 掉咗去啦

棉花蟲除咗你見到的, 泥裏還有很多的, 人地高手話救得到唔等於你地新手做得到

多謝您地!! hm... 要我全部掉晒實在唔捨得... 決定救得幾多得幾多... 已CUT葉留種!! 係呢! 火酒洗唔洗溝水?

如果你有信心可以去救, 不過唔係整盆水, 唔係一兩句說話就講得哂

都係提意你唔好諗咁多, 掉咗去啦

棉花蟲除咗你見到的, 泥裏還有很多的, 人地高手話救得到唔等於你地新手做得到 ...
Peter 發表於 2009-11-13 23:28

同意~我識有花友中咗之後,斬完又都都仲係有~
泥入面一定有好多你先見得倒

救治的方法大家已講過多次，所以不贅，加水碟的建議只是補充。
救與不救，端看自己，例如有人就算會救亦可能嫌麻煩而放棄。
管見以為：三折肱為良醫。不試永遠是新手。不過前提是你明白成敗繫乎切口高低，浸多少次，隔多久浸，用什麼藥，濃度多少等等。如果你不肯爬文，單憑這裏的片言隻字就去醫，還是不試為宜。

多謝您地!! hm... 要我全部掉晒實在唔捨得... 決定救得幾多得幾多... 已CUT葉留種!! 係呢! 火酒洗唔洗溝水?
susana 發表於 2009-11-14 00:50

也明的你的心理, 既然你唔捨得, 堅決要試, 等我得閒寫一下全面點的, 讓你試吓啦

不過你先講講你種植的環境, 有多少盆花, 是買入的, 或是自己插葉的, .....等等

也明的你的心理, 既然你唔捨得, 堅決要試, 等我得閒寫一下全面點的, 讓你試吓啦

不過你先講講你種植的環境, 有多少盆花, 是買入的, 或是自己插葉的, .....等等 ...
Peter 發表於 2009-11-14 16:01

請peter兄post上嚟給大家參考

仲有記住搶救期間最好唔好入新花, 避免中招

你未回答你的種植環境, 未能按你的實際情況回答

anyway, 先參照這個post的換泥法

http://hkplants.com/thread-30694-1-1.html

把切出來的部份用75%火酒把整株澈底清潔消毒

家中所有av, 不管看不看到有棉花蟲都要按這方法做, 然後所有av要互相隔離, 放av的地方要預先用火酒消毒, 用過的盆最好不要再用.

因為這個方法是把根部切除, 應該很澈底, 能否成功把家中的棉花蟲驅趕, 要看消毒做得是否澈底

你未回答你的種植環境, 未能按你的實際情況回答

anyway, 先參照這個post的換泥法

http://hkplants.com/thread-30694-1-1.html

把切出來的部份用75%火酒把整株澈底清潔消毒

家中所有av, 不管看不看到有棉花蟲都要 ...
Peter 發表於 2009-11-15 00:47

Peter, 多謝你.. 你的終極換泥法好清楚, 我會試試.

出事的這棵AV是插葉生的, 一個月前換過盤 (但落盤前只用清水洗過新盤), 附近另種了3棵包括:

買回來兩星期的c44 (未見異樣):



及 337 苗 (未見異樣):



插葉的不知名av (生長速度頗慢, 4個月前開過一朵花, 之後都未開過, 狀態一般):



四棵av都是放窗邊, 沒有陽光照 (只是靠窗外進入的散光), 每星期一澆次水, 新買回來的未下過肥, 插葉的則每星期都會落簿肥. 昨晚已用火酒抺了放花的地方.

另外仲有3棵放在另一間房 (希望唔會有事) .. 現每日都會觀察每棵av的狀況.. 暫未見異樣.. 但如你地所講, 棉花虫實在很難發現, 但到肉眼可發現時實在太遲.

最後, 請問 :
(1) hi-fresh & Neem Oil 係花虛會有得賣嗎?
(2) 植料方面, 如果用坊間的普通標明for AV 的泥可以嗎?
(3) 其實應該係泥面澆水or 碟底好?

一次過咁多問題真係唔好意思... 再次多謝 peter 大大!!

睇你第一張相的根粉介問題, 已經好嚴重, 不是一頭本個月的事了.
除左睇相, 現在天氣不是根粉的活躍期, 但你仍清晰見到它們, 所以我更肯定情況好嚴重.
susana, 看看這個或許了解更多根粉介:
http://hkplants.com/thread-40011-1-1.html

另外, 你的疑問, 我初學時都有問過. 由於要講的資料好多, 你可以先看看呢度的精選主題目錄, 要是有甚麼仍不明白, 歡迎大家一起討論.

等我都試下簡單分享下你的問題先, (嗱, 有錯咪打頭~~add12icon)
最後, 請問 :
(1) hi-fresh & Neem Oil 係花虛會有得賣嗎?  (hi fresh, 唔知家下花寶有無, Neem oil , 好幾間大型花店都有得賣. 不過想一次過買到和深入了解點用, 可以去leo 問下. neem oil 只有預防作用, 對已有問題的病蟲害作用是不大的.)
(2) 植料方面, 如果用坊間的普通標明for AV 的泥可以嗎? (去花寶一望, 或去 Leo 度問下, 不過最好都係睇左呢度d 舊資料先, 好有用, 睇成晚都學唔晒架~~add6icon)
(3) 其實應該係泥面澆水or 碟底好? (各有各好, 各施各法, 要看個人種植環境)

Jellyfishy, 對付根粉介你好似好有經驗喎.. 我而家已將 "傷者" 去泥, 去根... 已全棵浸過漂白水+水10分鍾, 而家用水養緊. 本來諗住今晚再用火酒幫佢抺身. 睇完你給我的資料.. 而家用水養住先, 過幾日先幫佢抺身.  請問佢而家冇晒D根, 咁我係咪應該浸番D根先將佢落泥呢?

致於佢的鄰居, 我都諗住幫佢地用漂白水沖涼+換泥. (但要10日後才能進行, 因為我會去10日旅行, 以免觀察唔到佢地的狀態) 但棵337仲好細, 如果我咁樣做, 會唔會太危險呢?

其實若果唔係十字花, 留葉重種就最安全, 消毒塊葉點都俾清毒成棵野快和無咁易番發. 你張相棵花出現了蟲生晒上去植株主莖, 明顯已經爆到上主莖度, 就算切根, 甚至去掉最底輪葉, 主莖好多時仲會有蟲卵, 無論你點用洗潔精漂白水都未必有用, d 蟲卵等到明年初夏時還會長出蟲來.
一係學Sammy 咁用毒葯, 但個人唔建議使用, 如果花種在家中或室內而沒有獨立花房, 用毒葯即係毒埋自己, 何必呢.
仲有, 插葉或切根重種的av 都不一定要插水出根, 我全部都係直接插泥, 因為插水出根同插泥出的根是不同的, 插泥而生個d根不用重新適應環境, 對植株整體健康會好一點 ...  . 唔... 呢度有好多關於av 繁殖的文章, 你去看看, 到時任你選個繁殖方法都得啦~

為安全計, 病株同一個花架或同一窗台的花, 無論樓上或樓下, 都應該全部去根或剪葉重種, 而且不應把任何一棵來自同一疫區的植株放在其他花架, 就算你認為佢無病都唔好咁做, 否則明年今日, 你會後悔.
都唔知自己講過幾多次, 又係個句: 有心機清理消毒十多廿盆, 但如果有百幾盆呢? 救花當然好啦, 始終有生命有感情, 救得到固然開心, 但救唔到也未必自己錯, 還有時間和心機上的考慮, 大家量力而為啦.

同意~我識有花友中咗之後,斬完又都都仲係有~
泥入面一定有好多你先見得倒
Tony 發表於 2009-11-14 10:26

你識得有咁慘經歷的花友, 其中一個肯定係我...   嗚~~~

susana, 如果你d 盆和底碟係陶瓷造, 可以用大滾水煮一煮, 還是可以番用的.

也明的你的心理, 既然你唔捨得, 堅決要試, 等我得閒寫一下全面點的, 讓你試吓啦

不過你先講講你種植的環境, 有多少盆花, 是買入的, 或是自己插葉的, .....等等 ...
Peter 發表於 2009-11-14 16:01

peter, 唔洗寫過啦, 討論殺綿花蟲呢家野, 肯定呢個網有好多資料. 你執番條 link 出來放响精選主題目錄度, 等我呢d 懶人得閒去睇下就最good 喇, 嘻嘻~~ add12icon