粉蚧蟲之分類

以下只是分享一些資料，不是個人心得，亦與防治無關。

粉蚧科Pseudococcidae是一個大科，下有Planococcus, Rhizoecus, Pseudococcus, Dysmicoccus等屬共1100種以上, 單是根粉蚧Rhizoecus就有一百幾十種，是介殼蟲中的第二大科(第一是盾介殼蟲科Diaspididae)。這麼大的一群，同屬之間難免非常相似，無法用肉眼分辨(例如 Pseudococcus viburni 與 Pseudococcus  maritimus)，昆蟲學家的辦法是用成年雌性粉蚧蟲製作slide-mount, 放在顯微鏡下觀察背部/腹部常見的結構的分佈及存在與否，來進行分類。



上圖中有各樣用作分類的特徵。左背右腹，上頭下尾。可以看到觸鬚下有眼及三對腳，還有一些細小的孔、管和毛。關於結構的圖解，可參考：
http://www.sel.barc.usda.gov/sca ... l/GlossaryFset.html

舉例說，各屬的分類法會像如下：
http://faunaseries.landcareresea ... Name=Fauna%2011.xml

個別品種辨認亦可以從比較中辨認：
http://www.sel.barc.usda.gov/sca ... ectSpeciesFSet.html

以下是ＡＶ的常患的根粉蚧Rhizoecus dianthi 的描述:
http://faunaseries.landcareresea ... Name=Fauna%2011.xml

根粉蚧在各地的分佈及已知寄主:
http://www.sel.barc.usda.gov/catalogs/pseudoco/RhizoecusAll.htm

參考:
http://www.invasive.org/browse/family.cfm?id=407 (圖鑑)
http://faunaseries.landcareresea ... Name=Fauna%2011.xml
http://www.sel.barc.usda.gov/scalenet/query.htm
http://www.plantmanagementnetwor ... uide/2006/hibiscus/

如果在泥土和植物的根發現有一些硬身白色一點點。但用漂白色洗完及換泥後，在泥土中出現的數量變小，植物的根和葉都再無問題，餘下的會唔會仲係蟲？還是只係泥土和硃石等的雜質？

如果在泥土和植物的根發現有一些硬身白色一點點。但用漂白色洗完及換泥後，在泥土中出現的數量變小，植物的根和葉都再無問題，餘下的會唔會仲係蟲？還是只係泥土和硃石等的雜質？ ...
kco 發表於 2009-10-16 01:02

只要搵到一隻會郁的根粉介都算搶救失敗. 新泥唔應該有白色的蠟, 白色的蠟很鮮白, 會黏附膠盆, 有別於珍珠岩的粉末

若果 av 或迷岩 中根粉介, 若根粉介未漫延到莖和中心點, 可去除最後一輪葉, 切根(記得要切上d) 重種, 痊癒機會較高.
若根粉介漫延到莖和中心點, 就算點救都好難痊癒.
溫室隔離是必然的, 最好隔離在一個濕度 70% 溫度26-28度的溫室中, 除左令植株快生根外, 也是根粉介最為活躍的環境, 若在這環境下隔離八個星期, 根粉介都沒有誘發出來, 那才算為植株渡過難關.
溫度高當然對av 比較苦, 所以要小心觀察, 若發現 av 生長不良, 就要減低溫度.
個人經驗, 小小分享. 有錯唔好打頭~~

最討厭根粉蚧。

最討厭根粉蚧。
走得慢 發表於 2009-10-31 01:18

多肉好易中招？

畀水母撩起條根，我又講講。

若果 av 或迷岩 中根粉介, 若根粉介未漫延到莖和中心點, 可去除最後一輪葉, 切根(記得要切上d) 重種, 痊癒機會較高.
若根粉介漫延到莖和中心點, 就算點救都好難痊癒.
溫室隔離是必然的, 最好隔離在一個濕度 70% 溫 ...
jellyfishy 發表於 2009-10-30 09:08

又唔會救唔到ｏ既，做兩三次treatment就OK。用我的Ness' Satin Rose 做例子:

金玉其外，敗絮其中。




連花都有。


杜絕所有可匿藏的縫隙，先去花，再去根（至少切去白粉部份，連切葉也在所不惜）。


浸藥／洗潔精水。圖為馬拉斯安(malathion)一千倍。最少做兩次，每次隔五日左右。其間放在冷涼的溫室保濕。


另一棵出事的Rob's Loose Noodle

我認為，唔好為左＂牛＂根粉介而放咁高溫，如果唔係主莖傷口好易腐爛。

我認為，唔好為左＂牛＂根粉介而放咁高溫，如果唔係主莖傷口好易腐爛。
sammy 發表於 2009-10-31 02:47

係呀~ 所以我話要時刻睇實棵花, 佢頂唔順或者個種怕熱(如Pink sensation) , 就唔好試.
我無用過marathon, 只係用過洗潔精, 漂白水, 火酒, 好年冬, 碧露, 對付根粉介.

多年經驗 (唉~ 真係慘), 切根係必然動作, 試過實驗唔切根淨係去泥, 把成棵有根粉介的流鼻涕連根種落洗潔精 + 漂白水 + 火酒 + 碧露 混合 + 水, 種佢在透明水樽 1個月. 1個月後, 棵花無死無軟, 正常開花, 但佢個d 白粉就無少過, 挑開d 白粉, 仍會見到隻蟲係到動L動L, 咁都唔死, 好鬼討厭~

仲有, 如果蟲害已漫延到整個花架, 即係暗示花房, 或者種花的corner 位, 如牆角窗門, 窗簾, 花架, 死角位, etc... 好大機會己藏有蟲卵, 根粉介係可以空氣傳播 (好似豬流感一樣!), 就算清理消毒隔離, 到了濕熱季節, 根粉介仍然會捲土重來~

畀水母撩起條根，我又講講。



又唔會救唔到ｏ既，做兩三次treatment就OK。用我的Ness' Satin Rose 做例子:

金玉其外，敗絮其中。
http://lh5.ggpht.com/_sU02miGze9 ... /6ihUsdlq_dA/s800/P ...
sammy 發表於 2009-10-31 02:44

你呢兩棵都好嚴重喎~  
一買番來就係咁? 係咪都係春初夏爆出來架?

如果得幾棵係咁, 我都會咁細心服侍. 但係百幾盆有事就....
試過第一次中蕉, 係百幾盆一齊出事, 做呢d 動作做左我成個月, 晚晚番到屋企就同佢地做 treatment (當時用漂白水+火酒+洗潔精+水), 又係每棵五至七日重復一次treatment (對自己都無咁好~ 唉~). 以為無事, 等到第二年, 仍有一半左右的花仔番發, 激死! 把幾火, 連盆掉.

仲有仲有, 殺蟲最有效做法, 大滾水! 當然唔係用來煮花仔. 我會用大滾水浸所有中過蕉的盆和用品, 包括個溫箱, 所以我d膠溫箱... 家下轉左用玻璃魚缸仔做隔離.

你呢兩棵都好嚴重喎~  
一買番來就係咁? 係咪都係春初夏爆出來架?

如果得幾棵係咁, 我都會咁細心服侍. 但係百幾盆有事就....
試過第一次中蕉, 係百幾盆一齊出事, 做呢d 動作做左我成個月, 晚晚番到屋企就同 ...
jellyfishy 發表於 2009-10-31 08:50

我的AV, 幾乎全部係葉插/側芽, 由細養大, 絕對無蟲, 所以一定係外來的. 係上個月先發現

發現左呢兩盆後, 就和你一樣, 發現很多盆都中. 我迫於無奈用好年冬, 因為一旦變成"風土病", 浸幾多次都隨時番發, 治標方法係全部"打疫苗".

係呀~ 所以我話要時刻睇實棵花, 佢頂唔順或者個種怕熱(如Pink sensation) , 就唔好試.
我無用過marathon, 只係用過洗潔精, 漂白水, 火酒, 好年冬, 碧露, 對付根粉介.

多年經驗 (唉~ 真係慘), 切根係必然動作,  ...
jellyfishy 發表於 2009-10-31 08:41

洗潔精我用過, 我果隻試得, 但唔明咩原理, 我估係洗潔精溶解身體上的臘質, 令佢沉係水, 繼而窒息死, 因為我見佢係水面掙扎左一陣就落水唔郁.
無論用農藥還是非農藥, 一定要做實驗, 將成蟲浸在藥水, 如果即死才好用.

洗潔精我用過, 我果隻試得, 但唔明咩原理, 我估係洗潔精溶解身體上的臘質, 令佢沉係水, 繼而窒息死, 因為我見佢係水面掙扎左一陣就落水唔郁.
無論用農藥還是非農藥, 一定要做實驗, 將成蟲浸在藥水, 如果即死才好 ...
sammy 發表於 2009-10-31 12:11

哈~ 你都試過浸隻野落洗潔精水度呀? 我都試過 (好似好變態~add12icon ).
睇住隻野係水面動L動L, 跟住佢面層野好似脫左d 點點白粉出來, 然後沉底, 死左~
酒精/火酒加水都得, 仲快呀~~add12icon

好驚R...今日先在我D辣椒同青瓜搵到2隻肥美的虫...原來就是粉介... >_<

http://gaga.jes.mlc.edu.tw/9708bx/676.htm

丫...d 飄虫bb既樣同粉介好似添...
咁我今日搵到果2隻...都唔知係好定唔好的添...

因我的青瓜近日有大量飄虫出現...
所以上網睇下佢地係好的飄虫定唔好的...

睇落就似是好飄虫..., 因怇個身無毛毛, 同好怕我...
d 28星食葉飄虫就唔驚我捉la... ><

噢...明天睇下d 菜菜底有無生毛毛先...
未見過粉介, 但亦唔想見到...在這睇到各位師兄/姐都講中左會有排煩...

SAMMY使用MALATHION時,要小心一些. MALATHION是具有相當強烈毒性的藥物...雖然不是以噴霧形式使用,仍然應該在處理時戴上手套,以減少與該藥物的接觸. 有關MALATHION的研究,請看: http://www.chem-tox.com/malathion/research/

SAMMY使用MALATHION時,要小心一些. MALATHION是具有相當強烈毒性的藥物...雖然不是以噴霧形式使用,仍然應該 ...
johnny 發表於 2009-12-31 06:42

謝謝提醒，原來農藥對人的影響遠比想像中微妙。令我驚訝的是氯菊酯（Permethrin ）和百菌清（Chlorothalonil）都很毒，又致癌又破壞基因什麼的。
不過這不代表ｍａｌａｔｈｉｏｎ比其他農藥毒，只是因為廣泛使用而倍受研究，因為歷史較長而令長遠的影響浮現。

找到個不錯的地方：
http://www.pesticide.org/factsheets.html#pesticides

謝謝提醒，原來農藥對人的影響遠比想像中微妙。令我驚訝的是氯菊酯（Permethrin ）和百菌清（Chlorotha ...
sammy 發表於 2009-12-31 21:49

是不見得比其他農藥毒,只是並不如想像中的安全. 以前我用殺菌劑時,都以為連虫都殺不死,對人體應該沒什麼影響,所以沾染皮膚時也不在意.
現在,都儘量避免直接接觸.