新手試圖再種Lavender

潛水一段日子剛浮面，先同各位打個招呼，大家好！

舊年種過一盆薰衣草，買咗返來又乜都唔識，大咗啲換盆加泥後冇幾耐就歸埋天！最近諗住再種，１星期前買咗一盆 English Lavender（Munstead）。呢盆同舊年嗰盆品種一樣，但就高好多而且有一枝條開緊花。上網睇過一啲video話Lavender第一＆第二年開完花後要修剪３份１左右，到咗第三年至算full-grown，所以我都打算遲啲幫佢剪頭髮。



據知 Munstead 嘅香味係 Lavender 之中算濃，但我呢盆聞起來好似偏淡，冇乜刺鼻嗰種樟腦味。用支pH計測試啲泥（土質唔多鬆）發現果然啲泥係偏酸，得5點幾至６點幾度！（聽講種薰衣草啲泥要pH7-8至為適合）再睇接近泥面部份又有好多枯乾咗嘅葉，為咗令佢通風啲我第一時間清咗啲枯葉（唔知做得岩唔岩？），圖中啲木質化咗嘅老梗位置原本就塞滿枯葉嘅。

盆野又唔係出咗好多花，但又有2/3咗右嘅枝條木質化，可能喺另一棵老草扦插出來，都估唔到佢嘅「草齡」有幾大！另外整盆又冇乜剪過（只得一枝被剪頂）。究竟原先種佢出黎嘅人唔識點種丫？定係特登落重肥谷大佢以為賣得貴啲？

目前有三件事需要處理嘅係：
１剪枝條扦插
２整束修剪（剪頭髮）
３換泥

問題係２＆３嘅次序，我應該先同佢剪髮後換泥？定係先換泥後剪髮 ？
剪頭髮嘅話，如剪到去「６寸」果個位會唔會剪得過份？

買

開花lu，但花唔香。
呢盆，就當係交學費。

2# 緲緲

hi~ d花好靚wor~ 你係咪室內種ga?
我諗你冇須要特登分開修剪同換盆兩個步驟, 如果修剪同換盆一齊做最適合不過, 因為一般換盆都最好同時修剪一下多餘枝葉減少水份蒸發, 唔知你係咪種0係室內呢? 如果種戶外就最好冬春先換盆~ =^  ^=

4# 阿晴
好多謝阿晴回覆呀（我仲以為唔會有人理......）
平時呢盆係放喺向東南冇乜遮擋嘅窗台，日照OK。影相至放喺相中位置擺鋪士。
買咗３個禮拜左右，買返黎時已經有花穗。
之後上網搵資料，睇到呢個video，先知道仲得靚嘅lavender係點嘅樣：
http://www.youtube.com/watch?v=-5pJs99MV28

片中薰衣草園主人種嘅第１年個嗰棵，啲花已經多過我嗰盆好多！
而我嗰盆，我諗原先種佢嘅人一直只留佢喺個膠盆內，
但就唔知係種咗幾耐......

啲花喺月頭都開晒而且開始謝，我諗先作大幅度修剪，
等換盆時比好manage啲，順便開始插新枝。

剪完幾日後想撿查吓啲根有冇問題（買返來後都未睇過根），
唔睇由自可，一睇就不得了，啲根完來生到冇位伸展，
已經開始纏住黎生，即所謂嘅root bound現像！

雖然成嚿泥成咗「盆狀」，正面睇好似冇乜嘢......


但睇吓個底，啲根生到冇位可生，圍住個盆底生，而且開始自綑。
見到咁我都唔想等到再涼啲至換盆，即刻處理咗先。

第一次剪根，毫無經驗，只睇過人地嘅視頻示範。
我分別喺底部同四個面都剪走約半寸左右嘅根，
因啲根纏住晒啲泥，睇唔清楚有冇剪多或剪少啲自綑嘅部份。


舊盆係個４寸盆仔，剪完根個root ball得番拳頭咁大，
咁我預佐個6寸盆畀佢，我諗都OK掛......

換盆後一星期，依然健在，
頂芽有生長跡象。


不過頂芽以下，尤其近老木部份嘅葉，
依然同買返來嘅時候一樣向下彎曲，
而且都曲得幾實吓，有少少僵硬感覺。


究竟係咩原因葉會向下彎？因為之前嘅root bound？
定係肥傷後遺症？光線問題？
抑或呢啲僵曲嘅葉休眠緊？
真係拗晒頭！！

換盆後一星期，依然健在，
頂芽有生長跡象。
147110

不過頂芽以下，尤其近老木部份嘅葉，
依然同買返來嘅時候一樣向下彎曲，
而且都曲得幾實吓，有少少僵硬感覺。
147111

究竟係咩原因葉會向下彎？因為之前嘅root  ...
緲緲 發表於 2009-9-12 17:02

應該係唔夠陽光...
因為我都種過薰衣草,係擺係屋企窗台種,唔夠陽光,d葉都係咁
幾個月前我有個親戚比左佢間大屋個花園我種花,我將棵薰衣草種左落戈度,d葉冇幾耐就向番上勒^^

9# 啦啦啦
我都有諗過可能係光線問題，但剛剛買返來嗰陣啲底葉已經係咁......
而家係放咗係有晨光嘅窗外。

啱啱觀察過，發現底葉捲曲得最厲害嘅，正好係一啲曾經開過花嘅老枝嘅分枝，如#8樓第二圖中左方所見嘅枝條，呢啲「分分枝」又特別矮＆幼；
反而中間同埋未開過花嘅，啲底葉同老葉頂多都係下垂，未至於捲成咁。

啱啱觀察過，發現底葉捲曲得最厲害嘅，正好係一啲曾經開過花嘅老枝嘅分枝，如#8樓第二圖中左方所見嘅枝條，呢啲「分分枝」又特別矮＆幼；
反而中間同埋未開過花嘅，啲底葉同老葉頂多都係下垂，未至於捲成咁。 ...
緲緲 發表於 2009-9-16 10:25

你D相影得好靚呀，重好有心機tim
其實老個D如果插支會唔會後生番ka呢？~

12# HappyLeo
多謝先。相同埋內容我係想盡量present得清楚啲，以求得到多啲回應，
點知竟然有啲反效果 ......

插枝方面，其實早前修剪下來嘅都有好幾條插緊或浸水，
啲老化嘅枝條，覺得就算番插都唔能夠將時光倒流，佢地咁老就咁老囉。
但啲老枝上亦有啲細嫩嘅分枝生緊出黎，期望新枝葉生得正常，
若然啲曲葉又冇改善嘅話，咁到時就滅走佢地，
假設啲曲葉而家仲可進行光合作用，
暫時留住佢地或可幫手「養」大啲嫩枝。

12# HappyLeo
多謝先。相同埋內容我係想盡量present得清楚啲，以求得到多啲回應，
點知竟然有啲反效果 ......

插枝方面，其實早前修剪下來嘅都有好幾條插緊或浸水，
啲老化嘅枝條，覺得就算番插都唔能夠將時光 ...
緲緲 發表於 2009-9-17 06:06

反效果?唔會掛，我見到你D相又靚又有心機，都忍唔住要吹埋一份啦
不過有細嫩嘅新枝葉，等佢大左再插枝咪會後生番？haha~

14# HappyLeo
係呀真係有反效果架，不過係點都係費事講喇免得......
插枝，尤其係插lavender呢啲，生根比較慢，
反正家陣唔缺枝條插種，我又想保持呢盆而家嘅形狀，
若再剪老枝就會變得有啲七零八落架喇。
而且啱啱至大剪過（剪短咗３份１）兼剪根同換盆，
佢都應該仲受緊所謂嘅 transplant shock，
等再過埋冬睇過點先啦，唔郁佢住喇。

緲緲
其實我都想種迷送香，
不過好似比薄河難種，所以都係專心種好佢先
等我多D經驗再種呢樣，
你呢棵香味咁濃，係咪唔同花墟個D架？
點都好啦，謝謝的分享

緲緲
其實我都想種迷送香，
不過好似比薄河難種，所以都係專心種好佢先
等我多D經驗再種呢樣，
你呢棵香味咁濃，係咪唔同花墟個D架？
點都好啦，謝謝的分享 ...
HappyLeo 發表於 2009-9-18 01:59

呢棵唔係迷迭香，你係講lavender嘛？佢一啲都唔濃呀，而係仲好淡（頂樓post提過），
開花時花冇乜味架係等花死咗啲花萼至香啲！

呢兩隻草喺香港地種，若果冇個日夜溫度有差別嘅環境下，宜盆種多啲，
除非已被馴化否則要越夏（安然渡過炎夏）地種係有啲難度。

呢棵唔係迷迭香，你係講lavender嘛？佢一啲都唔濃呀，而係仲好淡（頂樓post提過），
開花時花冇乜味架係等花死咗啲花萼至香啲！

呢兩隻草喺香港地種，若果冇個日夜溫度有差別嘅環境下，宜盆種多啲，
除非已被馴化 ...
緲緲 發表於 2009-9-18 02:36

馴化？可以的嗎？有興趣woo~
點做架？可以教教我嗎？謝謝你呀！

18# HappyLeo
咁我又唔係專業人士，具體上點攪真係唔知喎！
只能基本上推斷，係將非原生地品種，同佢逐步適應新環境以至到有野生能力。
至於要種到幾耐或幾多代至能成功將外來植物馴化到可以野生，我就真係唔知喇。

比較簡單嘅係光馴，比如令喜陰植物適應更多日照，就要光馴，即逐步延長日照時間；
相反令喜光嘅適應稍暗嘅環境就要逐步減少日照。
光馴係大家都比較常做嘅一個馴化程序，如季節交替時由室內植物轉室外種、或室外轉室內。

如果你有興趣嘅話可以探索一吓台灣人點樣將某啲薰衣草品種馴化（好似係羽葉＆齒葉）。

加翻幾張插枝圖：

水插１個月出根約１cm，落盆後兩星期：
   

另一盆「迷你」size：