檸檬馬鞭草—再生記

夏天尾買咗盆馬鞭草，冇換盆乜都冇攪，一來地方唔大二來好似話到咗秋冬就會死，
所以都費事攪咁多嘢，等到時到候就採啲葉落來存起佢......

一入秋葉就開始落，啲葉一啲落吓一啲被我摘吓，話咁快就剩返啲枯枝，
但依然冇丟到，因為聽講過冬後會重生，咁我又試吓先剪晒啲枯枝，
兼住keep淋少少水唔好令啲根死然後睇過點。

兩星期前就發現主幹近泥面嘅位置生咗幾粒白色嘢，唔多清楚係乜，
但摸上手有馬鞭草香味。幾日後，肯定呢啲係新芽，馬鞭草正式重生喇！
加返啲肥後都生得幾快，見圖：

１２月５日


１２月８日


１２月１３日


１２月１５日
   

恭喜你,加油

恭喜你呀! 好在你無放棄咋

我都剛剛買左兩盆lemon verbena, 但點解聞唔到味既?

加油.  

多謝上面幾位，我都冇諗過盆嘢咁快翻生，可能係枯枝剪得快......
bunbun05：你有冇用手輕輕掃吓啲葉呀？香草你唔掂佢時啲香味唔會自動發放喎。